2021年7月3日 星期六

一年容易又七一(2021)

昨晚崇光外刀刺警員後自插心口 男疑犯送院不治 警員左背重傷情況嚴重 2021-07-02 09:53:16

【有線新聞】有警員晚上在銅鑼灣崇光百貨外被一名男子用刀插傷左背,男疑犯當場被捕。據了解他用同一把刀插向心口,送院後不治;受傷警員送院救治,一度危殆,目前情況嚴重。

事發在晚上約10時在崇光百貨對出,一個中年男子用右手從身上拿出物品、刺向軍裝警員,警員立即跑開,其他警員追著個男人到崇光百貨門前、有警員擎槍。

男子打側躺在地上,其他警員拉起橙帶加大圍封範圍。受傷的軍裝警員則躺在地上,還有知覺、還有動,地上有血跡,另外有警員舉起胡椒噴劑。

男子滿身鮮血,警員為他進行心外壓,救護車到場,新任警務處處長蕭澤頤亦在場,港島總區指揮官郭柏聰站在他後面。警員及救護人員輪流為男子急救,之後用擔架床抬上救護車,送到律敦治醫院,由事發到這一刻約15分鐘。至於警員左背嚴重受傷,送到瑪麗醫院。

大批警員在場搜證,發現一把生果刀,懷疑是兇器。

警中刀仍留醫ICU 疑犯自插胸口亡 據悉留遺書提刺警原因:包庇罪犯、沒制衡 2021-07-02 19:14:56

【有線新聞】昨晚在銅鑼灣遇襲的警員情況嚴重,仍在深切治療部留醫,消息指他做了約5小時的手術,修復了左邊的三頭肌肌腱。至於用刀插向自己心口的疑犯送院後不治,消息指警方找到他的遺書提及「警察包庇罪犯」等字句,並抒發對社會的不滿。

受傷的28歲機動部隊警員被刀刺穿肺部,消息指他做了約5個小時手術,修復了左邊的三頭肌肌腱,左背有約14厘米長的傷口。至於50歲疑兇送院後不治,消息指警方在現場檢獲他的USB手指,裡面有檔案交代身後事、戶口及工作安排,亦有提及襲警原因,包括「警察包庇罪犯」、「沒有制衡」等字句,又抒發對社會的不滿。

消息指疑兇從事採購,單身、與父母同住,性格比較內向孤僻,初步調查相信他看了一些新聞後自我激化、計劃行兇,沒有組織指使、亦沒有同黨,他過往沒有被捕或者精神病記錄。

剛上任保安局局長鄧炳強聯同警務處處長蕭澤頤,交代事件時形容是孤狼式的恐怖襲擊。鄧炳強:「我們平時很多人不停鼓吹暴力,煽動仇恨、煽動憎恨社會、煽動憎恨國家,以及美化這些暴力行為。除了兇徒要負責外,這些背後的推手、這些人也是滿手鮮血,我希望大家對這些人予以譴責。」

據了解因應襲擊事件,警方提醒前線軍裝警員不要單獨行咇,亦會加強宿舍附近一帶巡邏。

政務司司長李家超亦形容事件是孤狼式恐怖襲擊,予以嚴厲譴責。他說本土恐怖主義有潛伏風險,要防範滋生;又說有人鼓吹支持襲警的兇徒,是煽動仇恨,分化社會,如果涉及違法行為,警方會依法處理。

崇光外市民穿黑衣獻花悼離世疑兇 警強烈譴責浪漫化、英雄化 2021-07-02 17:49:55

【有線新聞】有市民帶同花束到銅鑼灣崇光百貨外悼念離世的疑兇。

很多人都穿黑色衣服,警員截查部分人的身份證。警方指留意到網上亦有人悼念,強烈譴責企圖浪漫化及英雄化兇徒的行為,正積極搜集情報、加強巡邏,包括昨晚事發現場。

1. 他用同一把刀插向心口,送院後不治;受傷警員送院救治,一度危殆,目前情況嚴重。...初步調查相信他看了一些新聞後自我激化、計劃行兇...鄧炳強:「我們平時很多人不停鼓吹暴力,煽動仇恨、煽動憎恨社會、煽動憎恨國家,以及美化這些暴力行為。」...有市民帶同花束到銅鑼灣崇光百貨外悼念離世的疑兇。

在黃營祟尚的尾帝國土,呢類「孤狼式襲警」的「疑犯」恐怕會即時身中多槍,當場被黑警格斃,哪會有機會給他逃到一角自戕?回想兩年前黃黑氣勢最盛的時候,打砸燒、嚴重傷人甚至殺人,每一件事都係重罪,唔需要國安法都可以依例重判。點解黃黑(尤其是有青)咁有恃無恐,竟敢干犯嚴重罪行?當然就係因為有販民、黑記、同埋200萬+1出來幫手掩護,打傘、阻擋 popo 之類,大大減低了黑暴被捕的機會囉。《港區國安法》都無話好 specific 咁去懲治這些「助攻行為」,但就一項「無得保釋」(意味着先坐監後審判)就已經夠嚇窒班首觸。原來還柙坐監真係有阻嚇作用,亦可見首觸們口口聲聲話「擋子彈」的豪情壯語是幾咁弱不禁風。無咗黃人掩護,反社會行為就唯有演變成「孤狼式恐襲」,而且仲有靚女為「義士」獻花,足證「人心背向」(黃人腔),特衰正苦不應輕視,應當好好引以為戒。

2. 鄧炳強說案件列作意圖謀殺,又說網上仍然有人美化事件甚至挑動其他人出來襲擊,警方要打擊這些人。鄧炳強:「我們平時很多人不停鼓吹暴力、煽動仇恨、煽動憎恨社會、煽動憎恨國家以及美化這些暴力行為、美化這些襲擊行為...」

其實煽動仇恨、鼓吹暴力的言論一向都存在,在網霉、討論區中經常都可以找到。呢種過了火位的「言論自由」依然可以存在,就證明咗《港區國安法》並唔係咩嘢洪水猛獸。又睇吓人言報同一單新聞的留言:

又真係好難怪班黃人酸言酸語抽擊工亂會。在今時今日的情況下,當年的「同胞勿近」的確是「恐怖活動」,而特衰正苦從來無將當年的「反英抗暴」活動定性,反而於2001年頒了個大子宮水蓋給楊光光,變相肯定咗呢種暴力行為,亦成為黃黑經常掛在口邊給暴動合理化的藉口。楊光光當年既然係工亂會及鬥痿會領導,無論是否只是一具「空殼」,點都要為當年的亂事負責。唔揪得又係嘅,咁嘅情況又唔見佢出嚟幫吓口,平時就牙斬斬,俾妄民D又唔出聲,講返句自己對「當年工會的運動方向」的看法,甚至乎加句「屋企嘅「小朋友千祈唔好學習」都好吖。

涉七一向禮賓府擲土製燃燒彈 24歲男涉縱火被捕 住所搜獲噴漆、火柴等證物 2021-07-02 19:24:59

【有線新聞】警方以縱火罪拘捕一名男子,涉嫌七一凌晨向禮賓府投擲土製燃燒彈。

被捕的24歲男子報稱無業,探員將他由馬鞍山的住所帶返警署繼續扣查。爆炸品處理課人員在他的住所蒐證,帶走火柴、打火機、噴漆、摺刀等證物。案發在七一凌晨,有人向禮賓府投擲土製燃燒彈落在近圍欄的草地後起火,無人受傷,現場找到6罐卡式石油氣罐及4瓶助燃劑,警方說這些物品可組成一個土製燃燒彈。

有組織罪案及三合會調查科署理總警司何振東:「七月一日凌晨所發生的縱火案,再加上星期四晚在銅鑼灣發生的企圖謀殺案,正正印證了社會上仍有一小撮死心不息、冥頑不靈的暴力人士,往往想趁喜慶日子進行襲擊、造成恐慌,傷害香港社會、香港市民。」至於疑犯的動機仍在調查。

七一再封維園 警:阻市民參與被禁集會 市民:不是應該開心搞回歸嗎? 2021-07-01 15:05:06

【有線新聞】警方繼六四之後,今日七一再封維園。警方解釋是要阻止市民參與已經被禁止的集會。

大批警員中午由天后進入維園足球場,一字排開、行向在場的市民,包括踢波及坐在地上休息的人,要求他們離開。警員之後在場內、場外架起鐵馬,掛藍旗警告仍在公園內的人陸續向銅鑼灣方向離開。

一名女士:「無感受的,肉隨砧板上。」黃先生:「好像好繃緊,應該放鬆一下,不用這麼緊張。現在香港很不安全嗎?我覺得好好。」王先生:「無甚麼所謂的,有需要就封,你有需要就封,各有各做各人的事。」有市民來到才知道封了維園,「我這天來就是入去坐,坐都封鎖。你說會否有影響?我只是普通市民。」陳先生 :「政府覺得這些日子敏感,不是應該開開心心搞回歸嗎?但原來只要有人在網上說一些事情,就會很緊張,不容許你們(入維園)。」

警方解釋與日子無關,原因是較早前禁止了在維園起步的七一遊行,但留意到仍然有人在網上呼籲參與,加上近日拘捕了兩人涉嫌意圖用爆炸品傷害他人,所以決定封維園。」港島總區高級警司廖珈奇:「情況不斷會產生變化,我們很難用現在眼前見到的事去作出判斷,盡我們最大的能力去作出一些預測,亦有預案去應付最壞可能發生的情況。最終我們決定封閉維園,是當中最合理,亦是考慮了各方面後最適當的做法。」

警方提醒市民,進入維園的封鎖範圍,繼續參與未經批准集結屬於違法,一經定罪,最高可被判監五年。

3. 陳先生 :「政府覺得這些日子敏感,不是應該開開心心搞回歸嗎?但原來只要有人在網上說一些事情,就會很緊張,不容許你們(入維園)。」...有組織罪案及三合會調查科署理總警司何振東:「...正正印證了社會上仍有一小撮死心不息、冥頑不靈的暴力人士,往往想趁喜慶日子進行襲擊...」

