2019年5月29日 星期三

《L風暴(L Storm)》:巷人巷審反送中

話說魔術師是在屯門市中心大眾書局買呢隻碟嘅。點知一拎上手,隔離忽然有把男聲問:「古天樂做戲得唔得架?」
魔術師轉頭望去,原來是一名貌似聞J黨主將高佬廷的男子!

呢位「高佬廷」精神似乎有點問題,不停地自言自語之餘,仲 keep 住問魔術師「古天樂做戲得唔得」。
魔術師不勝其擾,唯為拋下一句「OK喇」,便唔再理會「痴線版高佬廷」,逕自去收銀處付款去了。

***
L stands for Laundering,今次嘅「風暴」系列係講洗黑錢嘅(不過就同佔派無關)。影片一開始,就係由衣着性感、事業心很重的掹車邊90後蝗妹招美欣(李昕岳飾)跟洗錢集團首腦徐有財(廖啟智飾)交涉,話要洗走5億人仔。老徐拍哂心口答應包無甩拖,但竟然就係要招小姐自行將錢放在LV篋中偷運過關,螞蟻搬家睇怕都要搬好多次。招在過關時被截查,但海關關員狄偉傑(謝天華飾)馬上從同事中接手,並迅速放行。原來狄早已被老廉反貪組長陸志廉(古天樂飾)盯上。在一番飛簷走壁的追捕後,過兒雖然施展出古墓派輕功,仍被狄逃去。另一方面,老廉追截招妹亦被蒙面骷髏哥欄阻,失敗而回;而骷髏哥亦同時 send 短訊給招妹,招攬洗黑錢生意:

承接上一集《S風暴》,劉保強(張智霖飾)被調任到聯合財富情報組專責調查洗黑錢案件,首先盯上的就是以投資移民身份變身新傷港人的招妹。招妹的LV篋原來藏有1,000萬人仔(即係10萬張100元鈔票,看來招妹都幾好氣力),來試試老徐的洗錢效率。老徐打俾新展銀行的相熟經理,先扣起20%佣金,便開始洗掉餘下的800萬。這時劉 sir 來到銀行調查,經理馬上斷線,交易未能成功,搞到招妹面都黑埋。經理企圖逃走,但卻被發現摔死在後樓梯。這時王海禾(譚耀文飾)出現,殺死老徐及其手下阿成(張繼聰飾),並叫神秘人幫招妹洗淨黑錢,又只收15%低廉佣金,於是便成為了招妹的新拍檔。

原來出賣老徐的是狄偉傑,並投靠了禾哥,收了安家費。偉傑回家跟老婆扑完嘢後,話準備着草到賓國做逃犯,並得知老婆懷了身孕。誰知,就在離開時,老婆中了汽車炸彈而死。

黑警每個team都有一條囡。這天劉 sir 就帶埋手下女督察李慧雅(陳庭欣飾)去新展銀行找舉報林經理的銀行反洗黑錢部門主管游子新(愛跟傳說一樣的柏天男飾)協助調查,並發現游經理聽力有問題,要服食藥物:

裘千尺受過兒照顧...呀唔係,係陸 sir 幫舊同學 Raymond 照顧年邁的母親(羅蘭飾),仲幫佢換埋冷氣。Raymond 要求陸 sir 提供銀行戶口號碼,轉數快過返錢俾陸 sir,其間的對話被神秘人勾線錄了音:

狄偉傑知道老婆是做了自己替死鬼,便致電陸 sir,想要自首,轉做污點證人,指證禾哥和招妹。陸 sir 又單獨帶女手下 Tammie Tammy (夏嫣(改名前稱盛君)飾)做嘢,夜麻麻去深水灣見狄偉傑;但臨時又有 Whatsapp 話轉地點去淺水灣。陸 sir 二人分頭行事:Tammy 在深水灣落車,而陸 sir 就去淺水灣。果然,轉地點的 message 是被 hack 的:狄偉傑就在原定地點出現。骷髏哥從後掩殺而至,插了狄偉傑兩刀,Tammy 上前制止,打了一會,被骷髏哥在軟綿綿的心口上樁了幾下,便昏倒了。狄偉傑趁機負傷逃脫:

陸 sir 發現被廉記內部調查組跟蹤,於是便向其組長程德明(鄭嘉穎飾)查問究竟。口口聲聲對陸 sir 尊稱「前輩」的程 sir,以皮笑肉不笑的態度,指出陸 sir 在7月15日在1,200萬存入他的新展銀行戶口(睇返月結單,陸 sir 存款利息都有$1,430.16,看來呢個係 Mortgage Link 戶口,否則有咁多利息並唔容易)。無 check 戶口結餘、無 check 銀行短訊習慣的陸 sir 竟然毫不知情,只係話幫身在米國的舊同學的母親購買冷氣機,並將戶口號碼告知舊同學;但這時程 sir 卻指出該舊同學在1,200萬匯款前已因交通意外死去;而當時亦無從米國打俾陸 sir 的電話。

