2019年12月31日 星期二

《慈雲山十三太保(Those Were the Days...)》:昔日童黨,今日有青

客席主持暨港產片之王摩摩曾經提過話黃百鳴啲戲以說教為主,就連葉問都被寫成成浸八股佬味,今日睇返黃氏的舊作,果然係30年不變:

***
想當年,在慈雲山邨這個我城最大的公共屋邨,有十幾名青少年童黨,自稱「十三太保」,當中包括首領茅躉華(巫啟賢飾)、高飛(陳豪飾)、錢甖(陳國邦飾)、與及喪牛、貓仔等。「十三太保」由於看不見未來、也沒有什麼好輸,所以打交爭地盤特別狠辣,藉此找到人生的意義。經過連番械鬥之後,就連阿公也「主持公道」,將慈雲山交由阿華打理。男人不壞,女人不學,茅躉華身邊當然也要有件超索私家天使𡃁妹(萬綺雯飾)作伴:

當年的童黨,除了牙齒較好,會得咬蔗之外,他們的搵食技倆:四大頭(字頭、嘴頭、拳頭、走頭)與及文理科(聲大口臭、橫蠻無理),竟然跟現時崇尚 Be water,快閃搗亂、滿嘴歪理的黃C、黑衣兵團一樣。茅躉華雖然也跟今日的有青一樣,與家庭不和,唔返屋企訓,但阿華與今日有青的最大分別是佢都頗為孝順,搵到錢會孝敬阿媽(馮素波飾)、與及弟妹;而且阿華都頗為害怕老父(鄭則士飾)。在那個父母尚能保持威嚴,唔需要跟子女扮 friend 的年代,阿華也不敢直認自己加入了黑社會,只是委婉地說自己是「反政府義士」:

以往入黑社會好似好威,有阿公照,又不用怕被私了;但就算係好似茅躉華這些小頭目,手錶頸鍊都要預咗隨時要被阿公「徵用」,又要幫阿公埋單找G數。現在時代進步,在無大台的情況下,加入黃C、黑衣兵團最多都係炒吓抗爭幣,捐吓錢俾慘無人道基金幫手足,透明度高得多,當然就更容易吸引青少年加入:

受黑警包庇的大林來慈雲山開檔,阿華率眾劈友,結果手足志強被黑警拘捕(「犧牲」、「死了」),志強以後也沒有再出來行(「被消失」):

𡃁妹父親開大排檔,也很想知道阿華等人為什麼好似無家可歸似的。𡃁妹也覺得阿華應該找點正當事做,但阿華只是看不到未來,只知道打打殺殺。這晚阿華又去找大林開戰,途中墥見父親,搞到華父返到屋企成晚都訓唔着。阿華就連坐在大排檔乾等的𡃁妹都唔理,只顧化身火魔法師跟大林開拖。混戰間高飛的弟弟狗仔失足摔死了(!),眾人竟然因為搞出人命而逃走(敢放火魔法,又敢拎刀去劈友但驚搞出人命!?)。高飛媽將高飛逐出家門:

阿華這群不良青少年不懂得面對死亡。由於當時沒有拉燈網、沒有圍爐取暖、沒有黃色經濟圈、沒有慘無人道援助基金、更沒有人鼓勵可以從裝修鶳中獲得快感、與及朋輩的認同,被家庭放棄的高飛便以白粉針來麻醉自己。阿華本來不同意高飛做這等傻事,點知轉過頭自己都變埋道友:

大林俾阿華一幫人打,黑警魔鬼蕭是大林的老大,自然要為自己的門生出頭。在那個「PoPo 就是要玩死古惑仔」的年代,魔鬼蕭也不用出示委任證,便帶同手下踢了阿華的白粉檔,揸了阿華的春袋(性暴力?),也不見他出示法庭手令便到阿華家中「搜查」,要阿華當着父親面前除褲做鴨仔跳(魔鬼蕭都算有良心,不用阿華好似痴瘋仔那樣全裸兼眼要向上望);眾街坊看了,卻也習以為常似的,沒有大叫「警暴、濫捕、黑警死全家」:

阿華、高飛、和貓仔都成為道友,喪牛和錢甖和另外一名去考會考的四眼仔手下(元祖暴大生?)就不是同路人。𡃁妹不忍愛人成為道友,將阿華手中的白粉針搶去要打入自己手臂。阿華連忙制止,還跟𡃁妹大吵一場,真是不解溫柔:

