本系列電影係由短篇故事合湊而成，每個故事皆由不同導演執導，情節角色沒有關連，每個故事都有開場 prologue 與及結尾 epilogue 寓意解畫，以短篇來說絕對可以是攝時間的恩物，但無期望下卻發現質素尚可接受，間中都有驚喜，魔術師睇吓睇吓就停唔到。魔術師無睇過原著，唔打算評電影版與小說版之異同，亦唔打算將鬼怪驚嚇故事穿橋，所以只係寫觀後感和彩蛋算數。
＊＊＊
《迷離夜》之《贓物（Stone Goods）》
本故事係任達華初執導筒，自導自演之作。任達華飾演擁有陰陽眼的潦倒中年漢關富強，由地盤工、燒臘店斬叉燒到盜墓賊，一路走來死都唔肯攞綜援，又係同《天水圍的夜與霧（Night and Fog）》一樣的基層，真係形神俱在。
任達華做演員的確伯演技精湛，但做導演卻只是「新人」。本片講故事手法有點「跳躍」，甚至乎支離破碎，好些疑似是伏線的片段未有解釋，最佳的例子便是寄居於布偶上的小姊妹靈魂為何會和關富強「相依為命」、燒臘店的飽死鬼李老闆（林雪飾）又是指甚麼，這些零散的破碎畫面可能因為時間關係，無辦法講及背後的故事。至於主線所謂人鬼都要搵位住，又未免流於平鋪直敍。
魔術師評分：５０（基本分數）＋１５（任達華演出）＋５（邵美琪、駱應鈞客串）＝７０分（１００分滿分）
＊＊＊
《迷離夜》之《放手（A Word in the Palm）》
擁有陰陽眼的算命師何可（梁家輝飾）一來要挽救婚姻危機，二來又因為業主加租，便打算做完今天便結束營業。誰知這天先來了一對夫婦來問鬼神之事，然後又見到跳海自殺、屍體腐化連眼睛都被魚啄去了的學校泳隊（！）學生妹女鬼陳小婷（顏卓靈飾）來問愛情運。何可無奈，便聯同隔壁的同業水晶神婆蘭姐（陳慧琳飾）一起調查事情的來龍去脈。
本片走鬼怪輕喜劇路線，導演是李志毅，劇情並不曲折，誰是壞人一睇就知，主要看點是梁家輝的住家男人與及陳慧琳的八婆演繹，仲有顏卓靈的女鬼也十分討喜。其中最有趣的彩蛋就是陳小婷的校服，ＬＰＷ是哪一間學校呢？
魔術師想了一會，ＬＰＷ原來就是李碧華的縮寫，真是別出心裁！呢一點網上的內容農場影評可是半點也沒提過呢。
魔術師評分：６５（基本分數）＋１０（梁家輝、陳慧琳演出）＋５（ＬＰＷ彩蛋）＋５（時事彩蛋）＝８５分（１００分滿分）
＊＊＊
《迷離夜》之《驚蟄（Jing Zhe）》
這天驚蟄，一向鵝頸橋擺檔打小人的「打手」朱姐（邵音音飾）因為兒子回家吃飯，所以遲了開檔，幾乎連位都無。今晚朱姐就先遇到了好幾個奇怪的客人：第一個是富婆（顧美華飾），要朱姐打她老公的二奶、二奶肚內的孩子、甚至係兒子的老婆都要打，打完仲要將相片壓在家中香爐下，壓足一年才燒，真係惡毒非常。第二個是黑幫老大梁震嬰（盧海鵬飾），要朱姐打走他身邊的小人，好讓他可以坐到龍頭之位，替我城消災。最後的是年輕貌美、失去了右腳鞋子的女鬼（陳靜飾）：女鬼要打的小人共有四人，三男一女，仲要親手打。奇怪的是，朱姐竟然從雜物堆中，找來女鬼失去了的鞋子，說可以送她上路...
