2021年2月25日 星期四

《嚦咕嚦咕新年財(Fat Choi Spirit)》:防疫差,人品自然差?

魔術師一向對賀歲片無感,只覺得是胡胡鬧鬧堆湊拼合的呃錢之作,但在過年期間,竟然見到呢套2002年的舊片可以進佔 Netflix 的熱播名單:

便不由自主的看看此久仰大名的「神片」會否浪得虛名:

***

視麻將牌為好朋友的麻將大俠德華(劉德華 飾),遊走於我城屋邨之間,以高超牌技儆惡懲奸。這天晚上便在麻將枱上將號稱「C9殺手」、專門欺騙C9的天叔(王天林 飾)一黨殺到片甲不留,就算天叔等想用枱底下換牌亦被德華識穿,叫眾歹人吃不了兜着走:

德華以打麻將為生,搵到唔少,順便四處幫人。有胸姐唔做走去做交警、只係為了抄德華牌(其實係巷女/巨嬰式 attention seeking)的警花詠琪(梁詠琪 飾)對德華痴心一片,誓要嫁給德華,但華卻說她輸了牌便亂發脾氣,「牌品唔好,即是人品唔好」,唔想要詠琪。詠琪發誓話會改,德華便給她一次機會。

牌友義助詠琪可跟德華復合甚至結婚,不斷鬆章俾詠琪,讓她贏得開心,就唔會亂發脾氣。德華不齒詠琪靠老屈贏牌局的做法,便索性以出千取勝,再教訓了詠琪一頓。詠琪又發爛渣反枱,將老屈的責任推到牌友身上,更令德華覺得她「牌品唔好就是人品唔好」。

天樂(古天樂 飾)媽媽患了老人痴呆,醫生要她多打牌,可以紓緩病情。原來天樂是德華弟弟,早年因為母親教曉德華打牌,令德華沉迷賭博,更欠上債項,不得不離開家門,成為家中的敗家仔;而天樂則變得非常討厭打牌,更努力讀書入名校,創業買樓。這天機緣巧合下給德華重遇母親和弟弟,剛巧天樂供唔起樓成為負資產,家中被查封,德華便將母親和弟弟帶回自己憑打牌贏(租金)回來的豪宅家中暫住。

采兒(應采兒 飾)以20萬月薪聘請天樂編寫麻將遊戲程式,先決條件是要到屋村找「麻將大師」學法...然而,采兒只是和「C9殺手」天叔一伙的騙子,視天樂這又天真又傻的老好人只會一條大水魚。采兒逼天樂上場跟天叔等人打牌,誰知天樂手氣超強,贏了不少,卻令天樂對打麻將的「不勞而獲」更感厭惡。

天樂夠格升呢去跟「麻將大師」青雲(劉青雲 飾)較量,青雲使出「公我贏、字你輸」的絕技,不停地「搬龍門」,只要係輸牌局便轉玩法,呆灣牌、皇軍牌、尾帝牌任佢噏,屈到天樂碌爆卡,輸淨底衫褲。但天樂就算輸到要問人借錢搭車返屋企,都先要「護送」采兒走。天樂的 ON9 性格令采兒深受感動,最後采兒忍不住向天樂和算托出自己是騙子一伙的事實。

詠琪又以評稅主任的造型出現找德華搞巷女式 attention seeking,剛巧遇上德華母親在打牌,便想在麻將枱上行奶奶政策。德華媽雖然患有老人痴呆,但又傻唔哂,要口衰的詠琪吃不了兜着走,結果詠琪又係反枱收場。

德華得知天樂受青雲所騙,便去找青雲報仇,在麻將枱上殺得青雲大敗虧輸,更用飯粒將五筒扮成四筒來回騙青雲,以其人之道還治其人之身,要青雲輸淨條底褲。但青雲一伙不是善男信女,趁德華行出門口,便在後巷伏擊打劫。采兒找上青雲想替天樂取回被騙的金錢,同樣不得要領,但卻可以乘機跟天樂感情大進。

青雲有着巷孩巨嬰性格,有機會時自己唔要,有人要時自己又要搶,所以見契妹采兒跟天樂拍拖,卻又覺得「很愛」采兒了。德華回憶起,當初自己輸到PK時,仲係學生妹的詠琪扶了他一把,仲幫佢觀音借庫借了兩億,自此德華財運大進,牌品好人品自然好,人品好牌品亦自然好。