華父有感父母與及龍獅政權都幫唔到個仔,於是諗住送阿華到老美,點知阿華話自己有案底,拿不到良民證,真係激到老豆O哂嘴。另一方面,由於阿華、高飛同貓仔都係道友,手軟腳軟,風光不再,淪落到要賣假酒。阿華見錢甖再跟住自都無前途,唯有叫他退出:

有個以前江湖道上的敵人受𡃁妹所託,來勸阿華和高飛去福音戒毒,二人當然當係耳邊風。𡃁妹將阿華關在密室要他戒毒,依然不得要領。阿華破門而出,才知道𡃁妹父親要移民呆灣,𡃁妹唔想做呆妹,所以要幫阿華重新做人,給自己找個理由留下來。奈何,就算是𡃁妹號求,阿華亦無信心能戒掉毒癮:

華父病重,臨終前只怪自己無用,賺唔到錢,唔能夠做怪獸嘉獎,「把最好的給子女」。現在華父再也幫不到阿仔,最後的心願就只是希望阿華能生性做人而已:

阿華想要戒毒,將白粉針都掉進垃圾桶,又咬手又食煙,但都無幫助,抗拒唔到毒癮,在屋邨球場典來典去,最後都要去從垃圾桶找回白粉針。𡃁妹知道華父過身趕來,想不到阿華連死咗老豆都要吸毒,真係爹親娠親不及白粉親,又見到阿華連打火都打唔着,心死之下不如幫阿華點火,並告知明天便要去呆灣做呆妹。阿華大受打擊,只覺自己只是一個廢人,只有接受戒毒,才可以「返轉頭」:

N年後,阿華變成一位「不會放棄年青人」的傳道人,又找咗「真・十大有青獎」。阿華在得獎台上發表感人宣言,更成為「大台」為所有行錯路的手足領獎。昔日手足高飛、錢甖、喪牛、貓仔等都來道賀,少不了的就是媽媽、眾兄弟妹、和變了中女的𡃁妹喇!

***
有時睇返舊片,真係完全能夠感受到時代變遷。莫講話現在毒品界已經唔興「食白粉」呢類「有機毒品」而轉為吸冰毒等化學物質;現在有青就連毒都唔使吸,只要在社交平台上圍爐取暖,接受「巷式聞煮豉油」這些「精神毒品」。其實在人物介紹時,曾經講過貓仔唔識英文,但都照學貓王唱歌,其理念就係其實發音唔準唔緊要,最緊要扮相似就得;現在道理都是一樣,只要和理非扮吓支持和理解,「有事梗係屌咗政府先」,「精人出口笨人出手」,有青們便可以裝修工、鶳神獸上身,此等文宣認真廉價兼低成本。
對比黑警,當年奉旨玩殘古惑仔,好不威風,殊不知數十年後,暴徒只需躲進人群,讓 PoPo 誤傷市民,自然有街坊出來指罵黑警,大呼「警暴、濫捕、黑警死全家」。十年河東,十年河西,對比之下足見民智已開,不勝唏噓。
本片睇返後生時的陳豪與陳國邦都幾有趣。情節雖然說教,但淨係睇萬二蚊已經值回票價。阿華真係難明,最難消受美人恩,如果有個好似𡃁妹咁索的囡囡跟魔術師講「我不理你還有誰理你呢?」,「你死咗咁我點呀?」,魔術師早就溶化了,仲邊得明笑這些對白太老土呢?(逃)
魔術師評分:(電影本身)80+(萬二蚊)10=90分
Live Band 版的主題曲《只因你傷心》,值得一聽再聽:

尤其是鋼琴兼指揮的金髮妹,真係型;仲有臉圓圓的小提琴妹都好可愛!
網上圖片

24 則留言:

  1. 呢套戲我冇睇過,但令我諗返起三五成群啲情節,阿雞因為睇唔過眼大王嘅行為,勸三叔報警,結果比人打死,仲要燒埋。就好似連登上面一啲仲有一丁點清醒嘅黑衣人,想勸其他人收手,結果比人話當你係黑警打埋你一份咁樣。

