無聲中度過

特首指農曆新年不再圍封大廈　有望假期後中、小學復課　部分處所使用安心出行或可復業 2021-02-09 13:50:06

【有線新聞】行政長官林鄭月娥表示疫情開始緩和，如果情況不惡化，有條件在農曆年後逐步回復正常生活，包括讓中、小學復課。如果部分被關閉的場所願意強制顧客用「安心出行」，可以重開。

本地感染的數字由1月中的過百宗，跌到近期的十多二十宗，不明源頭個案亦跌到單位數，病毒即時有效繁殖率由高峰時超過3，降至約0.6。

最近幾乎晚晚圍封大廈，做了25次，檢測了約2.4萬人次，只發現4宗確診。特首林鄭月娥認為代表疫情明顯放緩，新年期間不會再圍封，「如果疫情不惡化，最好持續改善，有條件在農曆新年後逐步恢復正常生活，首先我已決定或認定必須要進行的，就是讓學生恢復上課，因為長期沒有面授課堂生活，對學生有很大影響。」

她說有望在新年公眾假期之後幾日陸續復課。至於老師是否要做了檢測才能上班，她強調是自願參，：「定期做PCR測試令學校環境更安全，教育局會考慮全港恢復面授課堂後有什麼可滿足學校要求，所以並非針對性行動。」

除了學校，因為疫情而要關閉的場所，例如美容院、戲院等亦有望重開，但有一個前提。林鄭月娥：「用『安心出行』追蹤顧客，若來過這地方，日後確診有更多手段可以做，他們都很願意，我們會正面積極地考慮。」

星期五就到牛年，她希望全港市民農曆新年減少外出和家庭聚會。

真係太令人失望喇！本來以為７７７正苦會繼續採取雷霆手段、以流水式、遍地開花的方式去圍封小區，逐少逐少地達至全民檢測。點知原來又係「病毒也拜年」，為保持過年氣氛，新年期間唔圍封，會唔會又爆「拜年群組」架？

點都好，魔術師堂家姐就傳來短訊，話唔拜年住了。之不過魔術師在想，以二伯娘為圍村人，即使過咗身，堂家姐都要去啲鄉黑地方拜年吧？到時即使無被圍封之虞（黑警、衛生署點都唔敢強檢圍村），但中招機會卻相對地高咗，咁唔去同兩位堂家姐拜年都應該是好事。

至於幾位舅父舅母，魔術師就會去探吓佢地。尤其是早前公墓園二表弟被驗出生 cancer，腹部做咗手術得返半條人命（二舅父仲話「好彩」有正苦醫療，唔使買醫保），探吓佢地都係應有之義。

過年其餘時間都應該是呆在家中宅，煲吓電影 Netflix 咁，但食就永遠係一個問題。雖則話晚市禁堂食已經逼使魔術師習慣要不時在家中煮食，但過年期間買定嘢儲糧都唔係咁方便。由於最近工作繁忙，近日才驚覺唔記得「儲」定啲蘿蔔榚回家，美心大檸樂得唔係售罄就係只出貨俾持有「蘿蔔榚劵」的客戶。

咁唔通真係無得煎蘿蔔榚咁「無過年氣氛」？

咁又唔使咁「絕望」。原來仲有「嗌乜都有」的熊貓外送：

馬上訂咗一盒，專人送來，留在大廈大堂，毋需接觸。個盒都幾精緻，魔術師就唔拆開，放入雪櫃到煎來食時才開苞睇吓點了！

又，下一篇理應就係年初二解車公靈簽（劉仔應該會去求簽掛？）。趁歲晚收爐，魔術師在此祝各位網友身體健康，萬事如意！

＊＊＊

伸延閱讀：

車公靈簽