2019年12月9日 星期一

街拍文化

近日我城氣溫急降,搞到魔術師都只係想訓,無乜心機寫文。檢視一下電腦的檔案夾,原來都有好些照片未發表,倒不如來一次大雜燴炒埋一碟。
1. 呢幅相係幾個月前影嘅。應該係公司第一次因為有青暴動叫員工早放,魔術師趕去巴士站等車返歸,見到前面有一男子拎住好幾把雨傘,應該打算係入屯門支援眾義士。以當時形勢來說已經夠嚇魔術師一跳,但幾個月下來原來已經演變成出真槍同埋百幾發子彈(見伸延閱讀):
2. 「梓樂」前「梓樂」後,叫得咁親暱,佢地識架?抑或係周同學報夢俾塗鴉呢位手足聽,係某黑警害死佢嘅?側邊個符號咁似曱甴的觸鬚嘅?

3. 「垃圾」都寫錯,正垃圾。物傷其類也:

4. 「香港人報仇」?「香港人執政」?「香港人執屎」?五個字中有兩個字寫錯,有青係咪連偽進都畢唔到業?

5. Rest in Pieces 係咪「粉身碎骨」咁解?是獻給周同學的嗎?
(多謝網友 Tammie 提供)

6. 就連 WiFi 熱點都不放過,所有 SSID 都是反正苦仇警名稱...不過,就連個「狗」字都寫錯:
***
伸延閱讀:
警方清晨拘捕11人 搜出一支9MM半自動手槍以及105發子彈2019/12/08 13:18

【有線新聞】警方清晨拘捕11人,搜出一支9MM半自動手槍以及105發子彈。警方懷疑他們準備在下午遊行期間使用槍械製造混亂,包括用來射擊警員或嫁禍警員。
有組織罪案及三合會調查科清晨先後在港九11處地方,採取突擊搜查行動,在天后搜出一支9MM半自動手槍、五個彈夾和105發子彈,警方相信手槍有優良發射能力。
警方又在灣仔克街搜出兩件避彈衣、三把匕首和軍刀,另外再在荃灣一個工廈單位搜出伸縮棍、胡椒噴劑、爆竹以及對講機等物品,拘捕一名男子。
警方初步調查被捕的11人屬於一個激進組織,曾經在10月20日以汽油彈攻擊旺角警署,相信計劃今日在遊行活動中用槍射向警員或嫁禍警員。

36 則留言:

  1. 圖2:第一眼睇唔小心睇錯“為你報警”

    回覆刪除
  2. 見到槍心都寒,好想多啲人知佢地做緊咩,醒下,但又唔知多啲人知會唔會令多啲人學,其實而家咁多網購,危險品都會多左T^T

    回覆刪除
    回覆
    1. 無腦既又會賴警察做,所以講多都晒氣

      刪除
    2. //賴警察做

      成班人在人言報FB留言話係黑警嫁禍喎!

      https://www.facebook.com/hongkongeconomicjournal/posts/3624216880952241

      刪除
    3. 想鬧交上去或者撩交鬧上去警察FB,我留言支持有人會DLLM,我都冇凸佢哋。

      刪除
  3. 搵到槍同武器嘅新聞似乎仲係唔易搵到,唔知警方會唔會有記者會講下呢
    仲有唔知避彈衣會唔會好影響活動能力呢,如果唔會,希望全部警察都有得著
    如果避彈衣唔犯法我都考慮買返件

    回覆刪除
    回覆
    1. 新聞追蹤\網購軍事裝備 買家可囚七年

      亂港暴徒武器裝備一再升級!為抗衡警方的催淚彈,網上有人圖文並茂,教人網購軍用級別的防毒面具,甚至可直送家中;然而相關物品或屬於戰略物品,需簽證登記,胡亂進口隨時犯法,定罪更可判監七年。香港速遞業協會支持海關在非常時期,加強管制及審查,同時提醒市民,切勿幫人代購,以免「周身蟻」。\大公報記者 馮錫雄

        「請睇下呢位手足,正正係用英軍嘅Gas Mask!大家以為英軍Gas Mask好貴,其實仲平過3M全罩!個濾餅仲係軍事級,勁過3M啲餅,唔止200小時,仲可以遮住樣同護眼!」有網民最近在連登討論區發帖,教導網民如何購入高效能防毒面具,更附有海外網購超連結,每個賣400多元起,聲稱參與反政府活動時即可大派用場。