危機感呢樣嘢,好多時都係出咗事時才會知道有用,就好似要有火災,消防員才會「有用」咁。「有人在網上說一些事情」那都要自嚴重性、有需要時便調查作出防範。其實正苦可以將恐襲警戒級別公開,去到邊一級 popo 便會「有可能」有哪些行動或禁止市民做某些事(例如群眾活動),總之有言在先,一般市民都暸解唔會產生誤會,對黃黑來說就是「莫謂言之不預」也。

七一遊行上訴被駁回 團體批政治打壓 籲市民穿黑衣表達不滿 據悉警方不排除封維園 2021-06-29 22:44:10

【有線新聞】七一遊行上訴被駁回,主辦團體認為是政治打壓,呼籲市民當日穿黑衣表達不滿,警方則呼籲市民不要參加未經批准集結。消息指,警方不排除七一圍封維園。

七一遊行被警方反對,主辦團體社民連、天水連線和守護大嶼聯盟提出上訴。經過一個半小時聆訊,公眾集會及遊行上訴委員會以疫情為由駁回上訴,主辦團體說遺憾和極度失望,守護大嶼聯盟召集人謝世傑:「我們覺得是進一步打壓公民社會,是進一步作出政治打壓,呼籲七一大家穿黑衣,向市民、公眾展示市民有不滿聲音,有自己的權利。」

申請人之一的社民連說,七一會按傳統到金紫荊廣場升旗禮示威,以及在銅鑼灣擺設街站。

警方歡迎委員會的裁決,認為遊行會增加感染風險,對大眾構成重大威脅,呼籲不要參與未經批准的集結。

4. 我們覺得是進一步打壓公民社會,是進一步作出政治打壓,呼籲七一大家穿黑衣,向市民、公眾展示市民有不滿聲音,有自己的權利。...警方歡迎委員會的裁決,認為遊行會增加感染風險,對大眾構成重大威脅,呼籲不要參與未經批准的集結。

公民社會示威遊行發聲係一回事,但激進份子趁示威遊行借機搞事擾亂社會安寧,危害他人生命財產安全又係另一回事。當日黃營以報稱「和平遊行示威」為黑暴作掩護,就等於放棄了多年以來「和平遊行示威」的傳統,當局要有適當的審查和監管才是合理的做法。PoPo 都係做得唔夠灑脫,應該講到明收到情報黑暴有可能會再出動,危害市民安全;總好過猶抱琵琶半遮臉咁死口不認,反正都有唔少證據支持呢種講法,唔使驚喎!

警就七一遊行發反對通知書 稱遊行增染疫風險 社民連稱會上訴:七一遊行是港人傳統 2021-06-28 17:53:05

【有線新聞】三個團體申請舉辦七一遊行,警方以防疫為由發出反對通知書,申請人之一的社民連陳寶瑩說會上訴、但對結果不樂觀。

社民連、天水連線及守護大嶼聯盟向警方申請舉辦七一集會和遊行,承接民陣17年來的傳統。三日後警方發出反對通知書,提到公眾集會和遊行違反599G規例,禁止公眾地方多於四人的群組聚集,又說目前應對疫情仍維持緊急的最高級別;有理由相信舉辦活動不單會增加參與者感染風險,亦對所有市民的生命及健康構成重大威脅,危害公共安全及影響他人權利。警方合理地相信,縱然對集會及遊行施加條件,亦無助於維護公共秩序及公共安全。

三個團體將提出上訴,社民連副秘書長陳寶瑩:「應該機會不樂觀,七一遊行是香港人一直以來的傳統,尤其目前相信很多人對社會現象都有不滿,趁七一這個傳統可以一起發聲,是市民應有的權利,我們不能輕易放棄。」一旦上訴被駁回,會否以街站等形式表達訴求,她說要再商討。

5. 七一遊行是香港人一直以來的傳統,尤其目前相信很多人對社會現象都有不滿,趁七一這個傳統可以一起發聲,是市民應有的權利

就連髮型屋個C傅都同魔術師講話佢有好多客人搞移民,唔鍾意呢個正苦咁話。咁都好嘅,黃人都算係我城「特產」,將黃色經濟圈理念輸出世界亦都係功德一件。可能黃人覺得去到第二度人地正苦會倒屣相迎呢班專才同埋財神。至於魔術師呢類窮中剷,就唯有留在我城繼續鬧吓呢個廢廢地嘅正苦,至不濟退休後就要窮住大灣區了!

兩男涉藏仿槍爆炸品被捕 警指曾提血洗某地 不排除與七一有關、趁喜慶日子傷害市民 2021-06-29 20:04:17

【有線新聞】警方拘捕兩名男子涉嫌藏有爆炸品及仿製槍械,懷疑他們利用五金舖買得的材料,製作炸藥及仿製槍械。警方說兩人在網上揚言要「血洗」某些地方,不排除與七一有關。

證物包括槍管、防毒面罩,以及工業用石屎針槍彈,警方懷疑有人利用裏面的火藥嘗試做子彈。兩名被捕男子分別29及32歲,報稱無業及地盤散工,警方在其中一人的藍田住所找到爆炸品的原材料,包括1.5公斤的硝酸鉀、硫磺、糖漿,以及製作槍械的草圖。在另一名被捕人的大埔住所找到五支仿製槍械,以及兩人討論製作武器的通訊記錄。

警方說他們亦曾在網上發布煽動仇恨帖文,有組織罪案及三合會調查科署理總警司何振東:「說要殺死某些人、一些知名的人,以及血洗某些地方、指定地方。與七一是否有關,這些人的圖謀仍在調查中,不排除有人想趁喜慶日子,對無辜市民作出傷害。」

以往警方檢獲的非法槍械通常是拆件郵寄到香港再組裝,今次有所不同,有組織罪案及三合會調查科警司鄒旺忠:「今次發現有人用粗糙的五金器具,以自製組件方式,製造模仿槍械發射原理的槍械部件。」警方相信檢獲到的材料可以製成1至1.5公斤的黑炸藥。

6. 警方說兩人在網上揚言要「血洗」某些地方,不排除與七一有關...警方在其中一人的藍田住所找到爆炸品的原材料,包括1.5公斤的硝酸鉀、硫磺、糖漿,以及製作槍械的草圖。在另一名被捕人的大埔住所找到五支仿製槍械,以及兩人討論製作武器的通訊記錄...今次發現有人用粗糙的五金器具,以自製組件方式,製造模仿槍械發射原理的槍械部件。

如果話網購槍械零件再自行組裝似乎仲講到過去,但以五金自製槍械,一個唔留神爆起上嚟真係隨時無咗隻手、爆咗隻眼。呢兩條友仲在討論區話要「血洗」,慌死人唔知咁。魔術師就想像唔到究竟係真痴定假傻?定係只係為「死士」做煙幕呢?

信報 2021年6月29日

余錦賢 香港脈搏

七一慶祝易違限聚 愛國團體收警勸喻

今年七一回歸紀念適逢中國共產黨100周年黨慶,港府特別隆重組團上京「賀壽」,各大建制政黨亦獲邀派代表參與活動。縱使建制陣營多名要員北上,多個政黨及愛國團體仍派出足夠人手在七一舉辦慶回歸節目,民建聯早前便宣布安排花車巡遊港九新界,並會擺設街站。據了解,民建聯近日收到警方溫馨提示,要求該黨在七一嚴守防疫規定,以免警方「難做」。

由於公眾地方依然實施4人限聚令,加上社民連等三個團體申辦七一遊行遭警方以疫情為由發出反對通知書,上訴推翻決定的機會又十分渺茫,意味今年七一難望再像以往般舉辦合法遊行。為防當天出現未經批准集結,新任警務處處長蕭澤頤決定留守香港,未有跟隨其他紀律部隊首長赴京祝賀中共百歲生辰。筆者聽聞警隊各環頭評估七一風險,暫時維持「中度」水平,尚未發現有人在網上號召任何行動。

不過,最令警方頭痛的除了是七一可能發生突發事故,還有各大愛國團體遍布各區的慶回歸活動是否違反限聚令。事實上,本月初香港客屬總會約百人在灣仔金紫荊廣場外唱歌祝賀中共成立100周年,從影片所見明顯違反限聚令,惟警員並無檢控,惹來外間質疑警方執法標準不一。

消息透露,個別愛國團體近日收到警方呼籲,舉辦活動時務須遵守4人一組、每組相隔1.5米社交距離的規定,就連第一大黨民建聯的花車巡遊亦被警方提醒,坐上花車的人不可多於4人。據聞民建聯接到提示後打算變陣,正研究是否繼續以花車巡遊形式慶回歸。至於愛國團體在各區擺放宣傳街站,警方同樣勸喻切勿多於4人一組。

據筆者收到的風聲,警方個別環頭的中層已向前線警員下達指示,表明七一活動不論舉辦者的政治背景,一旦發現有違限聚令,警員會先行警告,假如負責人未有依從指示,警方將照樣票控,愛國團體也「無面畀」。

自去年初新冠肺炎爆發以來,4人限聚令便成為當局拒絕批准合法遊行的理由,且看相關標準是否適用於愛國團體街站。「新一哥」蕭澤頤若能證明警方處理公眾活動一視同仁,必然會獲得市民「加分」,同時有助修補社會運動後的警民裂縫。

7. 警方個別環頭的中層已向前線警員下達指示,表明七一活動不論舉辦者的政治背景,一旦發現有違限聚令,警員會先行警告,假如負責人未有依從指示,警方將照樣票控,愛國團體也「無面畀」。...「新一哥」蕭澤頤若能證明警方處理公眾活動一視同仁,必然會獲得市民「加分」,同時有助修補社會運動後的警民裂縫。

黃人其中之一個常用藉口就係話「藍營得,我地唔得」來哭訴自己被打壓有幾慘。PoPo 如果係以限聚令為理由嚴禁4人以上集會,揸正嚟做唔會「放生」藍營,照樣「無面俾」乃是應有之義。不過,魔術師就唔係好同意人言報話「若能證明警方處理公眾活動一視同仁,必然會獲得市民『加分』,同時有助修補社會運動後的警民裂縫」。以 Two-factor theory 來說,PoPo doing their jobs 只係 hygience factor(無咗就會唔開心)而唔係 motivation factor(有就會開心),畢竟學黃人話齋「你有份出糧就要做嘢」,無理由將秉公辦理(連藍營都「無面俾」)係一件好新奇趣怪的事。