    [左膠入]呢個係對左膠嘅最後一次警告
    //以後係捉到鬼或者召喚緊神獸嘅時候,如果再有左膠係到叫人停手,甚至出手阻止,或者保護鬼或者藍絲,全部當係鬼處理,格殺勿論。

    唔想俾人誤殺嘅,就行撚開。勇武做緊嘢,冇左膠嘅事。

    講咗好多次,眼,頸,手指,手腕,菠蘿蓋,春袋,全部用盡力抽,拎,扭。

    唔好忘記我地嘅手足係點樣俾佢地虐殺,姦殺,死得有幾痛苦,我地只係伸張正義,以牙還牙,以眼還眼,我地要佢地血債血償。//

    吸毒嘅人明白毒品呢樣嘢有害,只不過係自己唔願面對現實,唔夠決心走出第一步。但「巷式聞煮豉油」在他們眼中是心靈雞湯,正如有句口號係:親,民主是個好東西,唔信佢地嘅,喺佢地眼中先係不願面對現實嘅一群,大多數有青們已經成為教徒。就好似奧姆真理教嘅信徒咁,視一切奉獻為理所當然,要令佢地換個角度去走岀呢個圈子比戒毒更難。加上黃營周不時有講座(唔單止係政治範籌),有XXX權威人士助陣(例如某學者)增加節目嘅說服力,令到黃人覺得自己裝備更多知識,得到滿足感。

    《齊上齊學》16/11 第六講 - 沈旭暉「點都割唔到的國際關係」

    把散處的教徒組合起來轉化成示威棋子團,就是一例。 (節錄目李天命《哲道行者》)

    社交平台就正正就係發揮著組合同轉化呢個作用

    回覆刪除
    回覆
    1. //唔好忘記我地嘅手足係點樣俾佢地虐殺,姦殺,死得有幾痛苦,我地只係伸張正義,以牙還牙,以眼還眼,我地要佢地血債血償。

      由謊言堆砌出仇恨,慫恿別人去報仇,以製造出慘劇把謊言實現,很有民主大國,顏色革命的風範。他們面對的最大問題,是國家,政府,以至香港警察,都出奇地克制,結果只好繼續製造謊言,讓傻子們繼續送頭去。

      而香港的最大問題,是人太多,傻子也不少,如果謊言說過一百次便可當作真相,那大概可以當作真相不知多少萬次了,傻子們的深仇大恨如此真實,怎能不報?又怎抓得完?

      解決問題的方法之一,或者是從源頭著手,消滅製造謊言的人,例如傳媒和網絡平台,就像中共限制人民言論自由的做法一樣。

      刪除
    2. //就好似連登上面一啲仲有一丁點清醒嘅黑衣人,想勸其他人收手,結果比人話當你係黑警打埋你一份咁樣。
      //講咗好多次,眼,頸,手指,手腕,菠蘿蓋,春袋,全部用盡力抽,拎,扭。

      你呢篇引文舊咗啲:

      毒到核爆•2 個月前

      當時應該係黑暴情緒最高漲的時刻,有V小隊(暗殺小組)、屠龍小隊、麻包袋戰法(笠警嫂、警小孩頭再打或擄走)。有 PoPo 被斬傷,就是跟V小隊有關,至於麻包袋,好似只係停留在打嘴炮階段,暫時未出過(如果真係出,這班拉燈仔肯定死得好慘)。

      前線小隊V小隊| 獨媒轉載| 香港獨立媒體網(Oct 14, 2019)
      點解仲未見到麻包袋嘅新聞(拉燈網 1個月前)

      //「巷式聞煮豉油」在他們眼中是心靈雞湯,正如有句口號係:親,民主是個好東西,唔信佢地嘅,喺佢地眼中先係不願面對現實嘅一群,大多數有青們已經成為教徒。

      摩摩最近 share 了一些 video 俾我睇,講黃黑的心理,睇完覺得有用的會 share 出來,給大家知己知彼。

      //有XXX權威人士助陣(例如某學者)增加節目嘅說服力,令到黃人覺得自己裝備更多知識,得到滿足感。

      黃C的歪理論述相當之多,就是因為黃C多看「教育電視」,年青人易吸收;相比中年人無時間,老年人腦筋不夠靈光,政府/藍C遠遠不是對手。

      //把散處的教徒組合起來轉化成示威棋子團,就是一例。 (節錄目李天命《哲道行者》)

      真高興見到有年輕的李天命粉絲。

      //他們面對的最大問題,是國家,政府,以至香港警察,都出奇地克制,結果只好繼續製造謊言,讓傻子們繼續送頭去。
      //香港的最大問題,是人太多,傻子也不少
      //傻子們的深仇大恨如此真實,怎能不報?又怎抓得完?