        曾有買避彈衣判監

        多名網民表示關注,爭相查詢效能,有人更聲稱早在八月份已購入,更直送家中,附有貨品圖片。不過,有網民指出購入或會觸犯法律,「戰略物品黎(嚟),畀海關捉到洗定八月十五」;有人就建議,為避免追查地址,可以寄到智能櫃然後取貨。網上有報稱來自海關內部的信息,海關人員已加強在機場執法,抽查戰略物品。

        根據香港法例第60章《進出口條例》規定,任何人如非根據並按照進口或出口許可證的規定而進口或出口任何戰略物品,即屬犯罪,經簡易程序定罪,最高可處罰款50萬元及監禁兩年;經公訴程序定罪,最高可處無限額的罰款及監禁七年,以及強制充公有關物品。

        執業大律師陸偉雄表示,早前有一宗案例,有人網購避彈衣到港被海關發現,經法庭裁定觸犯香港法例第60章附屬法例《進出口(戰略物品)規例G》,最後罰款坐監,高效能防毒面具有可能屬於戰略物品,市民必須登記申請,若隨便購入,隨時惹上官非,甚至入獄。

        香港海關回覆大公報查詢時指出,香港法例第60章《進出口條例》以及香港法例第60章附屬法例《進出口(戰略物品)規例G》附表所開列的戰略物品,均須遵守工業貿易署實施的簽證管制措施,進出口受管制物品及禁運物品清單,已上載於香港海關網頁供公眾參考。

        海關強調,根據相關法例進行執法工作,一如以往與其他執法部門保持信息交流,致力阻截受管制物品及禁運物品非法進出香港。

        代購隨時一身蟻

        香港郵政則表示,檢查進口香港郵件的工作由香港海關負責,如香港海關需要開啟個別郵件,會派員陪同以作配合。

        香港速遞業協會會長吳江認為,現時暴力充斥香港,支持海關在非常時期,採取措施加強抽查及執法,他同時呼籲市民,千萬不要幫朋友代購,以免惹禍上身。

      刪除
  4. 相1.如果喺舉機之際,有青一望,咁樣初步會吾會觸怒啲大爺。
    相2.嘩,有埋疑似曱甴logo,啲字化開晒,呢個手足一路寫一路喊緊㗎。
    相6.嗰隻字都難揾到,怕且呢個手足有老花。
    其他啲相笑到趴喺度。
    玩到真槍又玩武士刀,真係吾知講乜嘢好,唯有講句大家小心。

    回覆刪除
    回覆
    1. //咁樣初步會吾會觸怒啲大爺

      係嘅話, 我就成為第一個被私了的市民喇!

      刪除
  5. 溫提:魔兄拍照要小心注意安全。

    回覆刪除
  6. 點解咁多錯字?唔係話黃屍好多都是有高學歷的大學生嗎?好老實,以我觀察,好多做呢啲小動作的都疑似是一班爛鬼,呢班人渣只會是收了錢先去做野。出槍攞命只是隨著已經寫好了劇本的發展。不過既然有60巴仙的香港人用自己的一票背書了,所以都沒有什麼好說。

    回覆刪除
    回覆
    1. 有警方數字出咗,一如所料,6000被捕人士入面有7XX係「大學生」,多過1成,亦可以話近9成都唔係(大家隨便演繹)。總覺得好多爛鬼好高興地被稱作「後生仔」和「大學生」。

      每間大學被捕約1xx人,捉唔到的冇得講,其實相對返成間大學人口嚟講真係少數........... 根本有眼睇,未被停課時,有堂的時間九成以上應該在課室的都在課室內.... 小的覺得好多「大學生」最多只是打咀炮/狀似支持而已... 十分同意grafftti 派真係文盲多

      刪除
    2. 再細分統計數字的話,神科出身的真大學生被捕數目可能是0

      刪除
    3. 有個油尖旺區陳姓侯選區議員,會考O分,毅進評分又吾合格,開始讀到書讀吾到書機會人人平等喇。

      刪除
    4. //呢班人渣只會是收了錢先去做野。出槍攞命只是隨著已經寫好了劇本的發展。

      有學生也有無業遊民, 下篇寫.

      //既然有60巴仙的香港人用自己的一票背書了,所以都沒有什麼好說。

      條路自已揀, PK唔好喊.

      //每間大學被捕約1xx人,捉唔到的冇得講

      大學生應該走得快過中學雞 XD

      //小的覺得好多「大學生」最多只是打咀炮/狀似支持而已...

      好似周豎瘋嗰隻囉, 大大聲粗口鬧蝗女生就叻, 又唔見佢出嚟帶頭衝.

      //神科出身的真大學生被捕數目可能是0

      讀得神科, 早就是高牆的一份子, 點會同班雞蛋一齊去癲?

      //開始讀到書讀吾到書機會人人平等喇。

      青年人有上流機會了.

