１２３萬可以做到啲乜？

其實有青們都唔使咁灰嘅，就算讀書不成，都可以學似鎢絲 sir 咁做設計Ｃ，將班真假中剷客劏完又劏，又點會無上流機會呢（３５：２７—４７：１６）：

樓盤傳真 2019/06/08 2019/06/08 23:43

樓價觸頂回軟，全新盤市場就只有何文田晟林上載樓書，頂層複式巨宅近 4,000 呎，但發展商福晟無附設間隔，設計師有何建議？另政府重啟活化工廈做過渡性房屋，但居然零申請，業界話政策敗於欠缺長遠計劃，掣肘多、誘因少。 
大型單位指數仍然保持明顯升勢，反映豪宅市道維持向好。今集放盤單位來自筆架山道傳統豪宅，樓齡偏舊而且較近公路，叫價每呎 1.8 萬元屬於區內最低呎價。 
恒地位於西半山的帝滙豪庭，全盤 90 個單位， 2016 年售出 22 伙後封盤至今。交樓標準用料高級，部分配件刻意留待入伙後才安裝，為免手工出錯。 
一家三口，小朋友只有五歲。父母希望單位設計，可以加強一家人的交流，設計把本來獨立的廚房，改成衣帽間，佈局創新。

戶主２００５年結婚一手買入瑭堤半島，一住就住到連阿囝都有五歲大，家中裝潢開始殘舊，而且雜物超多超亂，唯有向鎢絲 sir 求救：

原來梗廚係會令全家「缺少家庭聯繫」，加上無工人姐姐，所以鎢絲 sir 便將原來的廚房改成雜物房和洗衣房，廚房搬出廳做開放式，水電鑿你一大筆。戶２拆去變開放式書房，順便擴闊主人房；套次又無端端拆牆向囝房偷位擴大放洗手盤（左上、右上）。開放式廚房以中島作飯枱，「加強親子亙動」；但由於要將超長的抽油煙喉管通往原來的廚房出口，於是便鎢絲 sir 便自製橫樑壓頂，包住喉管，順便又藏起冷氣（左中、右中）。廚房、飯廳以地磚跟客廳分隔（左下），而中島對面就是鞋櫃（右下）。

客廳空空如也，十分「簡約」。根據鎢絲 sir 解畫，為了節省由門口到睡房的通道空間，變利用「共享空間」概念，電視就對住窗口，黑色梳化背窗，梳化背亦有空間可讓房主坐上窗台，只要戶主唔介意反光便可利用中間通道拉長睇電視的距離，部電視亦可以買大啲（左上）。電視下面個網唔係喇叭，而係入牆櫃放影音器材，個網亦可讓紅外線遙控訊號通過（右上）。開放式書房前方在報紙雜誌架（左下），坐位雙人設計，枱面以條子光管設計，很有些鐵窗風格；書枱背後有大櫃及展示櫃儲物（右下）：

主人房繼續貫徹簡約設計，乜都無，就連床頭櫃亦唔係度身訂造，比床身高出甚多（左上）。主人房另一邊，左面是套廁，右入趟門可通往囝房，囝囝獨立得來亦不失照顧（右上）。囝房都係白色，白到有啲似醫院（左中）。主人房跟由原來的廚房變成的衣帽間相距甚遠，直程係在屋的兩個角落，使用頗不方便；衣帽間牆身裝有層架（右中、左下），門後是洗衣房，隔鄰空間以趟門分隔，可放雜物（右下）：

咁就盛惠１２３萬，仲無任何嘢俾五歲囝囝發洩精力添，睇怕唔使好耐又要大裝了！你話中剷錢幾易搵呢？我城唔係無機會架！