青雲想拜德華為師,見到詠琪以大X妹造型出現,即時起痰。德華要求打四圈觀察眾人牌品,德華雖然儘量唔食胡,但好牌總是追住德華,不贏不可。詠琪本來形勢大好,但在最後一圈輸突,發起狠來詛咒德華以後鋪鋪摸爛牌,輸到褲穿窿。青雲乘虛而入帶詠琪離去。

詠琪跟了青雲一黨,成為了女騙子。德華前來阻止,但詠琪的詛咒生效,德華滿手爛牌,輸到慘不忍睹,連詠琪忍唔住看不下去。德華品牌超好,就算輸到PK都要完成牌局,結果就連租來的豪宅都被青雲買走逼遷,幸好德華十年前申請了公屋,未至於要訓街。

德華樂觀面對,放下身段揸的士也無所謂。詠琪去德華屋企幫手執拾,卻被德華踢爆其實只係將垃圾掃落梳化底,掉落後樓梯,再唔係拋出街。德華數說出詠琪的可愛之處與及不可愛之處,「人品好,牌唔自然好」,令她頓時開竅:

德華帶詠琪去打牌,教曉她爛牌有爛牌的打法,在逆境中打對的牌,減少損失,這樣的成功感比贏錢更棒。詠琪茅塞頓開,決心改過,臨走並留下幫德華問再觀音借庫的來的八億。

日本仔買下了天樂和采兒所寫的麻將遊戲,並要搞麻將大賽做宣傳。在比賽當日,青雲照例來狙擊德華。詠琪又做返胸姐回來聲援德華,個人亦自信咗好多,對德華的口頭禪由「唔發脾氣你便要娶我」變成「贏咗我就嫁俾你」。老套的情節當然是最後兩人對決:德華再以「四筒、五筒、飯粒」的心理戰取勝,贏了比賽、獎品、「麻將俠」的封號、仲有詠琪...

青雲係輸打贏要,但被德華一鋪打殘。德華寧願唔食糊,放棄名利,留條後路俾青雲,唔使佢輸身家,令青雲折服。

***

話說魔術師有如天樂一樣係唔識打麻將嘅,理由好簡單 :老豆唔識打麻將,老媽識打卻又唔會叫人回家開枱或去其他人處攻打四方城,所以住公屋時並唔會有「阿媽顧住打牌,忽略照顧兒童」的情況發生。講起公屋,魔術師就最憎那些公屋鄰居的麻將聲,嘈住溫書做功課。故此當時有一種「公屋通病」,就係「麻將家庭」的子女的讀書成績通常都不太突出。而魔術師知道老媽識打牌都係源於小時候去住在石蔭村公屋的外公家拜年(打牌果然是傷民「過年習俗」),老媽和外婆外公舅父們都會輪流玩兩手而得知,外公過世後也沒有再有這種「聯誼」活動了。

所以魔術師對於「人品好,牌品自然好;牌品好,人品自然好」就真係唔多識了。其實呢句就好似《上流寄生族(Parasite)》的「有錢才會善良」一樣,都是「發財立品」而已,沒啥值得大驚小怪的。魔術師反而覺得芸芸金句中,「好牌爛牌都係咁打」,「唔係一定贏錢才會好滿足感的」更值得注意,可能魔術師做慣投資,明白「做對的事,才會有滿足感」,投資一樣有順有逆,不可能永遠長勝,逆境下識應對止蝕,減少損失才是生存之道。

最後,本片的配樂也是一絕:麻將大師出場時配上《For a Few Dollars More》的變奏版,「獨行俠」既是「麻將大俠」的風範,亦是對青雲「打牌啫,唔使輸身家」的教訓。

由於印象中賀歲片都係柴娃娃熱鬧一番,本片言之有物(喜劇來說捉到 bug 都無乜意義),稱之為賀電片經典毫不失禮;更何況現在巷慘賀歲片已是買少見少,就算無疫情赤口去行山都唔會選擇入戲院,賀歲片將成為歷史,亦不是稀奇的事。

魔術師評分:90分(100分滿分)

***

伸延閱讀:

信報 2021年2月20日

陸永 財經coffee

投資儍人有福

早前過農曆新年期間跟一些朋友打得州撲克,其中一位的技術十分高超,可以用「膽大心細數毒」來形容,應該出手時出手,在許多重要關頭「All in」把對手打到落花流水,最後於遊戲中大獲全勝。這位朋友玩得州撲克厲害,但遊戲以外的投資股票表現就十分一般,更有一些投資恐懼,往往不敢下場。其實細心想一想,得州撲克與投資股票都是一種遊戲,可是為什麼很多時候有些人投資股票時得心應手,打得州撲克一敗塗地;相反有些人就像我朋友一樣得州撲克春風得意,投資股票向隅而泣?