本片導演是陳果，魔術師個人認為係《李碧華鬼魅系列》六個故事中最好睇的一部，最後的扭橋拍來亦算有心思。
魔術師評分：８０（基本分數）＋１０（邵音音、DaDa 演出）＝９０分（１００分滿分）
＊＊＊
《奇幻夜》之《枕妖（Pillow）》
怡（陳法拉飾）因為同居男友康（林家棟飾）送錢給前度女友吵起架來。康隨後不知所蹤，怡亦患上失眠症。為了令自己睡得好一點，怡從某老店購入一中藥枕，返到屋企攬住嚟訓。中藥枕果然神奇，怡成日夢見阿康，夜夜七次郎，晚晚執幾鑊，特別好訓。
本故事導演係陳嘉上，稍嫌平鋪直敍，結局亦無驚喜，而且仲有個大 buy：冷氣就算開到最大，都係做不到冷藏庫功能的。亮點當然係陳法拉跟林家棟的幾次盤腸大戰，左左右右前前後後火車捐山窿：由第一次康拉下怡內褲強硬從後進入，怡由痛苦變享受的表情，已令人覺得呢個係個 soft porn 的故事。不過法拉利又無露，片尾字幕竟有疑似蝗妹的名字做「替身」，錫身到咁委實令人失望。
魔術師評分：６０（基本分數）＋１０（陳法拉大戰林家棟）＝７０分（１００分滿分）
＊＊＊
《奇幻夜》之《迷藏（Hide and Seek）》
特衰正苦教慾局唔知搞乜鬼，起完學校又拆，不知所謂。一群有青趁殺校前夕，回來母校緬懷一番：尤其是當年沙士肆虐，唔似今次新冠疫情專門欺負廢老，沙士對有青有中的殺傷力也是非常的大，同學們停完學返校，隨時都會唔見幾位老師同學。呢間學校咁猛，眾有青竟然留夜玩「捉鬼（捉迷藏）」遊戲，真係唔知個「死」字點寫了。
本故事由劉國昌執導，劇本不甚突出，但起用一班名不見經傳的有青演員，多了幾分真實感，無期望之下更易有驚喜，貫徹青春鬼片風格。最後就又係那套ＬＰＷ校服，頗有「李碧華鬼魅宇宙」的味道，心思甚為細密。
魔術師評分：７０（基本分數）＋５（ＬＰＷ彩蛋）＝７５分（１００分滿分）
＊＊＊
《奇幻夜》之《黑傘（Black Umbrella）》
《黑傘》係泰迪羅賓自導自演之作。這晚是７月１４，是泰迪羅賓飾演的老伯留在我城的最後一晚。阿伯成日拎住把黑傘（唔係黃傘），穿梭於我城街道，不斷地做善事，即使係受助者唔付領情，阿伯亦唔介意，只係在每次幫完人之後在傘柄刻上記號。同樣，對在鬼節都要兜客的北姑Ｇ珍妮（莫綺雯飾）來說，今晚也是她留在我城的最後一夜。這晚珍妮搭上了阿伯，扮扭親帶了阿伯返屋企，捉任阿伯霸王硬上弓屈水...某些時日之後，收租佬劏房波（尹揚明飾）找不到珍妮的房租，便要叫人破門內進，查看發生了甚麼事...
本故事為六個《李碧華鬼魅系列》短篇劇情比較薄弱的一篇，似係為講鬼古而講鬼古，為驚嚇而驚嚇（仲有啲屯門公園大媽大戰阿伯 feel）。除咗一班受了阿伯幫助卻不知感恩、身在福中不知福的傷民之外，也看不出甚麼微言大義出來。
魔術師評分：５０分（１００分滿分）
＊＊＊
伸延閱讀：
／／然後又見到跳海自殺、屍體腐化連眼睛都被魚啄去了
回覆刪除有冇著衫，屍體有冇火化
／／要朱姐打她老公的二奶、二奶肚內的孩子、甚至係兒子的老婆都要打，
即喺好似要黑警死全家咁嗟，現在非常普遍
個女鬼應該似喺有關XD
//亮點當然係陳法拉跟林家棟的幾次盤腸大戰，左左右右前前後後火車捐山窿
fala冇露啲啲真喺嘥晒，要倒扣
//康隨後不知所蹤
//冷氣就算開到最大，都係做不到冷藏庫功能的
唔會喺玩C咁激啩XD
//有冇著衫，屍體有冇火化
刪除學生妹鬼魂是着住校服的 XD
//個女鬼應該似喺有關XD
女鬼同富婆係兩個獨立個案來的.
//ala冇露啲啲真喺嘥晒
露咗背同大腿囉! 唔知替身負責露乜?
//唔會喺玩C咁激啩XD
係同隻枕妖玩.