我和喪屍有個約會

（幕開）
（一個正在進行裝潢工程的商場內，空無一人。）
（忽然，一扇防火門慢慢由外而內打開。）
（門外走進一隊武裝部隊，共７人；另外有一名身穿保安服飾的平民混在中間。）
（隊長打個手號，眾隊員即時四散，各佔有利位置，有些拿起望遠鏡，有些拿起衝鋒槍，互相掩護觀察。）
（隊長也拿起望遠鏡觀察了一陣，然後轉頭，望向保安。）
隊長：嚮導，你無老點我地下話？
保安：（哆嗦着）我...我點敢呢？我只係打份正架咋！俾個天我做膽我都唔敢老黠各位兵大哥喇！
隊長：（放下望遠鏡，指指四周）你看前面的中庭，周圍無遮無掩，又無掩護，敵人只要躲在上方攻擊，我方必然無倖；加上自動行人扶梯四通八達，敵方可循多方面進攻，我方極難防守。難道除了此等死地，我們再也無其他路線抵達目的地？
保安：（口窒窒）這...這是最直接的途徑了。其餘通道，九曲十三彎，豈不是更易中埋伏？
隊長：（發怒）阿 sir 做嘢唔使你教！（唱）（跟隊員合唱）
「哪吒不怕海龍王 幼獅不畏虎和狼
前途無論會短或長 今天起步信念強
環境一切都如常　罪惡根黑暗中延長
平凡人就算多善良　都擔心走樣」

（保安退下，不再吭聲。）
隊長：（下定決心）嘅然如此，前面就算係刀山火海，我地都要衝過去，去到火車站有瓦遮頭的地方會合。來吧，保持隊形，一起衝鋒！動作要快。嚮導，緊跟着我，不要走散。
（眾隊員列好陣式，快步移去中庭。）
（保安雙手抱頭，躲在隊伍中間。）
（正當隊伍行到中座中心位置，忽然殺聲震天，周圍湧出無數喪屍。）
（有喪屍從樓上擲下雜物，隊員馬上以盾牌護着頭頂。）
（喪屍開始沿扶手電梯衝下來。）
（眾隊員開始驚慌，隊形漸散。）
（有隊員滑倒了，眾喪屍便衝上去，拳打腳踢，張口便咬。）
隊員甲：（慘呼）呀～～～～
隊員乙：（發怒）我再也忍受不了喇！
隊長：不！不要脫隊！
（隊員乙衝上扶手電梯，以生化噴劑射低了幾隻喪屍。）
（有喪屍趁隊員乙不留神，從後將他踢落扶手電梯。）
（眾喪屍便衝上去，拳打腳踢，張口便咬。）
（隊長見失陷了兩名隊員，眼泛淚光。）
隊長：快走！趁喪屍在開餐，快走！不要讓兄弟們白白犧牲！（跟隊員合唱）
「Sayoonara
忍著淚說一聲 good-bye
Sayoonara
忍心作別說一句 good-bye
不得不講 不得不說
心中苦痛望著你講一聲good-bye
不得不講 不得不說
心中苦痛望著你講一聲good-bye」

（眾人拼命衝到火車站，稍作歇息。）
隊長：（執住保安的衣領）你條死嚮導，點條死路我地行？
保安：（顫抖着）又點...點會呢？我一直都是與你們同行架！
隊長：（冷靜下來）嘿！嚮導，現在要走哪個方向？
（保安舉起手機，看看地圖。）
保安：我地態該好接近喇！
（保安引領眾人，左轉右轉，去到一條狹窄通道。）
保安：就是這裡了。
隊長：（驚訝）怎麼？這是個殘廁啊！
（忽然，殘廁門打開，一名穿便服的青年男子採頭出來。）
青年：（感恩）啊！是你們！是一哥糾你們來救我的？好彩你地嚟咗，我終於唔使等天光喇！（唱）
「獨自在這空屋，呆呆回望鏡裡，
鏡裡那影子偷偷暗淚垂，
寂寞是這影子，苦楚他心裡知，
嚴寒長夜去苦守明天，像廢紙。」

