薯片育兒社

魔術師日前收到鄉大工管校友會的電郵，話薯片叔叔有講座，內容係「有青育成（Nurturing a Future-Ready Generation Together）」（魔術師受當年美顏組的米腸上司薰陶，見親呢啲每個字第一個字母都用 capital letter（即係 title case）都特別唔開胃）。有機會去一賭最受黃Ｃ歡迎的「建制內人物」的風采，魔術師當然唔會放過呢個機會，報名去也：

這晚去到會場，令魔術師感到有點奇怪的是，與會人數似乎唔係咁多，個 lecture room 都坐唔滿，究竟係「收生不足」定係有人放飛機就不得而知，但似乎薯片叔叔的號召力似乎不及當年勇。鬼咩，一開講，薯片叔叔就話：「今日的年青人是歷史上教育程度最高的。」
魔術師聽完即係「眉頭不禁猛皺」：「你所指的『教育程度』，究竟係講『學歷』定係『學問』呀？如果係『學歷』，似乎就正確，皆因真係『周街都係大學生』也；至於『學問』，就點睇都唔會係『最高』喇！係就唔會咁多人背埋啲黃Ｃ懶人包喇！」
而更令魔術師感到乏味的，就係薯片叔叔所謂的「育成孩子」，其實就係鼓勵 STEM 教育，以 train the trainer 的方式去解決師資的問題。薯片叔叔以「行禮如儀」的語氣「讀」咗幾張 Powerpoint slides 出來，實在比較沉悶（當然，坐係魔術師前面的叔叔的頭頂都係令魔術師唔係幾想望住個 screen 的原因之）：

最後薯片叔叔話新一袋人因為資訊流通，對政府、團體、企業的信任度下降，企業的ＣＳＲ不再重要，取而代之的是企業目的，然後就順便賣廣告，薯片叔叔所創立的「薯片叔叔共創社」。共創社有一個活動，叫「重塑教育挑戰」，希望一眾鄉大工管校友能夠踴躍支持（有力出力，「有錢出錢」。但，要籌集捐款，為何不眾籌？）。呢個挑戰活動的主旨係「尋求可達至教育目的及能應對學習挑戰的創新方案」，俾ＮＧＯ同埋 startup 參加，睇怕又係好唔創新的《Apprentice》、《勝利道》模式：

（圖片來源：薯片叔叔共創社：重塑教育挑戰，retrieved on 13 Jul 2019）

去到Ｑ＆Ａ環節，有教師校友Ａ覺得特衰正苦推行 STEM 不得法，在中學強推，又無支援又無師資，又最多只能推到中四（因為中五開始要集中考ＤＳＥ）。校友認為最有效推行的是的是小學，但可惜我城文化唔重視，傳霉依然追訪墥完...
薯片叔叔的回應就係特衰正苦認為要搞 STEM，即係話 STEM 已落後。我們要問為何 STEM 不是主流，要改變就要由下而上推動，bits by bits 咁改變。
（魔：遊完一輪花園，點樣由下而上推動，你可以說服到怪獸嘉獎接受子女唔讀醫做工程佬先講喇！）
校友Ｂ謂除了 STEM，仲要推動學生多點中華文化，歷史的認知，迎接大灣區發展。問薯片叔叔有無 idea 可以幫忙「由下而上推動」。
薯片叔叔就話「大灣區即是豬三角，我城不嬲都話要融合豬三角，改個名唔代表本質上有乜改變。正苦要有政策配合，呢一方面無辦法「由下而上」，只能「由上而下」推動；但自己就無辦法幫到手了。
（魔：薯片叔叔耍完一輪太極，又係將個波推返俾正苦。而呢位校友Ｂ就真係有啲左膠同埋離地，成浸「既得利益者」味道（肯 buy 蝗國的都唔會係感到「絕望」嗰一班有青喇！），叫班有青返大灣區發展當然係無可能，人地連 return home card 都無；對中華文化和歷史的認知，唔係抗拒就係只有負面的看法。睇怕呢位校友都係會放棄有青一袋孩子了。）