      究竟是誰在「冷血地」消費我城的下一袋呢?

      //或者是從源頭著手,消滅製造謊言的人,例如傳媒和網絡平台,就像中共限制人民言論自由的做法一樣。

      消滅人、壓制言論只會種下更大的仇恨,反而會更容易踏進攬炒的圈套。如何遏止謠言謊言,除了源頭減廢,還要受眾受落,這一個挺大的難題。

      刪除
    3. //真高興見到有年輕的李天命粉絲。

      咁啱想睇下哲學嘅書,剩係識得李天命咪試下去圖書館借佢啲書睇,不過睇佢一個chapter都要消化好耐,唔想無限續借就買咗本《李天命的思考藝術》睇,應該最少要一年睇返一次XD

      話說個topic令我諗起 Mary Hopkin 首 Those were the Days

      Those were the days my friend
      We thought they'd never end
      We'd sing and dance forever and a day
      We'd live the life we choose
      We'd fight and never lose
      Those were the days, oh yes those were the days

      第時老咗回顧返呢段往事,諗起自己後生點樣遊行點樣對抗強權點樣勇敢法不知幾精彩! XD

      刪除
    4. "長進,長進爭氣呀!"

      第一眼看成『長期...長期抗爭呀』,我竟然不知不覺被洗腦,真厲害。

      刪除
    5. //《李天命的思考藝術》

      此乃思辨入門書, 應好好閱讀.

      //第時老咗回顧返呢段往事,諗起自己後生點樣遊行點樣對抗強權點樣勇敢法不知幾精彩! XD
      //長期...長期抗爭呀

      咁要打足3年零8個月...

      刪除
    6. //或者是從源頭著手,消滅製造謊言的人,例如傳媒和網絡平台,就像中共限制人民言論自由的做法一樣。

      我覺得最好反而喺咩都唔好做,如果冇犯法就由得佢,俾其他人睇吓有幾荒謬冷血殘酷,尤其喺拉登網嗰啲--其實點消都會有,又睇吓啲黃C販民點樣兜一路唔割蓆落去。

      刪除
    7. 我都覺得吾洗從源頭著手,由得佢玩到悶玩到冇癮,最主要係冇人聽佢支簫。黃C販民宜家似係諗緊點割又吾會得失暴徒,得失黑警就吾緊要,最多收反對通知書,得罪暴徒就禍及妻兒。

      刪除
    8. //我覺得最好反而喺咩都唔好做,如果冇犯法就由得佢

      我都認為政府的策略最好是以守為攻. 最緊要係警隊要緊守岡位,依循守則執法,唔好做錯事落人口實。好似「和你 shop」咁, 班有青行來行去叫口號唱歌大可以由得他們, 如果係涉及刑毀恐嚇才需要執法.

      //由得佢玩到悶玩到冇癮

      所以拉燈仔不停地去想些有新意的活動出來keep住個 momentum,有啲似打 online game.政府大可以逸待勞,等佢地累死自己就得。

      刪除
    9. 香港人特質是善忘和新屎坑三日香,等佢哋自high囉,洗乜同佢硬碰啫。

      刪除
    10. 對, 以柔剋剛最好. 可惜「講共政權」好似唔係好識咁諗; 反而新一哥好似可以掌握到平衡之道; 即使有個別警察員犯錯(例如公開 show 記者身分證), 也可以將 damage 儘量減輕.

      刪除
    11. 拉登仔諗到冇諗頭,又會屈一單被自殺,保持熱度,佢地深明呢個道理。

      刪除
    12. //又會屈一單被自殺

      等佢地自己將條橋玩到爛都好.