***

《立場》評論下架、停收贊助、董事辭任 記協指為防患未然 網媒WINANDMAC撤港2021-06-28 20:43:42

【有線新聞】《蘋果日報》部分高層被指涉嫌違反《港區國安法》,而公司資產亦被凍結,多間網媒近日開始下架文章,甚至撤離香港。

《蘋果日報》部分高層涉嫌違反港區國安法受查,公司資金亦被保安局凍結。

多間網媒近日亦調整策略,《立場新聞》宣布將評論文章暫時下架,停收贊助,公司6名董事亦辭職。

本身是《立場》副採訪主任的記協主席陳朗昇說,這樣做是防患於未然,「被捕的、有刑事後果的人不單止董事、老闆,而是編採人員及寫文章的人,我們作為新聞工作者,這些事情我們難免每天都要做,無論是處理新聞,無論是寫評論,可能是一些文章,如果這樣都有刑事後果,很難說百分百安全。」《立場》上月已終止入職半年以上員工的僱傭合約,以高於法例要求的補償額結算年資,再重新聘用他們。

另一間網媒「WINANDMAC」早就已經撤離香港,將業務遷移到外國。WINANDMAC負責人阿鬼:「很早已經有這個想法,國安法實施前我們採訪過的人都被捕,紅線不清不楚,香港實施國安法比大陸更狠心,你一講我就立刻拘捕你。」WINANDMAC目前仍保留之前的報道,但已經轉用外國的網站供應商,他們會繼續在香港聘請自由工作者報道本港新聞,但強調聘請前會說明風險。

8. 《蘋果日報》部分高層涉嫌違反港區國安法受查,公司資金亦被保安局凍結。多間網媒近日亦調整策略,《立場新聞》宣布將評論文章暫時下架,停收贊助,公司6名董事亦辭職。

激烈抗爭搞革命不成,又轉為賣慘,形造出「邪惡政權」打壓欺負,不得不噤聲的形象。呢啲咁嘅「寒蟬效應」只係扮出來的。兩年前黑暴勢頭最烈之時,打砸燒無日無之,毒果臘腸日日吶喊助威,旁若無人,唔通真係無一條我城法律可以治得到佢地,直至要有《港區國安法》才可以修理這些黃霉?當時的巷官,是不能也(沒有法律依據)抑或是不為也(hea 做)?

9. WINANDMAC負責人阿鬼:「很早已經有這個想法,國安法實施前我們採訪過的人都被捕,紅線不清不楚,香港實施國安法比大陸更狠心,你一講我就立刻拘捕你。」WINANDMAC目前仍保留之前的報道,但已經轉用外國的網站供應商,他們會繼續在香港聘請自由工作者報道本港新聞,但強調聘請前會說明風險。

WINANDMAC 呢個驟眼睇落去會令人以為係講 IT 的網站,原來又係黃霉,甚麼 Windows 同 Mac 都係掛羊頭賣奇肉的掩眼法。「負責人阿鬼」真係無改錯名,夠哂鬼祟!

形容「文字獄」已降臨 《立場》宣布下架評論文章、停收贊助及月費 六董事辭去職務 2021-06-28 09:55:57

【有線新聞】《立場新聞》宣布六位董事,包括立法會前議員吳靄儀、歌手何韻詩以及社聯前行政總裁方敏生辭去職務,未來不再接受贊助及會員支付月費。

《立場》形容「文字獄」已降臨香港,為保障支持者、作者及編採人員,會將五月或之前刊登的評論文章全部下架,與作者確認意願及風險後重新刊登,亦會暫停接受贊助及會員提交月費,目前財政儲備能應付未來9至12個月的開支。

人手安排上,已在上月終止入職半年以上員工的僱傭合約,以高於法例要求的補償額結算年資,再重新聘用他們。另外,六名董事接受建議辭去職務,只剩下創辦人蔡東豪以及總編輯鍾沛權。

10. 《立場》形容「文字獄」已降臨香港...已在上月終止入職半年以上員工的僱傭合約,以高於法例要求的補償額結算年資,再重新聘用他們。

「文字獄」由毒果臘腸呢類黃霉講出嚟,真係難聽過粗口。回想黑暴勢頭最烈之時,黃黑可以肆意對政意不同的人、商鋪鶳、裝修、起底恐嚇、搶手機逼令受害人刪除影片照片,完全無王法可言。毒果臘腸的社評有為過受害人的人身安全、言論自由、思想自由發聲麼?讉責過首觸的暴行麼?有乜世界上有其他國家或地區容許有煽動暴亂的傳霉存在?就算係王婆經常高舉的龍獅旗下的傷巷殖民正苦都未有類似的「言論自由」吧?黃霉既然將首觸的暴行合理化,鼓吹黑暴行使私刑,那麼被取缔也不是甚麽損害言論自由、新聞自由的事情了。至於解僱再聘用可以達到甚麼效果,唔通咁就可以擺脫「文字獄」?魔術師就真係唔太明白嘞!

***

信報 2021年6月29日

醫管局「前線醫生聯盟」解散

醫管局其中一個醫生工會「前線醫生聯盟」,因換屆無人「上莊」,昨日舉行特別大會,據悉最終投票結果一致決定解散。前主席羅智峯早前接受傳媒訪問時,透露對解散感可惜,提到當年工會發起逾千醫生靜坐爭取「同工同酬」,但在現今社會氛圍下,有新生代認為工會已無存在需要。有前幹事認為目前政治氣候,拋個身出來可能招致危險。

11. 當年工會發起逾千醫生靜坐爭取「同工同酬」,但在現今社會氛圍下,有新生代認為工會已無存在需要

哈哈,梗係喇!「同工同酬」只係馬屎撈嘅最底層,新生代不愁衣食,追求的是 self-actualization(演變成自戀、賣慘、self-fulfilling prophecy),無大台又何來有人「上莊」呢?

信報 2021年5月26日

馬仲儀:協會或減少曝光及少作公眾評論

對於成立近20年的「前線醫生聯盟」面臨解散,另一公立醫生工會公共醫療醫生協會的會長馬仲儀認為,在目前社會氣氛下,工會為業界事務發聲或被指含有政治意見,甚至惹來惡意抨擊,令醫生同事對代表工會發聲卻步。

馬仲儀在電台節目稱,相信醫管局沒有施加任何壓力要求工會解散,但近日政府曾提到會檢視工會有否違反《港區國安法》,又指早前罷工的同事或違反國安法,加深同事的擔憂。

馬仲儀下月將退任公共醫療醫生協會會長,現正努力尋找接任人,她明言難度高,而為令更多同事願意留在協會,日後或減少曝光及少作公眾評論。

另外,她強調,病人的醫療報告涉及私隱,醫生不會因為新聞需要,將醫療報告提供予傳媒。醫療報告一般由病人申請,亦可能由執法或法律機構因應訴訟的需要提出申請,並在病人允許下提供。醫療報告內容只包括在醫管局接受臨床治療期間的紀錄。

12. 工會為業界事務發聲或被指含有政治意見,甚至惹來惡意抨擊,令醫生同事對代表工會發聲卻步。...病人的醫療報告涉及私隱,醫生不會因為新聞需要,將醫療報告提供予傳媒

由梁馬騮的拉布拖垮醫痿會改革到黑醫護為爆眼女發聲、罷工抗疫、放棄專業要求具體檢測指引等舉動,吓吓都係唔提供證據但就要找正苦麻煩,又難怪會被人 stereotype 你班醫護的「發聲」係含有政治意見架喎!

(網上圖片)

杏林覺醒」解散刪專頁 組織六年前成立 目標追求「自主、平等選舉」 2021-06-30 10:34:49

【有線新聞】醫學界組織「杏林覺醒」宣布解散。

「杏林覺醒」凌晨在社交網站發文,指經過多個月討論,決定解散、即日生效,但未有解釋解散原因。組織的專頁亦已移除,無法再瀏覽。「杏林覺醒」在2015年成立,目標是追求體現自主、尊嚴及平等的選舉制度。

13. 「杏林覺醒」在2015年成立,目標是追求體現自主、尊嚴及平等的選舉制度。

2015年成立的「杏林覺醒」明顯就係要食住縮骨遮革命、反831決定的「散後組織」,到依家先至識「覺醒」,果然係裝睡的人叫不醒。正如魔術師早前都有提過,其實「殺人政權」並唔係太 care 35+,否則回魎咁多年以來要「完善選舉制度」,一早就可以搞;而黃營經常唸口簧的「制度暴力」、「建制派數夠票就會通過」卻未見得發生,反而黃營拉布成功拖垮議案的例子就多的是。直至戴當家的十步曲,揚言35+之後以「制度暴力」拖垮正苦,才激起「殺人政權」落重藥整治黃營。咁顯淺的道理,又唔知要等到何年何月黃人才識得「覺醒」了。

***

伸延閱讀:

Wikipedia: Two-factor theory

維基百科:楊光 (1926年)

七一大批警員銅鑼灣旺角戒備 拘逾19人 涉藏仿製、侮辱國旗、分發煽動刊物等 2021-07-01 23:05:07

【有線新聞】大批警員下午在銅鑼灣旺角戒備,警方稱至晚上至少19人被捕,分別涉嫌藏有仿製槍械、侮辱國旗、分發煽動刊物及公眾地方行為不檢等。

往年七一遊行必經之地東角道及崇光百貨一帶,下午兩時警員用橙帶圍封,截查途經的市民,警方分別在希慎廣場外以及記利佐治街設置了藍色帳篷作為搜查區。一名男子拿著標語被警方截查,被帶上警車。經常現身示威活動的「王婆婆」揮動英國國旗,被大批警員包圍,之後亦被帶走。