股票市場屬無限遊戲

由已故學者James Carse所撰的經典之作《有限與無限的遊戲》(Finite and Infinite Games),或許可以解釋這個問題。Carse於書中指出,人生中有不同的遊戲,主要分為有限或無限兩大類,有限遊戲即是有時間邊界、人員邊界及規則邊界,最典型例子為球賽,時間邊界是每場賽事固定的時間,人員邊界就是一場球賽設限定人數,規則邊界即每種比賽都一定會有固定規則,以確保誰是贏家。相反,無限遊戲是以延續為目的,沒有明確贏家出現,遊戲目標就是一直玩下去,人際關係與做生意都屬於無限遊戲,目標就是不斷求進步,而最緊要是不要「死」。

投資跟後者一樣,這個遊戲沒有結束,只會不斷走下去。由於不存在終結,故你每走一步都是新的開始,今天於股票市場贏了錢,明天就是新一天重新計數再出發,輸錢亦然。有限與無限遊戲所需的戰略大有不同,有限遊戲目的是贏,玩這個遊戲的戰略就是一心求勝,好似玩得州撲克般,牌局各參與者的本錢有限,戰略就是在有限的時間內把對家手上的錢贏清光,當撲克選手遇上機會就要去到盡把對手打敗,所以在關鍵時刻「All in」是合理的做法。

採求存戰略等待勝機

另一方面,無限遊戲的目標是生存下去,因此戰略就是求存,簡言之,一剎那光輝唔代表永恒,最緊要天長地久細水長流。當你知道正在參與的遊戲是有限或無限,你就會採用不同的態度、不同的做法,而有些人最錯的地方正是把有限遊戲的打法用於無限遊戲之中。

對大部分人來說,投資都沒有時間局限,也沒有贏輸的邊界,惟若你處理長線投資時,選用一個有限遊戲的戰略去操作,好多時會帶來極大的失落感,因為你一心求勝,然而,在無限遊戲之內輸是必然的,當你太執着於取勝,而選用「All in」求贏盡的戰略,最終只會碰上更多的失敗。反之,如你採用只求存活的戰略,最終總會等到贏的機會。這解釋了為什麼有些聰明絕頂的人投資表現不知所謂,有些人投資就儍人有儍福。


26 則留言:

  1. 哈哈,魔兄打牌我識,麻雀係零和遊戲,和親朋打牌一百幾十蚊上落,有錢與否不太重要。我理解的"人品好,牌品自然好"是 (1)願賭服輸,專重遊戲規則 (2)順勢時不張狂,逆勢時不埋怨 (3) 良好心態,輸了也對人對事客氣有禮

    回覆刪除
    回覆
    1. //我理解的"人品好,牌品自然好"是 (1)願賭服輸,專重遊戲規則 (2)順勢時不張狂,逆勢時不埋怨 (3) 良好心態,輸了也對人對事客氣有禮//

      同意

      Old BJ

      刪除
    2. //(1)願賭服輸,專重遊戲規則 (2)順勢時不張狂,逆勢時不埋怨 (3) 良好心態,輸了也對人對事客氣有禮

      對某啲人來說真係有啲難.尤其是在職場, 最近我就成日俾班同事激親, 次次同佢地 confirm 完做完就話唔算數, 要我再做過, 話未諗清楚喎. (1)舉手不回, 對佢地好似好難咁.