在調查期間,陸 sir 被停職查辦。陸 sir 打暗號通知手下,查得舉報陸 sir 的人叫 Eva Ng。陸 sir 去新展銀行查問,見到擔任銀行後勤經理的游子新竟然可以在櫃台大堂出現氹細路、教 teller 做嘢、仲幫埋唔識用網上銀行的陸 sir check 戶口,真係一腳踢。看來呢間新展銀行削減人手都削得幾勁:

劉 sir 私底下幫陸 sir 查到舉報人 Eva(鄧麗欣飾)的資料,原來此女是超齡靚模並。陸 sir 扮龍友相約私影,Eva 在自我介紹時自稱是在「美國劍橋」讀書的藍血人。私影期間有數名大漢衝進來,質問 Eva 為何仍然留在我城。陸 sir 大發神威擊退眾大漢救走 Eva,並表露身份。Eva 唯有和盤托出:因為欠了財仔數,貴利王肥福又知道 Eva 是狄偉傑的前度情人,便叫她舉報陸 sir,話陸 sir 收了狄的錢放他走:

陸 sir 去刮肥福(麥長青飾),Eva 竟然又幫手追埋一份,真係義氣仔女;但在骷髏哥的飛刀掩護下,肥福逃去無蹤。程 sir 死咬陸 sir 不放,展開狂野時速,但又被陸 sir 逃去。劉 sir 得到消息,老徐和阿成的屍體在西頁被發現,便去找上老徐的叔父貴興叔(盧海鵬飾)。貴興叔提供線索,話件事係由荷蘭幫所為:

陸 sir 在 Eva 借暫一宵,Eva 這時才知道狄偉傑是欺騙她的感情,借她的名字開銀行戶口洗黑錢。Eva 去找程 sir 澄清,話陸 sir 是無辜的;但 Eva 被程 sir 拋得兩拋又縮沙了。程 sir 跟蹤 Eva 回到家,正要拘捕陸 sir 之際,劉 sir 橫加干預,先行將陸 sir 扣押:

殺人政權派出反貪處長洪亮(丁海峰飾)來到我城,也不用跨境執法,直接要求我城黑警配合,調查極大貪腐案。由於我城已成為國際洗錢天堂,洪處長的矛頭便直指貪腐官員的新傷巷人情婦招妹:

劉 sir 查到肥福是禾哥的手下,禾哥跟網上周圍留言的L姐(L風暴?)差不多,又是荷蘭幫,不過禾哥就是洗黑錢集團的主腦,而不是洗廁所的阿嬸。因為陸 sir 查狄偉傑洗黑錢,威脅到禾哥,於是禾哥便使人搞到陸 sir 一身蟻:

港女即是港女,劉 sir 的手下囡督察從海關提供的 CCTV 片段中認出招妹的包包是今年的限量版,於是便去廣東道各大名店查詢,並發現個包包並非情夫贈送,而係招妹自己碌卡買的。驗屍報告證實林經理是被人從後襲擊,摔落樓梯而死,引起劉 sir 對新展銀行的反洗黑錢部主管游子新的懷疑。劉 sir 找游子新的醫生(宣萱飾)查問,發現原來游子新是個患自閉症的天才,又有暴力傾向,故此醫療團隊便自小安排游子新學武,以作為宣洩(這算是什麼鬼理由?):

果然,游子新就是骷髏哥,又是禾哥好兄弟,便跟招妹結交起來,好認識招妹的幕後主持人。以骷髏哥經常在日間出沒的情況下,看來新展銀行的職員要開小差也很方便。劉 sir 從信用卡刷卡資料,得知招妹所在,但追來時已是太遲,招妹已乘快艇離去。這時洪處長打電話來,話貪腐官員已離開深圳,乘船往我城,基於一國兩制,井水不犯河水,公安不得跨境執法,便要求劉 sir 配合,緝捕逃犯:

Eva 從卡拉OK的友人裡知道肥福會上賭船跟大佬禾哥傾生意。陸 sir 離開覊留室,在 Eva 和手下的掩護下撇開程 sir 的追截,帶了偷聽器上船搜證。招妹把從深圳坐洗頭艇來的貪官情夫介紹給禾哥認識,一行人到會議室商談期間,陸 sir 趁機把偷聽器貼在招妹的包包上。禾哥和游子新給貪官介紹各種洗黑錢方法,甚至乎游子新自認陷害陸 sir 的說話,都給陸 sir 錄了音。