去到近四時,警方多次舉起黃旗警告不要參與非法集結以及違反限聚令,又稱有人在商場前聚集,警員走入去用橙帶圍封通道,要求所有人離開。 有市民說是來銅鑼灣購物,吳先生:「令人很不安(為甚麼?)因為太多警察,7月1日應該大家都開心,但我不覺得開心。」有兩名市民涉嫌違犯限聚令被票控,她們說一步出宜家傢俬,就連同另外三個不認識的市民被截查,李女士:「我為了這件事得了憂鬱症,你知道嗎?我一個月只賺7,000元,我辛辛苦苦做清潔你知道嗎?無故罰我5,000元。」吳女士:「我們兩個朋友、沒有(其他)人,現在香港政府不知變成怎樣。全部都是剛剛買、未夠10分鐘,10分鐘前出來、有證有據。」她袋裏有筷子、衣夾、馬桶鮑魚刷等,兩人都說不會交罰款,會上庭辯解。

一名男子涉嫌在銅鑼灣藏有仿製槍械,被警方拘捕。

在旺角下午5時許,警方用橙帶圍起學聯在旺角道天橋的街站,查問擺街站的2男2女,其後拆下學聯旗幟,收走街站物資,將4人帶上警車。

另外,賢學思政在豉油街擺街站,警員警告他們可能違反限聚令,之後帶走3人,包括召集人王逸戰。朗豪坊就有4名男女派傳單被截查,被帶上警車,包括賢學思政成員黃沅琳。

有組織獲出版商知會拒印言論自由書籍、料與政治氣氛有關 馬逢國指商界有不同考慮 2021-06-30 21:43:20

【有線新聞】有組織計劃出版關於本港言論自由的書籍,但書展前夕指接獲出版商通知未能出版,負責人估計與近日的政治氣氛有關。有議員指,是否出版一本書需要考慮包括能否收回成本,及會否涉及法律後果等因素。

「傘下的人」成員阿木:「我其實現時去了台灣,希望可在台灣尋找到當地出版社,可以幫忙出版這本書。」阿木是組織「傘下的人」的成員,原本計劃在今年書展出版一本關於本港言論自由受限制的新書,但上星期五突然接獲出版商通知,指未能替他們出版。

阿木:「貿發局說要提醒出版商不要違反國安法,其實大家都會明白原因是甚麼,特別還有《蘋果日報》這件事,仍然歷歷在目。很明顯與政治氣氛有關,因為在《蘋果日報》出事前,出版商與我們的合作一直沒有太大的擔憂。」

他指即使在台灣尋找到出版商,亦無可能趕及書展。阿木:「一定是失了預算。唯一愕然的是,他致電給我時已經是直接通知我們說不出版,而不是商討內容可否再溫和一點。」

有議員指不清楚相關書籍的內容,難以判斷出版商不出版的原因,但一般來說,是否出版一本書,除了考慮投資後能否回本,亦有其他考慮因素。體育演藝文化及出版界(新論壇)馬逢國:「出版社可能一直有自己的固有形象,出版哪一類型的書。具體題材及內容會否需要承擔法律上的責任,例如會否(涉及)誹謗、會否有其他法律後果。」他又指每年均有不少人因未能尋找到適合的出版商,而未能出版書籍。

七一刺警案|維他奶證實刺警案死者梁健輝 為公司採購主任

銅鑼灣昨晚(7月1日)發生刺警案,50歲男子梁健輝,於SOGO商場對開刺傷一名28歲機動部隊男警員,其後用刀自插胸口,被制服後送院搶救不治,男警留醫情況嚴重。

維他奶證實,死者梁健輝為其公司職員,已聯絡死者家人作跟進及致以慰問,公司亦已啟動緊急支援機制,向因事件致情緒受困擾的同事提供協助及由專人跟進。消息指,刺警前死者已留下多封遺書,稱殺警後會自殺,又提及不滿警方包庇罪犯,探員今日曾到其工作的辦公室調查。

消息指,死者梁健輝生前在一間飲品公司任職採購,入職7至8年,並在屯門的辦公室上班,今早有探員到辦公室調查。今日網上流傳一張維他奶公司的內部通告,指死者為其公司採購部採購主任,又表示已向死者家屬接觸跟進。

維他奶回覆《香港01》指,已聯絡死者家人作跟進及致以慰問,維他奶香港亦已啟動緊急支援機制,向因事件致情緒受困擾的同事提供協助及由專人跟進。由於警方正對事件進行調查,現未能提供任何資料。

死者留多封遺書 認為警方包庇罪犯

消息指,死者昨晚刺警前已留下多封遺書,稱殺警後會自殺,並向年邁雙親交代後事。另外警方昨晚於現場檢獲一隻屬於死者的USB,當中儲存的文字文件,寫有死者交代身後事,及有提及向警員施襲的原因,包括認為警方包庇罪犯、無法制衡,又提及警方過往有「暴行」等。另外,警方於搜查疑犯單位時,據悉亦發現電腦及有關反修例運動的新聞剪報。

七一刺警案|維他奶再發聲明 稱員工私下撰寫文件、措辭極為不當

7月1日晚上,銅鑼灣SOGO商場外發生刺警案,於維他奶公司任職採購主任的50歲男子梁健輝,用刀自插胸口後不治。期後,網上流傳一張維他奶公司的內部通告,指死者為其公司職員,內文提及「香港採購部採購主任梁健輝先生,於2021年7月1日傍晚發生於銅鑼灣的事件中不幸離世。」

至今日(3日)維他奶集團再發聲明指,網上流傳的有關文件並沒有經過維他奶集團的官方批復和發佈,而是由一位員工私下撰寫並內部轉發,未經授權。聲明更指出,網上流傳文件使用的措辭極為不當,該員工個人撰寫的內容本不應公開及內部發佈,維他奶集團指保留追究該名員工法律責任的權利。

維他奶集團發聲明指:網上流傳檔所使用措辭極為不當

今日(7月3日)維他奶集團於「維他Vita官方微博」發聲明指,「我們注意到,一份與7月1日發生於香港的事件相關的檔在網路流傳。我們對此嚴正聲明,網上流傳的有關文件並沒有經過維他奶集團的官方批復和發佈。」並指該傳檔由一位員工私下撰寫並內部轉發,未經授權,也沒有遵從維他奶集團的內部審批流程,而有關的審批程式是為了確保,該公司溝通是正確而恰當的。

保留追究該名員工 法律責任的權利

維他奶集團聲明指出,網上流傳檔所使用的措辭極為不當。未經維他奶集團標準審批流程批復,該員工個人撰寫的內容本不應該公開,更不應該在公司內部發佈。目前維他奶集團正調查該事件,並保留追究該名員工法律責任的權利。

聲明指出,對有關事件給各界造成的困擾和不滿,維他奶集團致以誠摯的歉意,「我們長期支持香港的繁榮,穩定和發展,我們嚴厲譴責暴力和破壞香港社會安定的行為。正如在我們此前的聲明中所言,我們將全力支持和配合香港警方和香港政府根據國安法對7月1日事件進行徹底調查。」

網上流傳一張維他奶公司的內部通告,指死者為其公司職員,又表示已向死者家屬接觸跟進,內文提及:「香港採購部主任梁健輝先生,於2021年7月1日傍晚發生於銅鑼灣的事件中不幸離世!」至昨晚(2日)維他奶回覆《香港01》指,已聯絡死者家人作跟進及致以慰問,維他奶香港亦已啟動緊急支援機制,向因事件致情緒受困擾的同事提供協助及由專人跟進。由於警方正對事件進行調查,現未能提供任何資料。

由於,維他奶集團内部通報香港員工梁健輝,在七一銅鑼灣事件中不幸逝世,對其家人致以深切慰問並跟進協助,所用字眼在内地引發不滿,有網民聲言要維他奶「滾出内地!」内地明星代言人龔俊、任嘉倫昨晚先後聲明終止與維他奶的一切合作。維他奶官方微博今日凌晨發佈鄭重聲明,稱全力支持當局據港區國安法進行全面調查。

112 則留言:

  1. 何CC喺台灣俾一個人淋油
    台灣告咗11個

    香港警察被刺
    竟然未查就秒速變成獨狼事件

    香港不論領導定係警察
    都比台灣弱十倍

    回覆刪除
    回覆
    1. 我覺得巷警始終好似好介意俾人唱衰咁, 好多嘢都就住就住, 就算道理在自己嗰邊, 十拿九穩都唔去盡少少。

      刪除
    2. // 我覺得巷警始終好似好介意俾人唱衰咁

      現在已被人唱到無可再衰。不用幻想可以和黃黑和解了,如有道理就去盡吧。但警察個人及團隊應反省自身,不要做有辱警察聲譽的事。

      刪除
    3. //警察個人及團隊應反省自身,不要做有辱警察聲譽的事。

      我真係唔知點解popo會有咁多醜聞, 好似成日都知法犯法咁. 俾人叫「黑警」都係有啲自招.

      刪除
    4. 其實有權力就有腐敗。好似好多老一輩人話齋:咁辛苦讀書,搏殺,去做官,望升官發財,都係為咗拎著數啫,無著數,搵鬼咁辛苦去做...而家揭到出嚟嘅嘢,肯定已經存在已久,只係呢幾年人人都睥住啲警察,加上前一哥話有咩事要公開,先係咁被發現...

      刪除
    5. //而家揭到出嚟嘅嘢,肯定已經存在已久

      問題係警察無辦法將利益「合理化」, 好似金融界, 高檔次的 bankder 做IPO可以合理地骨水, 但明顯櫃檯 teller 就無可能落格, 有都只係零星事件, 佔的比率極低; 同樣係散仔出術, 警察出事的比例又好似高咗啲.

      刪除
    6. 我覺得有啲嘢,以前啲人覺得好少事,唔會去投訴,甚至覺得係正常,當黑暴發生之後,好多人對呢啲嘢嘅容忍程度直接變為負值,就快連警察呼吸都會被投訴㗎啦,加上前一哥覺得開誠佈公就可以改善形象,一有事就報咗出嚟,但可惜聽啲黃人嘅態度就覺得只係不斷固化黑警嘅形象,幫佢哋不斷提供黑警有幾黑嘅例子.....完全起唔到當初想畀黃人個種銳意改革嘅感覺......

      刪除
    7. //加上前一哥覺得開誠佈公就可以改善形象,一有事就報咗出嚟

      又中咗招喇! 唔開誠佈公可以點?

