魔術師資產配置（２０１９年６月結）

話知你我城有幾百萬人遊行，傷民個個驚到鼻哥窿都無肉，巷尾股市在６月份顯著反彈，更完無視我城有青Ｇ２０登報求救，反而侵侵、小熊維尼與及金仔等的會面是更大的利好消息。
本月結算，第一位依然係沉船基金，每單位報我城貨幣（下同）＄１５６.０２，較上月升４.１２％。複式盈富「重奪」第二位，收報＄１５１.７６，較上月升６.４１％，上月頭以股息再投資，再建一功也。房託組合返回本來的第三份，安份守己，收報＄１４９.４６，較上月升２.６８％。
第四位係股票項中排末席的生活基金，收報＄１３８.４７，較上月升４.０５％。第五位係股債混合的強積金組合，收報＄１２６.０７，較上月升５.５９％，大升的主因都係趁低吸納了恆指基金是也。第六位係合格線的債劵與現金組合，收報＄１２１.０８，較上月升５.８１％，主要係因為炒減息，債券價格又升返了。
包尾的依然是商品組合，收報＄１１１.２９，大升７.５２％，為本月升幅榜之冠，主要因為金價鈀價大幅反彈也。

６月份身家淨值由上月的每單位＄１６,９３７大幅反彈至本月的＄１７,５０８，升幅達３.３７％；流動資產由上月的５３.５３%（相對基數日為２０１６年３月３１日)大幅上升至５９.６５％，按月升幅為３.９９％。主要原因都係老套嗰句：銀行對魔術師自住樓估值上升，與及各項投資市值上調所致：

周末行街，魔術師俾個Ｐ記保險的妹妹仔攔住，話可以幫魔術師將層樓打入私人銀行，「將升值部份套現」再投資收息（即係好似乜 sir 的方法），又話同好多ＰＢ都有聯繫，入門門檻可高可低云云。魔術師雖然有點驚訝乜依家做保險都可以做到咁多元化，但係都無中計，只是扮住乜都唔識咁，笑言剛剛在幾個月前才轉按，無意加大個 loan，便將妹妹仔打沉；不過，為咗更暸解呢類 plan 的運作同埋點樣以話術引導巷豬落疊，魔術師還是俾妹妹仔抄了牌，看看她會否再有跟進聯絡：

最後係 Actual net worth 與 Planned net worth（每６年翻一倍） 的比較，經本月反彈後，actual 又可以輕微甩掉 planned 了；以恆指為 benchmark 的話，魔術師身家淨值與恆指的相關系數（Correlation）為５３.７７％，Beta 值則為０.３２：