偷聽器意外鬆脫,給游子新發現。禾哥四圍搜刮,雖然逮住陸 sir,但卻搜不到給陸 sir 藏起來,用來錄音的手機。禾哥對陸 sir 進行SM嚴刑拷問,但陸 sir 死都唔講,班傻仔犯罪集團卻又唔識搜船。折騰了一晚,Tammy 在第二天醒轉,只係識天真地話「陸 sir 是無辜的」。陸 sir 手下不得已告知程 sir 陸 sir 的所在地。程 sir 等人便殺上賭船救出陸 sir(又話程 sir 只係做內部調查嘅?點會走在最前線?),以 Find my iPhone 找到了陸 sir 的手機(誤),拘捕了有黑警上了船都不知不覺的肥福,並救出陸 sir:

游子新幫貪官洗掉100億人仔,並為禾哥抽水15億。就在這時,招妹竟然中了黑警假扮信用卡 sales 的屎橋,講多了幾句便被劉 sir 查到了禾哥一眾人所在。陸 sir 也跟唔知點解跟埋一齊的程 sir 一齊去提游子新。禾哥見招妹對住游子新眉花眼笑,怕最終會被游搶去生意,便派人想殺游,點知游武功高強,連大隻佬殺手都殺死。游子新一不做二不休,將禾哥的15億私吞後逃走,陸 sir 和程 sir 正好趕上來,展開追逐:

劉 sir 趕來,與正在逃走的禾哥和招妹展開激烈槍戰,最後將二人拘捕。游子新乘船逃走,見陸 sir、程 sir 追來,便停下船,想引二人上船將其殺死;陸、程二人合力依然不敵,最後由陸 sir 按下船隻的鳴笛掣,震倒了戴助聽嗰的游子新。洪處長在貪官離國前將之拘捕,就算貪官唔落車都可以夾硬來連人帶車拖走,盡顯強力部門本色,更加唔使搞乜東東「送中條例」。

終於,各人都受到法律的制裁。由於招妹是新傷巷人,實行巷人巷審,有大街上與黑警槍戰,有如女版葉國歡,都只係坐十年而已,唔會比倚天哥坐得多太多。假髮人仲放生埋 Eva 添!至於貪污海關狄偉傑...導演可能已經唔記得咗呢個角色,唔提就唔存在了!
***
本片犯駁處甚多,最離譜的當然係在這個電子銀行年代,有款項存入戶口,戶口持有人必定收到短訊通知,陸 sir 係廉記首席調查主任,無可能連咁基本的 awareness 都無,其實就係反映了其實無 common sense 的是編劇才對。而既然游子新如此神通廣大,為何要勾線假扮舊同學才知道陸 sir 的銀行戶口號碼呢?
仲有就係巷慘片最易錯的地方,所有機構都有前線和後勤人員,後勤人員不會貿貿然走上去前線管理業務。好似游子新係銀行反洗黑錢部的,又點會在櫃檯出現?程 sir 是老廉做內部調查的,又點會同陸 sir 一齊去捉游子新?
其他大大小小的 bugs 都已在內文寫了,實在是不忍卒睹。
唯一的亮點就係一眾蝗妹演員都十分養眼,尤其是飾演招妹的李昕岳,樣靚身材正,着住短裙長 Boot 開槍,真係無得頂;反之飾演劉 sir 手下女督察李慧雅的2010年度巷姐冠軍陳庭欣,都只係 so so。Stephy 就更加唔掂...
但,一套以反貪為主題的警匪片,到最後要靠囡囡加分,仲要係蝗妹,而唔係港女...你話又算不算是巷慘片的悲哀呢?
評分:25/100
***
伸延閱讀:

夏嫣 Facebook
《S風暴(S Storm)》:可唔可以拍得唔好咁hea?

8 則留言:

  1. 訥套嘢咁新我竟然睇過...不過都係睇過後半part兩次(由大隻佬監生打死廖啟智開始)

    不過又估唔到魔兄會周中出影評!

    回覆刪除
    回覆
    1. //唯一的亮點就係一眾蝗妹演員都十分養眼

      https://m.dongqiudi.com/article/1039791.html

      刪除
    2. 呢個會好啲

      https://www.dongqiudi.com/article/1039791.html

      刪除
    3. //中出影評!

      XD

      其實我啲稿好多時都一早寫好,爭在排 schedule publish 啫。


      //呢個會好啲

      都係淨係得景甜喎!

      刪除
  2. 夏嫣(好聽的名字)拍的那個廣告,廣告詞寫得好靚!

    回覆刪除
    回覆
    1. 飾演 Tammy(!)的夏嫣(或盛君)都幾靚架!
      https://www.facebook.com/AnikaXY

      但,個廣告女主角係劉心悠,男主角就係呢套戲的奸角游子新(柏天男飾)。

      刪除
  3. 哈哈,認錯人了( 通常唔記得明星嘅名)......我完全冇留意到個男主角,淨係掛住睇女 XD

    回覆刪除
    回覆
    1. 呢套戲咁多囡囡, 可以幫補一下票房呀!

      刪除