      去年涉盜竊被捕後停職 女警上月涉持鎅刀再偷水壺等物品 警方稱會嚴正處理 2021-07-03 22:55:21
      【有線新聞】一名女警涉嫌盜竊及管有攻擊性武器被捕,案件在東區裁判法院提堂。
      該名48歲劉姓女警涉嫌去年十二月在觀塘一個商場分別偷取價值數千元的朱古力及頸巾被捕,案件調查期間女警被停職。上月涉嫌再在牛頭角一間店舖內手持鎅刀及偷取水壺及背包等物品,被控管有攻擊性武器罪及四項盜竊罪。警方重申非常重視警務人員操守,不會容忍任何人員違法,會嚴正處理。

      刪除
    8. //又中咗招喇! 唔開誠佈公可以點?

      我都唔知可以點,哈哈!睇嚟佢哋真係壓力山大....犯埋啲事都似係宣洩壓力嗰啲行為偏差,睇嚟要搞返啲減壓活動。

      刪除
    9. //睇嚟要搞返啲減壓活動。

      上次係元朗搞 speed dating (誤) 結果變成爆樽收場 XD

      刪除
    10. //又中咗招喇! 唔開誠佈公可以點?
      呢單佢本身已經停咗職,以人頭計可以算係無增長。

      刪除
    11. //以人頭計可以算係無增長

      唔係掛? 你講真定講笑? 如果有黑暴保釋後再犯案, 你會說「以人頭計可以算係無增長」嗎?

      刪除
    12. 我講真㗎。佢犯完再犯咪罸重啲囉,但係唔係因為警隊唔做嘢令佢再犯㗎嘛。佢已經被停職喇,再犯係佢自己有問題,唔係警隊有問題。
      黑暴保释後再犯咪罸佢冇得保释囉。同一個人再犯我係佢呢個人嘅問題,唔係整體社會嘅問題。

      刪除
    13. // 我真係唔知點解popo會有咁多醜聞, 好似成日都知法犯法咁.

      已故水警及公共關係科總督察劉啟法在九十年代初的著作(生死劫、恩怨情仇、我是如此走過)有探討警察心理。

      刪除
    14. //同一個人再犯我係佢呢個人嘅問題,唔係整體社會嘅問題。

      你在轉移視視. 我唔係講罰則係點, 而係「數字」上以「計人頭」是不合理.

      無增長你講緊嘅係數字, 之後你就話係人嘅問題.
      黑暴保釋後再犯事就係兩單 cases, 數字上唔會無增長.

      點解係數人頭, 而唔係數 cases?

      //佢犯完再犯咪罸重啲囉
      //黑暴保释後再犯咪罸佢冇得保释囉。

      葉繼歡犯案累累, 呢個只係個人問題, 「罪字數字有增長, 人頭數字無增長」, 你同意嗎?

      同一個人再犯事, 當然係個人問題; 但警隊請咗呢個人入職, 就係警隊的問題. 容許少數黑暴(人頭計)犯下大量案件(cases 計), 哪不是更顯警隊無能嗎?

      學校請咗個黃師返來教學生, 不停教授錯誤訊息, 都係個人問題, 不是學校的問題, 以人頭計無增長過.

      刪除
    15. // 呢單佢本身已經停咗職,以人頭計可以算係無增長。

      統計上,一人犯罪三次就會計三次,不是只計「一個人」。只計人頭會令人覺得要故意減少犯罪總數。

      市民觀感上,一個警察再犯罪就會令人更加相信警察不是好人。

      刪除
    16. //點解係數人頭, 而唔係數 cases?
      衡量警隊(或黑暴)應該兩樣都應該要考慮,我唔係話淨係計人頭,所以我話以人頭計係冇增長。

      //一個警察再犯罪就會令人更加相信警察不是好人。
      一個警察再犯差啲,定係兩個警察犯事差啲?我就話後者差啲。

      刪除
    17. //學校請咗個黃師返來教學生, 不停教授錯誤訊息, 都係個人問題,
      點解可以不停教?唔停職?
      果個警察停咗職喎。

      刪除
    18. //劉啟法在九十年代初的著作(生死劫、恩怨情仇、我是如此走過)有探討警察心理。

      圖書館有得借嚟睇.

      //只計人頭會令人覺得要故意減少犯罪總數。
      //市民觀感上,一個警察再犯罪就會令人更加相信警察不是好人。

      C 君正解.

      我忽然想起香討足球版上, 常有嘲笑C朗、美C的發帖, 引發罵戰. 我記得睇過一篇文, 主要係話其實版友唔會否定兩大球王的球技, 而係睇唔過某些粉絲留言偏幫, 雙重標準的所為, 於是便以嘲笑其偶像的出醜洋相, 以傷害這些盲粉.

      我覺得黃藍對立某程度都係一樣, 盲撐黃的故然是滿嘴歪理; 撐警撐正苦的何嘗又不是有護短偏幫的情況. 雙重標準就是會令對家唔服氣; 公正處事呢? 對家亦未必服氣, 但總可以令對方少個藉口生事. 而且不論有無「對家」, 評論、處事公允也是應有之義.

      //衡量警隊(或黑暴)應該兩樣都應該要考慮,我唔係話淨係計人頭,所以我話以人頭計係冇增長。

      你又要我「好辯」起來了. 我初頭問你「真定假」, 就係希望你會 rectify 返. 而且「計人頭」係你自己提出; 刻意無提「計次數」. 如果「唔係淨係計人頭」, 咁你第二次留言時就應該澄清. 依家咁講法, 我覺得是屬於「兜」喎.

      這就是點解我提C朗、美C的粉絲罵戰的原因

      //點解可以不停教?唔停職?

      沒有投訴就沒有人要停職喇. 以教怯等人的嘴臉, 你會相信現實上黃師只是少數派嗎?

      //果個警察停咗職喎。

      你經常提到「停職」. 我就唔明「停職」跟「計人頭」和「計次數」的取捨上有甚麼邏輯關係.
      況且我認為「佢已經被停職喇,再犯係佢自己有問題,唔係警隊有問題。」呢句有邏輯錯誤:
      1. 停職唔係離職, 警員被停職依然是受僱於警隊, 當然受警隊管束. 警隊係紀律部隊, 不是一般私人機構, 人員紀律要求一定較高, 一再犯事唔能夠「以人頭計無增長」來輕輕帶過, 不能推卸責任.
      2. 即使警員停職其間行為不受警隊約束(這合理嗎?), 那就更加要計次數(兩單案); 即使你人頭, 都係兩個: 一個係以警員的身份犯事; 一個係以停職警員(平民)的身份犯事.

      //一個警察再犯差啲,定係兩個警察犯事差啲?我就話後者差啲。

      呢個係主觀判斷. 我就覺得兩者嚴重性相等, 都係警隊管理上出問題. 警隊作為紀律部隊, 唔係街邊求其聘請的外賣仔, 知法犯法絕對是罪加一等.

      刪除
    19. //呢個係主觀判斷. 我就覺得兩者嚴重性相等, 都係警隊管理上出問題
      不同意。第一次犯案之後停咗職就係正確嘅管理,佢再犯就要承擔之後再嚴重啲嘅後果。停職其中一個作用就係俾其他警隊中人睇到犯錯嘅後果。
      //停職唔係離職
      未被定罪唔應該即刻炒。
      //不能推卸責任
      唔係推卸责任,係話件事比較冇咁嚴重。
      //(兩單案)
      係兩單案,但係同一個犯。咁就返去你話嘅主觀判斷果度。我仍然認為係冇兩個犯咁嚴重 :D

      刪除
    20. //第一次犯案之後停咗職就係正確嘅管理,佢再犯就要承擔之後再嚴重啲嘅後果。停職其中一個作用就係俾其他警隊中人睇到犯錯嘅後果。
      //未被定罪唔應該即刻炒。

      我始終 relate 唔到「停職」與否跟「計人頭」和「計次數」的考慮有什麼關係.

      再講, 我話「停職唔同離職」的意思, 就係犯事者依然係紀律部隊成員, 警隊管理層是否認為「停職」已經算是合理的處分? 一再犯事是否依然要「定罪」才可以炒? Conduct 方面未必係犯法行為喎?

      另外, 我唔明你所謂「停咗職就係正確嘅管理」係點樣「正確」法. 你的意思是否係程序上「正確」? 但觀乎警隊不時傳出警員犯案的例子, 我就唔認為「停職」係「有效」(雖然可能是程序上正確)的管理, 我亦睇唔到「停職」對其他警員有阻嚇的效果.

      //唔係推卸责任,係話件事比較冇咁嚴重。

      正正就係我唔會盲撐警的原因. 警隊唔想俾人笑話「有牌爛仔」、「毅進仔」, 就要 whiter than white. 全巷市民的生命財產靠你地, 點可以得過且過. Set a higher bar 好難咩?

      //我仍然認為係冇兩個犯咁嚴重

      如果你話個人上有精神、情緒問題, 咁當然係「次數」會比「人頭」重要. 唔同人犯事就證明了警隊紀律不嚴, 良莠不濟, 而唔係個別人士的心理精神健康出咗事.

      刪除
    21. 今早看到譚蕙芸文章《從前有個警員被刀刺》,文章末段有些對警察支持度的數據值得參考。有讀者留言認為轉捩點是二零一四年。我始終不明白為何當年有人覺得放八十七枚催淚彈是過度暴力。

      刪除
    22. //傳媒對朱警員的描述慢慢由平實轉為正面。《蘋果日報》最初的突發消息只寫警員遇刀刺,後來轉為形容「勇警朱振國遇襲」「英勇捉賊遇襲受傷」。襲警青年被告上法庭,表示跟家人口角後拿刀準備打劫,被截查時慌亂刀刺警員,認罪後被判囚六年,律政司上訴至十年。//

      其實唔關毒果事. 呢單嘢全巷報章都有報. 當時民情唔係政治上腦, 政治上腦就帶上仇警情緒, 否則放在今日又會係「黑警抵死」了.