隊長：你是不是 Ryan 仔？請出示委任證。
（青年在銀銀包內掏出證件。這時，從 Ryan 仔身後有一把女聲傳出來。）
女子：Ryan，他們是什麼人呀？
（眾隊員一陣騷亂。）
隊長：（氣得口吐白沫）你條死仔。一哥話係今次喪屍之亂中，你老母死剩你一粒仔，於是叫我訊領眾兄弟搏哂命來營救。估唔到你竟然在殘廁同條女...
Ryan：（有些不好意思）現今正值亂世，我都係想留個種啫！不孝有三，無後為大啊！
隊長：（一口氣轉不上來）你...你...咁呢條女又係乜嘢人？
Ryan：佢...佢係１０１報嘅從業員...頭先佢不斷企係喪屍同軍隊之間，我見情勢危急，咪帶佢匿埋先囉！
保安：（舔了舔舌頭）人地話做得佢呢行嘅，都係屍毒帶菌者。呢啲喪屍妹特別索，唔索就好大件事！
Ryan：（不耐煩）喂，呢條乜水呀？
保安：（不可一世）我係你地今次行動嘅嚮導！無我，你唔使旨意有人搵到你！
女子：（興奮地）咁係咪即係話你可以帶我地走出去呀？
保安：（得戚地舉起手機）嗱，呢度有講喪屍嘅弱點係乜...
隊長：（一把搶過手機）係？...仆你個街呀！ＣＣＴＶＢ嚟嘅！仲做緊《愛回家》添！
保安：（搶回手機）咩呀？係上討論區呀！嗱！呢度話，要殺死喪屍，就要向佢地頭部開槍！要趕走佢地都可以，喪屍嘅弱點係...
眾隊員：係咩呀？
保安：係...係冷氣同尾班車！
隊長：（下定決心）好，咁 control room 係邊？我地要關掉冷氣，同埋改車站指示，話下班車係尾班車，咁就可以引開班喪屍！
保安：喔...喔...
隊長：（不耐煩）點呀又？
保安：（怯懦地）Control room 就係頭先我地出發度防火門隔離...
隊長：（氣死）你...你...
隊員丙丁戊己：（慷慨激昂）隊長！反正我地都睇唔到未來，就由我地幾個做死士，去閂總掣喇！克仔你留係度，幫隊長護送 Ryan 仔離開。
保安、Ryan女友：咁我地呢？
隊長：我地今次嘅任務只係要 Ryan 仔，你地可以跟埋嚟，但我地唔會保證你地嘅安全。（轉頭向敢死隊道謝）好兄弟，能同你地並肩作戰，係我嘅榮幸！（合唱）
「來忘掉錯對
　來懷念過去
　曾共渡患難日子總有樂趣
　不相信會絕望
　不感覺到躊躇
　在美夢裏競爭
　每日拚命進取
　奔波的風雨裏
　不羈的醒與醉
　所有故事像已發生飄泊歲月裏
　風吹過已靜下
　將心意再還誰
　讓眼淚已帶走夜憔悴」

敢死隊：（逐一跟隊長和克仔握手）保重喇隊長！保重喇克仔！小心唔好俾班喪屍活摘器官呀！
（眾人從腰包拿出樽裝水特飲品，乾了。）
（眾人抹去眼淚，就此出發。）
（敢死隊出發後十分鐘，開始無冷氣供應。）
廣播系統：各位乘客請留意，下一班車將會是今日的最後一班列車...
克仔：（哭了起來）佢地成功咗喇！
隊長：（挺起胸膛）唔好喊，我地馬上出發。
（隊長、克仔、保安、Ryan及女友馬上離開殘廁範圍。）
（保安帶頭離開，隊長殿後。）
（只見火車站有一群喪屍在等車。）
（又見到詢問處聚了一群喪屍。）
眾喪屍：開冷氣、開冷氣！
女子：（不耐地）我...我好熱呀！
Ryan：（關心地）ＢＢ，你點呀？
女子：我...我忍唔住喇！我都唔想架！對唔住！（唱）
「原諒我當天不懂得珍惜　只知任性壞事情
　唯願你此刻可於虛空中　將心聆聽
　將來若真的再有個約會會完成
　真的會再有這樣深情　我以天為證跟你帶領
　我以天為證請你帶領」
」
（女子露出獠牙，撲向 Ryan。）
Ryan：（慘叫）吖媽嗲！
（隊長見狀，從後飛撲上前，雙手捏住女子頭髗，順時針用力一扭。）
（女子頸骨折斷，軟倒在地。）
（隊長癱坐地上。）
克仔：（衝過來）隊長，你怎麼了。
（隊長舉起血淋淋的右手，只見少了一截無名指。）
隊長：（奄奄一息）Ryan 仔呢？
Ryan：（眼泛淚光）我...我無事。
隊長：（指一指自己眉心）我已經沒救了。克仔，送我上路，讓我壽終正寢吧。你要帶 Ryan 仔走，走得愈遠愈好！
克仔：（抹掉眼淚）Yes，Sir！
（克仔拔出手槍。）
（槍聲響起。）
（幕下）
＊＊＊
伸延閱讀：
Wikipedia: Saving Private Ryan
【沙田遊行】半百市民圍新城市廣場詢問處　要求解釋警入商場原因（明報　2019年7月17日）
【光復屯門公園】綠衣大媽避走女廁　紅衫大媽開唱K神器大反擊（香港０１　2019-07-06）
寶礦力取消TVB廣告投放 香港逃犯條例風波引發商家爭議（ＢＢＣ中文網　2019年 7月 11日）
黑警吖媽嗲
摩摩電影節之《喪屍末日戰（I am a Hero）》：活着受罪但是又離不開