      刪除
  2. 左膠警告嚇能死人。我真係可以告佢刑事恐嚇。

    巫啟賢啲歌好鬼好聽,有啲似王傑feel,唱到中段轉音,難唱。
    多謝魔術師,今年追睇你blog,好多元化,好適合我,時事討論理據又能說服別人,又可聽返遺忘咗既好聽舊歌,初初睇你乜咁寸既條友,睇耐咗你好搞鬼,限制又冇乜,又可暢所欲言,可以吾洗飲太太靜心口服液,在你blog也能抒發情感。

    Warm greetings and best wishes for happiness and good luck in the coming year!

    回覆刪除
    回覆
    1. 送啲歌詞畀某中某風,要用大聲力去演譯

      你命運最難行 只因你傷心
      你未能愛別人 知否總一等再等
      你命運最難行 只因你傷心
      你未能愛別人 知否總一等再等

      刪除
    2. //左膠警告嚇能死人。我真係可以告佢刑事恐嚇。

      V小隊如是說:

      點解我地咁重視推翻政權?因為冇一個政權會放過一群:斬狗,搶槍,火魔,攻擊銀行鐵路既人,我地坐硬終身,唔洗打官司都知。就算爭取到讓步,輕判都最多由終身到10年咁解。而我地好明確,只要仲有一個兄弟要坐監,就算只係坐一兩年,我地都唔會停止攻擊或解散武裝, 齊上齊落係我地第一信條。打到今日,最前線係真正既無晒退路,對我地黎講,只有一路打上去推翻政權先係唯一生路,唔係勇武退場就冇事,停戰留港就等大搜捕坐一世,離港流亡我地聽最多真係4隻字「長貧難顧」 。武裝革命係一條血路,但執起刀槍而死既人,會比自殺同被政權逼死既人少。

      //要用大聲力去演譯

      哎呀, 一陣又俾人話我「誘導」其他人留言喇!

      刪除
    3. 魔兄,某黃blog 說,若政府肯退一步,就會減少黃人支持黑暴呢。
      佢地炒樓炒到離地,真係唔知黑暴想要乜。站在道德高地,講乜都贏。不如平租,平賣比後生仔,還一條生路比佢地,比私人空间佢地發洩。
      另外,羅KC被炒,即刻做爆料熱綫。老實講,此人咁多年既分析真係麻麻,當年低位沽樓,同沈大C 既能力一樣,仍唔認睇錯。交行今年先炒佢算係良心企業。

      刪除
    4. 倫兄,跟據我對身邊朋友同事的非系統性觀察,一般三十歳以上而以是女的,它們的資料來源只有Facebook和whatsapp,可以隨她的圈子被操控。

      連登的目標是攬炒,高登是焦土,她們聽都沒聽過。同時間,他們對孕婦,學生和女人這三個詞敏感度極高,基本上警察連拘補都算有錯。她們不相信或根本不知道班黑衣暴徒就成日誘導這三類人上前線,令警察極難執法。

      至於羅家聽,唉,人地養佢十幾年,都算仁至義盡啦!佢講到自己咁叻仔,咪去外資做羅。佢訪問講到交行唔俾佢唱反調無自由,佢唱衰左十幾年都叫唔自由?係人都知打工都有基本原則,唔通我請人返黎唱衰自己咩?美國金融海嘯前,投行和評級機構入面幾萬人,唔通無人預知到,我肯定很多人知,甚至公司高層都知做局添,唔通又有分析員夠膽周街唱衰?唔好話炒,死都有份。









      刪除
    5. //不如平租,平賣比後生仔,還一條生路比佢地,比私人空间佢地發洩。

      呢個我一早寫過.

      //若政府肯退一步,就會減少黃人支持黑暴呢。

      無大台, 無領袖, 誰說「退一步」就會令事件平息? 就算政府答應五大訴求(其實世上無政府會向威脅手段投降), 拉燈仔一句「如何對得住被姦、被殺的手足?」便可以「唔收貨」, 根本就沒完沒了.


      //她們不相信或根本不知道班黑衣暴徒就成日誘導這三類人上前線,令警察極難執法。

      以平民作掩護, 基本上係恐怖份子的手法.

      //係人都知打工都有基本原則,唔通我請人返黎唱衰自己咩?

      CFA ethics 就要保持客觀性, 至於 in practice 係點就好難講了.

      刪除
  3. ♫.(◕∠◕).♫2019年12月31日 下午6:38

    支持魔兄所有文章!!

    回覆刪除
  4. 新年伊始 祝願魔術師與各位健康~平安~快樂~

    回覆刪除