      刪除
    3. 個人觀察,黃人這3種特質全部沒有

      刪除
    4. // 次次同佢地 confirm 完做完就話唔算數, 要我再做過

      有change management process嗎?起碼應讓項目經理知道process有問題啊。

      刪除
    5. 個人觀察, 這3種特質Trump全部沒有

      刪除
    6. //黃人這3種特質全部沒有
      //這3種特質Trump全部沒有

      哈哈, 最難都係「過得自己過得人」 XD

      //有change management process嗎?起碼應讓項目經理知道process有問題啊。

      我地呢類遊走於 IT 同 users 之間的工作組, 一無 Change Management, 二無 Project Manager....

      其實我組的 project manager 只係識捽 deadline, 毫無技巧可言.

      刪除
  2. 我以前住石蔭邨第三座,後來拆咗变咗公园。

    回覆刪除
    回覆
    1. 我小時候住石蔭邨附近的山邊木屋,地址都忘記了, 只係記得成日都搭35 同埋35A.

      刪除
    2. 有冇上去城門水塘玩吓?

      刪除
  3. //一向對賀歲片無感,只覺得是胡胡鬧鬧堆湊拼合的呃錢之作//

    Same here, but still saw one 賀歲片 each year in the past. Not this one though. Even with your high rating of 90/100, I will not see this one on Netflix. Not that I don't trust your rating, simply because not interested in this genre.

    BTW, currently there are quite a few good movies on Netflix. I recommend Operation Finale.

    Old BJ

    回覆刪除
    回覆
    1. The Debt is also good.

      Old BJ

      刪除
    2. //Operation Finale
      //The Debt

      謝謝介紹, 已加入 watching list... 點解你介紹的都係同 Nazi 有關嘅?

      刪除
    3. 巧合而已。兩部戲其實不同主題。The Debt 發人深省。

      Old BJ

      刪除
    4. 真神奇, BJ 兄竟然中文留言...謝謝!

      刪除
    5. Only when I happen to use the phone. I usually use my computer and don't know Chinese input.

      刪除
    6. ec 你真係多計. 已加進右手邊「啞老師」項目, 謝謝!

      刪除
    7. Thanks ec. Tried it but found it no better than Google Translate. Probably because I was clumsy.

      I used Google Translate and got this: 謝謝ec (Google translated ec into 埃克)嘗試過,但發現它並不比谷歌翻譯更好。可能是因為我笨手笨腳.

      Old BJ

      刪除
  4. 朋友, 你太年輕了
    呢套係冇Netflix嘅我, 每年過年都好期待眾電視台翻播嘅一套戲
    結果呢個新年我睇左兩次, 一次喺新戚拜年時睇, 之後隔兩日喺電視台再睇

    對白同選角都好正 (最鍾意”梅超風”飾演患腦退化嘅阿媽), 內容又夠正面

    回覆刪除
    回覆
    1. 哈哈, 我真係「年輕」到連黃日華版的《射雕》梅超風係邊個演員都無感!

      刪除
    2. //魔術師一向對賀歲片無感,只覺得是胡胡鬧鬧堆湊拼合的呃錢之作
      最後睇嘅賀歲片應該喺成蟲嘅紅番區,再早啲嘅富貴迫人系列都有睇。之後嘅冇興趣了。
      同埋屋企對打麻雀喺完全冇感(實在太嘈),見到啲乜糊物糊唔會有太大感覺。

      //(打牌果然是傷民「過年習俗」)
      以前過年時頂籠喺同啲同輩親戚鋤D. 有啲遠啲親戚好似有打牌,嘈過滯坐一陣就走

      刪除
    3. //實在太嘈
      //嘈過滯坐一陣就走

      同我一樣. 我都係頂唔順啲噪音.

      刪除
  5. 我理解的"人品好,牌品自然好"
    因為人系日常狀態下多少會有D包裝,
    但牌局內短短地四圈都要一兩個鐘,
    四個人困佐系一張枱度你眼望我眼既近距離交流和互相觀察
    有乜包裝都好難包得咁密
    特別牌局總會遇到順景逆景, 人面對不同外在環境時的反應就會顯露出來

    --Dogdogchi

    回覆刪除
    回覆
    1. //四個人困佐系一張枱度你眼望我眼既近距離交流和互相觀察
      有乜包裝都好難包得咁密
      特別牌局總會遇到順景逆景, 人面對不同外在環境時的反應就會顯露出來//

      贏輸唔單止講錢, 仲講面子, 又會怕打錯牌做傻仔俾人笑, 利害關係太多了.

      刪除