      ////留言認為轉捩點是二零一四年。我始終不明白為何當年有人覺得放八十七枚催淚彈是過度暴力。

      點解傷民會仇警, 我唔認為係催淚彈問題(催淚彈只係表面), 向民眾發射催淚彈, 代表了巷警是站在巷共政權一方, 而傷民是反共的, 雙方自然勢不兩立:

      Rosa So
      因為警察背棄巿民,口講依法,實則執法不公,站在極權一邊做打手!

      Kena Chinglin
      警察骨子裏就係講求服從命令,執行政治任務。
      昔日政府都叫做下樣,體恤一下民情;今日港共反面,呢班武裝部隊自然樂於做打手。

      Ten Boom
      19年,市民所見,大多數警察都是近乎沒有是非觀、為利是圖、不擇手段、作假證供陷害人的人,根本不值得市民尊重!

      Philip Shek
      朱警員頸部被插後負傷追捕數十米;七一那個背部被插後即以狗速逃跑十多米,不留神反會以為該逃跑者是刺客

      Rose Lai
      Philip Shek 無錯,你講得好好,當年警隊是英勇正義!現在有事掉頭走,市民打999是濫用,蝦蝦霸霸恰女人同小孩,有骨氣都唔食呢碗飯,一家人都唔敢同人講個老豆/老母/仔/女當差!

      刪除
  2. 維他奶喺一整日之後, 啱啱先出咗一份極之"中性"嘅反對暴力、協助調查通告
    但問題係
    一開始就盤軚扭偏咗, 事後擺返盤軚喺正中間係唔夠嘅, 架車一樣係偏
    然後架車一路偏住行, 再等就要向反方向扭多好多先救得返架車
    佢今舖應該比大班大鑊

    回覆刪除
    回覆
    1. 作為商營企業,的確無法亦無權去管員工私底下的個人政見,充其量是做好網絡管理,不容激進員工利用公司資源從事違法行為。不過,維媽奶呢篇通告又真係唔係咁好睇:

      七一刺警案|維他奶證實刺警案死者梁健輝 為公司採購主任

      「有關一位同事在事件中身故」、「不幸逝世」的語調似乎唔太「中性」,講到疑兇好似受害者咁,真係要打回頭重作。

      刪除
    2. 有員工專登玩野啩 否則就係公關災難

      刪除
    3. 啱啱上微博睇左好多評論 我要收返樓上留言 兩份公告應該都係有意為之 遲吓會再出公告:
      1. 員工不幸過世所以出一個內部安撫公告只係標準大企業文化,"不幸"係中性詞,點樣理解是立場問題。
      2. 遇襲差佬唔係我司員工 唔會出現在公司公告上好正常。
      3. 會繼續協助香港當局調查。
      4. 會積極拓展香港本土同外國市場,大陸十幾億粉絲同幾十萬員工可能照顧唔到了,對此深表遺憾。
      5. 正在積極放盤香港喂它奶大夏 賣樓所得資金會全部資助不幸的真香港人。

      p.s. 聽聞昨晚我司公告一出 香港金鐘某便利店的我司產品瞬間傾銷,感謝真香港人!我地一齊加奶↖(^ω^)↗

      刪除
    4. //"不幸"係中性詞,點樣理解是立場問題。

      不同意. 此乃黃人藉口. 你唔想某事發生,但係最終發生咗, 方為「不幸」, 例如遇上交通意外、生病等, 都可以用「不幸過世」. 策動自恐式恐怖襲擊, 不能算是「不幸」.

      //p.s. 聽聞昨晚我司公告一出 香港金鐘某便利店的我司產品瞬間傾銷,感謝真香港人!我地一齊加奶↖(^ω^)↗

      呢句你係 quote 人地嘅? 請明確註明。

      刪除
    5. 維他奶今日又出一段內部聲明話第一遍未經授權
      點解唔擒日第一篇出嚟嗰陣第一時間出呢
      瀄牙膏式出啲唔咸唔淡聲明,又唔炒人,又唔報警(盜用公司資源)
      結果就係兩邊都得罪
      黑暴已經玩咗兩年,兩年嚟已經死咗好多間公司
      呢啲主要市場喺大陸嘅企業到而家仍然唔識危機管理
      冇專人睇住啲細嘅會唔會亂代表公司講嘢
      FB等宣傳帳號仍然俾啲低級職員自己玩
      啲細嘅亂嚟又唔識立即反應
      班公司高層個腦諗乜,真係完全理解唔到
      明明單單都係一爆就影響過億生意嘅事

      一早管好HR就唔出事
      出事後立即炒人割席,可以補返大半
      結果到而家高層仍然覺得冇事發生過
      真係好彩冇買345

      刪除
    6. //真係好彩冇買345

      黃人收息股

      //呢啲主要市場喺大陸嘅企業到而家仍然唔識危機管理
      冇專人睇住啲細嘅會唔會亂代表公司講嘢
      FB等宣傳帳號仍然俾啲低級職員自己玩
      啲細嘅亂嚟又唔識立即反應//

      完全同意.

      如果俾我 draft, 先要定性公司不認同任何違法行為, 另外就係要割蓆. 公開聲明一定要出, 給外界亦給員工看, 唔係出內部通訊, 反正大家都知係乜事, 可以直言, 無需遮掩. 例如:

      「有關本公司員工涉及的案件

      得悉有本公司員工涉及7月1日於銅鑼灣發生的傷人及自殺案, 本公司甚感震驚及遺憾, 亦定必全力配合警方調查, 暫時不作評論.

      本公司想藉此機會對受傷警員作出深切慰問, 希望他早日康復, 身體健康. 本公司亦將會另行接觸該位過世員工的家屬, 跟進事件.

      最後, 本公司將會加強內部培訓及監管, 提醒各員工需恪守員工守則, 在私人時間亦需奉公守法, 做個良好公民, 共建美好社會.」

      不過, 如果咁寫, 就要有被黃黑放火魔、裝修、下毒等風險, 再唔係就會俾黃色經濟圈(例如獵人)封殺.

      刪除
    7. 如果唔係呢件事,我先留意到原來維他奶最大股東係三菱日聯金融集團。蝗國有部份人將呢件事歸咎於倭資控制,好似新浪微博之類,其實有好多嘢都有倭資,成日同蝗國民意對著幹,令到好多蝗國人對外資入注好警惕。但我覺得今次應該只係巷燦亂噏嘢,想兩頭討好,結果變成畀兩頭討伐.....

      刪除
    8. //維他奶最大股東係三菱日聯金融集團。蝗國有部份人將呢件事歸咎於倭資控制

      我相信三菱係 dormant shareholder,應該不過問公司行政營運。有時蝗民的上綱上線想法都幾可怕, 乜都陰謀論: 如果關大股東事, 咁大貓大股東係平保, 又點會出賣孟公主呢?

      //我覺得今次應該只係巷燦亂噏嘢,想兩頭討好,結果變成畀兩頭討伐.....

      同意。 單係兩份公告, 黃的用繁體字, 補鑊的就出微信公眾號, 就知道餵媽奶係想食兩家茶禮。

      刪除
    9. //我相信三菱係 dormant shareholder,應該不過問公司行政營運。有時蝗民的上綱上線想法都幾可怕, 乜都陰謀論: 如果關大股東事, 咁大貓大股東係平保, 又點會出賣孟公主呢?

      尾帝同蝗國意識形態高度對立,尾帝啲FD又唔爭氣,咩都死跟,又不停發生一啲"巧合",令到一眾蝗民高潮迭起,被害意識不斷被實現,正所謂帝國主義亡我之心不死。

      刪除
    10. //被害意識不斷被實現

      我覺得黃人不停賣慘同埋唔揪得那些戰狼狠話都係「被害意識」的體現. 如果社會大眾(其實都包括小粉紅)識得中庸之道、遇事不亢不卑就可以減少好多紛爭.

      刪除
    11. // 如果社會大眾(其實都包括小粉紅)識得中庸之道、遇事不亢不卑就可以減少好多紛爭.

      香港社會風氣在九十年代中期已由一報、一刊、兩支咪改變。董建華政府弱不禁風,助長市民「乜都鬧」心態。當然政府議而不決、決而不行,施政也不見得好,將社會更推向多方面對立。

      刪除
    12. //董建華政府弱不禁風,助長市民「乜都鬧」心態。當然政府議而不決、決而不行

      好多時正苦(同埋警隊) 都係衰心軟, 「開壞咗個頭」.

      信報 2021年7月3日
      余錦賢 香港脈搏
      銅鑼灣崇光外禁悼念 警料打消耗戰
      今年7月1日,警方再度禁止民主派團體舉辦七一大遊行,當天派重兵駐守銅鑼灣,日間大致平靜,怎料晚上卻出現悲劇。中年漢梁健輝在銅鑼灣以利刀插傷警員後自戕,受襲警員於完成手術後至周五晚上仍然留院,施襲者則送院後證實不治。保安局局長鄧炳強在事發當晚把事件定性為「孤狼式本土恐怖襲擊」。
      疑兇偷襲警員後倒臥在銅鑼灣崇光百貨外,案發翌日,有身穿黑衣的市民到該處打算獻花及悼念梁健輝。大批警員全日在現場駐守,禁止市民在崇光百貨外停留,並索性以膠帶圍封。即使有市民於附近欄杆放下白花,警方也很快將之清走。
      據了解,警隊周五於銅鑼灣重兵布陣戒備的手法會維持一段頗長時間,直至沒有市民特意到崇光外聚集為止,並已預備足夠警力打這場街頭消耗戰,目標是不准任何人在該百貨公司外獻花。也許有人會提出疑問,為何在「831事件」後的一段時間,警方容許市民在港鐵太子站外擺放鮮花「悼念」,如今卻拒絕讓市民街頭獻花。警隊中人解釋,其實當日於太子站外的寬鬆應對「開錯咗個頭」,事後認為這做法只會增加公眾聚集的風險。 此外,官方迅速把這宗血案定性為明顯針對警務人員的襲擊事件,警隊不會作任何妥協讓步,以免讓外界誤以為施襲者的做法值得肯定。
      除了在銅鑼灣駐重兵外,警務處內部亦正評估,未來會否仍有其他高風險活動需要加強防範。
      消息透露,2019年為警隊175周年,當年計劃舉行多場慶祝活動,包括警署開放日等,最終因社會事件而擱置,警方本來打算今年復辦,但現時要仔細衡量保安風險,部分活動可能再押後。
      立法會方面,下周二(6日)立法會保安事務委員會的會議原定討論加強防範及應對恐怖主義活動,並邀請保安局局長鄧炳強回應提問。有委員會成員預料,會議重點自然將圍繞今次襲擊事件。誠然,不論理念為何,透過暴力去爭取一己訴求,是文明社會所不能容的,仇恨只會滋長仇恨;政府、政黨以至普羅大眾,各界都要深思,如何避免香港社會捲入萬劫不復的暴力漩渦。

      刪除
    13. 我覺得開始個陣董伯伯雖然最後都腳痛,但都唔算太咩嘅,弱不禁風應該唔完全係嘅,應該係佢同公墓猿嘅作風差太遠,自然政不通...後來我覺得影響比較壞嘅係煲呔曾走去搞辯論,又走去搞大造勢活動,搞到好似普選咁,但實際上完全無必要,只係加大咗群眾嘅不合理預期,令後來嘅特首都要扮晒蟹,走去好似啲民選政府爭取選票咁去"照顧""民意",個啲咩落區...真係越來越誇張,如果下下要親自落去,花咁多錢選區蟻猿同垃圾會蟻猿做咩?但實際上呢啲"民意" WHO CARES?根本同特首選舉無咩大關係,捨本逐末,不如花多啲精力去迫公墓猿做嘢比較實際(不過似乎好難:P)....