      刪除
    5. //大大聲粗口鬧蝗女生就叻, 又唔見佢出嚟帶頭衝

      十個有九個都係得把口, 剩返一個諗緊點走XD
      大把人下午遊行夜晚同啲「同路人」食飯,咁又過咗一個充實嘅一日,呢啲咪生涯規劃lor

      刪除
    6. //大把人下午遊行夜晚同啲「同路人」食飯,咁又過咗一個充實嘅一日,呢啲咪生涯規劃lor

      隨時仲有天使陪酒 XD

      刪除
    7. //十個有九個都係得把口, 剩返一個諗緊點走XD
      搞到我好想叫克警播撻成一塊的《十個救火的少年》添,好過播E神的《十面埋伏》,明哥好撐有青架!

      刪除
    8. // 大把人下午遊行夜晚同啲「同路人」食飯,咁又過咗一個充實嘅一日,呢啲咪生涯規劃lor

      香港地方細, 人又多, 要去郊區行山又怕遠, 戲又無咩好睇, 今次自己有份做主角個配角喎, 而且仲可以親子, 又可以聯誼, 攪女又得, 呃女又得, 又可以同警察玩wargame, 週圍破壞, 都無DADDY MAMI 嘈, 仲可能有個讚. 呢個market 有得做....

      刪除
    9. //《十個救火的少年》

      呢個都啱聽,不過歌名唔啱,應該係《十個放火的少年》XD

      //今次自己有份做主角個配角喎, 而且仲可以親子, 又可以聯誼, 攪女又得, 呃女又得, 又可以同警察玩wargame, 週圍破壞, 都無DADDY MAMI 嘈, 仲可能有個讚

      一眾旅行社可以大搞「裝修私了旅行團」,仲可以去外國大肆宣傳,滿足團友的破壞欲,釋放壓力。旅行社可以提供鐳射筆汽油彈、鎚仔、面罩等 full gear,用完仲可以拎返回國留念,包無手尾。肯定大獲好評!

      刪除
    10. 淨係做本地團都夠, 呢種Playgroup 可以包埋唔同年齡層.....唔使淨係睇住啲BB.

      刪除
  7. 笑話一則,太好笑,忍唔住轉載

    法國民眾不滿政府修改退休金制度,觸發大規模的全國大罷工。法國官方統計全國有45萬人遊行,而首都巴黎有約25萬人遊行,要求總統馬克龍下台。

    香港高登討論區昨日清晨(6日)在社交網站發帖稱,四名高登記者採訪法國大罷工期間受傷,兩名記者被警方投擲「突圍彈」炸傷手腳,其中一人到醫院求醫,要從小腿取出「突圍彈」碎片。

    回覆刪除
    回覆
    1. //高登記者

      登高網幾時變咗傳霉? 我可唔可以自稱記者,但實際上就是八八卦卦走去起哄?

      刪除
    2. 「突圍彈」原來咁勁抽,又可放催淚煙、橡膠子彈、楜椒噴霧,真係多功能,吾怪得見一擲落地即刻爆開幾個頭。
      暴動採訪預咗犧牲㗎啦,咪即係戰地採訪,係香港記者啲肉地先咁矜貴。

      刪除
    3. 「突圍彈」應該係弱化了的手榴彈, 爆炸力同埋入面啲餡唔同而已.

      刪除
    4. //高登記者

      唔知邊個出糧比佢哋呢, 嗰班粗口爛舌嘅人集資咩?

      刪除
  8. 回覆
    1. 佢地應該係當咗 graffiti 係大學裡的民主牆.

      刪除
  9. Wi-Fi熱點嗰張好搞笑,我又試吓在三個唔同地點 check Wi-Fi熱點,全部都係正常的名稱,你又會咁好彩(唔好彩? )見到嘅?XD

    回覆刪除
    回覆
    1. 我是在屯門市廣場樓下巴士站 check 的 XD

      刪除
  10. 相2: 「梓樂為你報仇」應該寫成「為梓樂報仇」先啱吧. 隔離個符號令我諗起蒙面超人

    回覆刪除
    回覆
    1. //「梓樂為你報仇」應該寫成「為梓樂報仇」先啱吧

      「梓樂為你報仇」係同班手足講的;「梓樂為你報仇」是同梓樂講的。唔知點解,我幾buy後者,腦中己幻想到佢地去拜山喊苦喊忽個衰相。

      //蒙面超人

      似曱甴超人多啲。

      刪除
    2. // 「梓樂為你報仇」應該寫成「為梓樂報仇」先啱吧.

      新派中文, 我哋真係識條春.

      刪除