校友Ｃ以德銀在香港炒人，就顯示出呢班呢班銀行家要由下而上，鞏固自己，才能 re-employable：例如唔能夠唔識講蝗話，要在大灣區有人脈，了解文化...
由薯片叔叔大概發覺此「問題」唔係好得，故此又遊一輪花園之後就講返教育，話佢個機構其實搞個一些 train 老師的活動，但發現老師對 STEM 抗拒：因為一講到寫 code，老師無優勢，隨時要問返啲學生轉頭，所以師資係一大問題。
（魔：呢位校友的話題無乜着力點，魔術師就即時想反問點解做得「銀行家」都唔識一早財務自由，仲要做工資奴，成日諗住 re-employment。你話要返大灣區講人脈，隨時又會「唔覺意犯了罪」，要 buy 呢一套就要放棄我城的核心價值了。咁講法，即係又係權威同面子的問題，老師要在同學面前保持權威，就要顯得自己係「通天曉」，如此才有資格「教」人。避重就輕，唔熟嘅嘢就唔提，係人情之常。既然教慾界有此 mindset，就唔能夠用 train the trainer 的方式去推行，而係要引入新嘅專科教師；但好人好姐，又會邊個「有能之士」選擇去教書而唔去做補習天王呢？）
校友Ｄ話大灣區有三個 currencies，三套法律，問薯片有乜意見俾孩子們「由下而上」去應對。另一個問題就係依家知識易得，孩子們覺得世上無權威，自己係全知全能，仲有乜嘢人可以引領佢地？
對於第一點，薯片叔叔只能遊花園，話孩子們自己要留意，好多嘢在我城做得到但在大灣區就做唔到（魔：反之亦然）；至於第二點，薯片叔叔又係老生常談，話 hard skill 嘢可以留俾電腦周埋機械人（魔：AI／Skynet／Terminator？），孩子們最緊要要係要學會 soft skills，好多嘢都係教唔到，例如以手機遊戲模式去建立無大台的默契；同時好多嘢唔使學，故此現今教育模式要改變，縮短學習時間，甚至不用離開屋企（魔：但係，如果身在蝗國，就要學識翻牆了！）
（魔：「現今教育模式要改變，縮短學習時間」呢句最啱聽。基本上魔術師唔認為小學需要讀六年的，可能４年就夠；中學６年課程都唔知教乜，教到班孩子文化根底又無，數理邏輯又差，唔使縮短時間但要 optimize 個課程內容就真。不過，呢啲就係教慾局的工作，教師家長都無能為力可以由下而上推動了，總不成又來搞個喊苦喊忽的媽媽集會吧？）
今次個講座魔術師就真心覺得無乜 take away，主要係薯片叔叔的廣告時間，而且佢嘅 presentation 好鬼穩紮穩打，無咗「妙語連珠」的「風采」（無咗肥仔聰幫佢寫 script？）；而呢班工管校友的問題更係廢廢地，成浸商界、既得利益者味道。大佬，依家要育成的孩子，一早就唔 buy 你上一袋人搵錢、在社會上、職場上向上游，努力提高自己地位的傳統價值觀架喇！

＊＊＊
結果，整晚的重頭戲，就係薯片叔叔化身為中女殺手，不斷「被集郵」，仲有（黃Ｃ女？）校友拎埋即影即有要薯片叔叔簽名添，真係好似小粉絲見偶像咁...

＊＊＊
伸延閱讀：
薯仔教你呃like（2nd edition）

信報　2019年7月10日
凌通 中環解密
德銀全球裁員 港辦公室人去樓空
德銀周日宣布大重組，全球裁減1.8萬名員工，並撤出證券銷售和交易業務。香港作為德銀股票資本市場部的「重鎮」，自然首當其衝。據了解，該集團大部分證券業務前線銷售人員周一已接獲「大信封」，個別留下為交易「執手尾」的員工，料亦會在年底前悉數離職。有幸存的德銀職員昨天早上拍攝了交易部門（Trading floor）的實況【圖】，平日早上未屆9時已頗為熱鬧、電話響個不停的辦公室一片死寂，人去樓空，令人唏噓。
其實，德銀打算裁員的消息在內部流傳已久，更有員工早於兩星期前已開始收拾個人物品，亦愈來愈少人回辦公室上班。