      刪除
    14. //我覺得影響比較壞嘅係煲呔曾走去搞辯論,又走去搞大造勢活動,搞到好似普選咁,但實際上完全無必要,只係加大咗群眾嘅不合理預期,令後來嘅特首都要扮晒蟹,走去好似啲民選政府爭取選票咁去"照顧""民意",個啲咩落區...

      當年好似「國際標準」係領導人要比較親民,所以我城班膠官都照辦煮碗。都係689醒,知道侵侵會用 Twitter 治國, 所以佢搏命上網寫 blog XD

      刪除
    15. // 我覺得開始個陣董伯伯雖然最後都腳痛,但都唔算太咩嘅,弱不禁風應該唔完全係嘅,......

      董建華十分勤力,但公務員不配合也沒辦法。問題不只是個人弱勢,而是在行政主導政制下的整個政府弱勢。面對議員及傳媒,官員及公務員好像不能應對批評,施政也是因循苟且,如總理朱鎔基所說「議而不決、決而不行」。自一九九七年起政府都是弱勢,到今年才有些少改變。


      // 都係689醒,知道侵侵會用 Twitter 治國, 所以佢搏命上網寫 blog XD

      他做行政長官之前已在《明報》寫很多文章、評論,到現在仍在Facebook寫短評。不知仍有沒有寫長篇文章?他似乎是唯一一個有長期思考香港未來的行政長官,可惜未上任已有遊行叫他下台。

      刪除
    16. //自一九九七年起政府都是弱勢,到今年才有些少改變。

      係要俾阿爺打 pat pat (國安法, 唔清零唔使旨意通關), 777正苦才開始着緊一啲.

      //到現在仍在Facebook寫短評。不知仍有沒有寫長篇文章?

      其實689算ok, 佢戰狼得嚟真係出嚟同人隻揪, 唔似唔揪得嗰類「狐假虎威」死剩把口.

      刪除
  3. 國安法的出現,黑暴的氣焰確實減退了。但很不幸,他們只是認為自己係輸左,唔係錯左。大陸文革時,影響的近乎全部人,最初批鬥人的,後來有很多也會同時被批鬥,所以最後很多反思,平反和將文革定性為錯誤,中國才能擺脫包袱繼續前進。而現今,現在只是在政界中做些小動作,大量的媒體也沒有清理,最大的邪教法輪功依然橫行,香港真的前途難以明朗

    回覆刪除
    回覆
    1. 國安法給的是一個姿態, 要正苦同 popo 認真做事.

      黃黑最烈之時,也不敢或無能力推翻巷苦, 奪取正權, 否則定會攻打警總、老解軍營.

      黃黑唔敢或無能力搞革命, 但佢地又對老共、傷巷正苦、傷巷社會不滿, 加上正苦時不時都甩轆,亦俾咗機會黃人趁機生事。久而久之便就出現了三類人:

      1. 留在我城激烈抗爭行為:呢類人比較少。基本上呢啲人都係反社會,求其搵個藉口就去宣洩,威脅其他市民生命財產 (由恐襲到火魔、鶳、裝修)都係。重點都係違法,只係個別事件的嚴重性不同。

      2. 移民、逃亡走人:呢類人算係中等數量,多數是高端中剷。佢地出到外地會打國際線,在外地指指點點,數說我城不是,出面生活有幾幸福等等。

      3. 留在我城:呢類人最多。200萬+1的窮中剷、基層都係呢班人。佢地有家庭負擔,唔敢犯法,但又唔肯/唔想服從正苦管治,於是便以合法的行為,例如網絡上的惡毒言論、酸言酸語、不合作運動(正苦唔想我做,我就偏去做)等等去「攬炒」(包括拒打疫苗)。呢班人最難搞。

      刪除
    2. // 久而久之便就出現了三類人

      從政府的角度看,對第一類應該重手對付,禍必及全家,如用民事索償及反恐條例清空犯人財產等等。絕不能與恐怖份子談判。

      第二類可用各種手法取消他們的香港居留權及對其留在香港的財產納重稅。

      // 呢班人最難搞。

      第三種真的難搞。我總覺得這班人很多,多過政府估計的。也很難完全趕絕。相信大陸會覺得除之而後快,亦將導致大陸最少會「以直報怨」,甚至用手段報復。

      刪除
    3. 其實都係返去我多年前提及的: 留(做順民)/進(a. 武裝革命套取政權; b. 軟性革命請求食紅牌自行被踢走)/逃.

      //第二類可用各種手法取消他們的香港居留權及對其留在香港的財產納重稅。

      逃: 就係第二類人, straightforward, 同意要想辦法取消其永久居民權. 要《基本法》入手.

      //第三種真的難搞。我總覺得這班人很多,多過政府估計的。也很難完全趕絕。

      留: 部份係順呢, 但大部份係200萬+1 的不合作黃人, 有軟性革命影子, 但目的不明確, 無可能促成巷蜀或令我城被其他國家接管, 變成只係要拖政府後腿(拒用安心, 拒打疫苗), 想達成甚麼目的就不知道了 (明顯阿爺無可能將香港趕出中國).

      //絕不能與恐怖份子談判。

      進: 大多數變成黑暴, 佢地唔似想奪取政權, 亦無可能促成巷蜀或令我城被其他國家接管, 唔知道佢地想達成甚麼目的, 有何得益.

      刪除
    4. //進: 大多數變成黑暴, 佢地唔似想奪取政權, 亦無可能促成巷蜀或令我城被其他國家接管, 唔知道佢地想達成甚麼目的, 有何得益.

      魚蛋論呱
      我得唔到既野,大家都唔可以有,大家一齊攬炒就最開心
      係唔知點解班政黨中產會覺得炒晒全香港大陸都炒唔到自己,咁天真

      刪除
    5. //係唔知點解班政黨中產會覺得炒晒全香港大陸都炒唔到自己,咁天真

      可能真係王子病公主病發作, 當童話故事 happy ending 係真嘅.

      刪除
  4. 回覆
    1. 對受害者、對社會是悲劇, 對發動自殺式襲擊(大型的就是911)的「義士」不是悲劇.

      刪除
  5. 喺FB 有線新聞見到啲留言,9成9都係黃人嘅惡毒言論,真係覺得香港好墮落。

    回覆刪除
    回覆
    1. 不只是有線新聞, 基本上所有本地新聞網頁甚至乎是警方專頁都有呢類惡毒言論留言, 請參考我對 Yau 君的回應.

      刪除
  6. 建議唔好Show "呂布" 個連結了... 條友仔痴的 (7月3日)
    無謂幫佢D歪理宣傳了。

    回覆刪除
    回覆
    1. //歪理

      我諗起以前馬鹿在標少都經常會留下:「老大(按: 即是標少)怒了!」「老大急了!」之類的既激將又是精神自瀆的留言.
      如果話「傷巷700萬市民都唔驚恐襲,只有3萬黑警驚」, 咁點先叫驚呢? 多人一起行咇叫「驚」? 徐步高伏擊並殺死梁承恩,奪去其佩槍, 於是當時警察行孖咇, 即係話「驚咗」徐步高? 咁我唔會穿金戴銀拎住舊錢四圍揚行出街, 出門前必先鎖好門窗, 那就一定是「驚」了賊人吧? 其實同兩年前黃黑跟 popo 喊話:「你地咁好裝備,梗唔夠你打. 夠膽就除低裝備同我隻揪」, 「黑警驚了市民」,所以才會帶齊傢伙出動啊! XD

      以上呢啲歪理, 在網絡上都經常見到, 甚至乎在警方網頁上都會出現, 社會上總有這些反社會的人, 不過我城就真係比較嚴重, 好多黃人都有呢種傾向.

      回顧黑暴最烈之時, 對持不同政見,表達了反黃黑立場,甚至舉了手機拍攝的人及商戶, 都被黑暴行使私刑, 私了裝修縱火恐嚇搶手機等, 不認同黃黑的人才是「驚」, 「言論自由」也只會在黃黑圈內存在. 黃黑口口聲聲說老共是極權, 還真是諷刺呢. 當然, popo 當時的不作為, 未能保障市民安全, 維護社會安寧; 如果是自己無能力控制場面, 卻又不求援,也是其失職之處.

      其實,「黑警」驚唔驚我就唔知, 但衰蟻員紛紛請辭,「驚」宣誓會「有後果」(最多都係坐監啫!), 仲有大量首觸流亡, 呢啲就係以行動證明了乜嘢叫「驚」了.

      //建議唔好Show "呂布" 個連結了...

      PS. 之前都有網友提出過, 咁我從善如流吧.

      刪除
    2. 謝謝。同時十分認同以上回應。

      學新局長所講,黃黑"本末倒置"
      中資銀行,小市民被黃黑私了襲擊又唔講。
      又話黑警濫捕,大把小黃人上到法庭認罪,又認自己智力有問題又唔講。^_^

      刪除
    3. 我發現大部份黃人都係得把口(包括公文袋、白鴿), 成日搵藉口想唔駛坐或減刑. 反而最「慷慨就義」的是爛民連, 即長毛、黃浩銘佢地.

      刪除
    4. 長毛係托派,信不斷革命,世界革命...最後達至無國界共慘,仲會話蝗共唔夠共慘嘅人,所以一般佢都唔會同啲本土派一齊走去發癲,雨傘佔中個陣就已經好唔妥大家。有些少理想嘅人同一班貪威識食,或者郁下就插人嘅,始終有些許分別嘅。

      刪除
    5. //有些少理想嘅人同一班貪威識食,或者郁下就插人嘅,始終有些許分別嘅。

      長毛係可敬的對手 XD

      刪除
  7. 記得以前七一,反政府人士都是「行禮如儀」,遊行後就是拗人數。去年魔術師兄寫了個劇,今年回歸寫政論。


    // 他過往沒有被捕或者精神病記錄。

    這不代表他沒有精神病或沒有犯罪。


    // 反而於2001年頒了個大子宮水蓋給楊光光

    「大子宮」令我笑到噴飯!
    政府頒的高級荷蘭水蓋大部份不是受市民認同,而只是對公務員及政商界酬庸。


    // 有組織罪案及三合會調查科署理總警司何振東:「七月一日凌晨所發生的縱火案,再加上星期四晚在銅鑼灣發生的企圖謀殺案,正正印證了社會上仍有一小撮死心不息、冥頑不靈的暴力人士,往往想趁喜慶日子進行襲擊、造成恐慌,傷害香港社會、香港市民。」

    相信這「一小撮」比政府估計多。


    // 對黃黑來說就是「莫謂言之不預」也。

    嘩,這詞在大陸政治詞彙中是最嚴重的警告,差一步就開戰。


    // 「文字獄」由毒果臘腸呢類黃霉講出嚟,真係難聽過粗口。

    沒有地盤宣傳、誤導,當然是文字獄了。:D
    英國殖民地年代,日日都是文字獄。


    // 醫管局「前線醫生聯盟」解散
    // 醫學界組織「杏林覺醒」宣布解散。

    不知是否收到消息要整頓醫護界?是否包括「義務急救員」? :D

    回覆刪除
    回覆
    1. //去年魔術師兄寫了個劇,今年回歸寫政論。//

      哈哈, 原來上年個劇都幾好睇:

      一年容易又七一(2020)

      //相信這「一小撮」比政府估計多。

      隨時唔止200萬+1.

      //這詞在大陸政治詞彙中是最嚴重的警告,差一步就開戰。

      認真可能會輸, 但唔認真就一定輸. 對黃C黑暴真的要來真格, 否則呢班人就只會耍賴皮.

      //不知是否收到消息要整頓醫護界?

      係就好!

      刪除
    2. //不知是否收到消息要整頓醫護界?

      其實可能係都唔定,因為最近d政府專家講野好似正常左
      不停叫人打疫苗

      刪除
    3. //政府專家講野好似正常左

      班黃醫少咗好多批評呢樣嗰樣係真嘅.

      刪除
    4. //哈哈, 原來上年個劇都幾好睇:
      一年容易又七一(2020)

      今年可以再加多個自插嗰位隱蔽初老了

      刪除
    5. 紙紮鋪受唔受餵媽奶訂單?

      刪除
  8. 911, 當時見到好震驚, 點解會有人做得出. 不過始終隔咗個海洋, 好似好遙遠嘅事
    見到銅鑼灣阿媽帶過五歲小童去悼念黑暴之死, 原來邪惡嘅事係可以好近

    回覆刪除
    回覆
    1. 我在FB見到有黃人話呢啲唔係恐襲:恐襲係無差別的傷害市民, 依家係刺殺極權政府的爪牙咁話.

      刪除
    2. 公司啲黃人多數都對呢條友表達同情,覺得為咗隊POPO而自殺...唔值得,或者話係精神病影響,之後搵到個啲嘢一定係POPO砌佢生豬肉.......跟住我發覺黃人思想好奇怪,佢哋覺得點解警察會知佢地址....然後又推展到上網做人口普查,打個名同住邊區就識得自己出完整地址,覺得好驚訝,明明都無用黑心出行,咩資料都無填過畀政府,點解會知佢哋個地址...真係天真到一個得人驚嘅地步....

      刪除
    3. 喺拉登眼中, 果d市民咪又係民主國度嘅信徒. 我咁反黃, 咪就係討厭黃人嘅強詞奪理, 喺新聞我未見過意圖殺人嘅人會被普通市民獻花

      刪除
    4. //上網做人口普查,打個名同住邊區就識得自己出完整地址,覺得好驚訝,明明都無用黑心出行,咩資料都無填過畀政府,點解會知佢哋個地址...

      乜黑心出行要人填地址嘅咩!我都收到人口普查簡易版問卷, 要在7月6日之前填好.

      //咪就係討厭黃人嘅強詞奪理, 喺新聞我未見過意圖殺人嘅人會被普通市民獻花

      反黃還反黃, 千祈要保重身體, 有時啲嘢唔好太上心. 如果對黃人的歪理太認真, 係會激到你爆血管的.

      刪除
    5. //我在FB見到有黃人話呢啲唔係恐襲:恐襲係無差別的傷害市民, 依家係刺殺極權政府的爪牙咁話.//

      法國年前有關「查理周刊」的幾單槍擊殺人/斬首案,大家都同意是恐襲。但我記得,在那些施襲者眼中,被殺的都是褻瀆伊斯蘭和穆罕默德聖人的罪人或維護他們的爪牙(即法國警察)。依據黃人以上邏輯,有關「查理周刊」的幾單案,應該都不是恐襲。

      potato

      刪除
    6. 人口普查按地址寄信,上面有個unique code,梗係一入code就會自己出地址
      我真係見唔到佢有入名就出地址咁叻

      刪除
    7. // 我在FB見到有黃人話呢啲唔係恐襲:恐襲係無差別的傷害市民, 依家係刺殺極權政府的爪牙咁話.

      香港法例第575章 《聯合國(反恐怖主義措施)條例》內,對「恐怖主義行為」有釋義如下(只列出與本案相關的)。

      (a) 除(b)段另有規定外,指作出或恐嚇作出行動,而 ——
      (i) 該行動是懷有達致以下結果的意圖而進行的,或該恐嚇是懷有作出會具有達致以下結果的效果的行動的意圖而進行的 ——
      (A) 導致針對人的嚴重暴力
      ......
      ii)該行動的作出或該恐嚇 ——
      (A)的意圖是強迫特區政府或國際組織的,或是威嚇公眾人士或部分公眾人士的;及
      (B)是為推展政治、宗教或思想上的主張而進行的;
      ......

      刪除
    8. // 我在FB見到有黃人話呢啲唔係恐襲:恐襲係無差別的傷害市民, 依家係刺殺極權政府的爪牙咁話.

      國際法上, 平民嘅對面係軍人, 唔同國家嘅軍人同軍人之間殺來殺去先唔算恐襲, 因為軍人就係"預咗殺人同被殺", 所以襲擊軍人同襲擊平民, 就係一個唔同類型嘅罪行
      也因此好多國家對軍人犯罪有另立法例, 拘捕軍人只可交由憲兵, 審訊軍人有獨立軍事法庭, 就算軍人犯嘅係盜竊打鬥等一般罪行

      但警察以至任何政府職員都唔係"預咗殺人同被殺", 所以警察都只係單純平民

      刪除
    9. //我真係見唔到佢有入名就出地址咁叻

      信封上係無名, 但入咗系統就可以相通, 鬼知你填過乜嘢資料可以俾政府 share 咩? 我記得前幾年我搬屋, 都有填過 form 話選舉事務處、稅局等可以用我新地址, 有名有身分證號碼.

      //被殺的都是褻瀆伊斯蘭和穆罕默德聖人的罪人或維護他們的爪牙(即法國警察)。依據黃人以上邏輯,有關「查理周刊」的幾單案,應該都不是恐襲。
      //對「恐怖主義行為」有釋義
      //但警察以至任何政府職員都唔係"預咗殺人同被殺", 所以警察都只係單純平民

      其實黑暴對不同政見的市民濫用私刑, 襲警恐嚇警隊等, 已經算是恐怖活動. 當時正苦又係放軟手腳, 唔識果斷定性(可能係驚咗之前話612「暴動」已經搞咗個五大素球之「撤銷暴動定性」出來), 令到黑暴勢力坐大.

      刪除
    10. 個地址交過差餉地租既, 就會當成有效地址, 跟地契上資料出信, 你想政府永遠搵您唔到, 去訓街囉
      香港人真係咁怕共產黨到知您住邊都驚?

      刪除
    11. //香港人真係咁怕共產黨到知您住邊都驚?

      對黃人來說, 行蹤是重要私隱嚟架!

      刪除
    12. 大部分嘅黃人...都對本來已經有齊佢哋資料嘅政府再拎到佢哋嘅資料...表示好擔心,但對本來無佢哋資料,唔應該拎到佢哋資料嘅某啲組織,拎到佢哋嘅資料...表示好放心....不過都擔心唔到咁多,而家好多便利,都係靠你分享個人資料先可以得到,除非你想做返山頂洞人,如果唔係你都無得唔畀個人資料㗎啦...

      刪除
    13. //本來無佢哋資料,唔應該拎到佢哋資料嘅某啲組織,拎到佢哋嘅資料...表示好放心....

      首觸就梗係講個「信」字喇!

      刪除
    14. //本來無佢哋資料,唔應該拎到佢哋資料嘅某啲組織,拎到佢哋嘅資料...表示好放心....

      摛日去咗間餐廳食嘢, 夜晚google就問你餐廳評價, 啫係google根本全日追蹤你位置, 你去過邊, 喺邊個地方停低一斷時間, 佢全部有記錄, 仲識用AI分析, 真係唔明點解"安心出行"要嘟QR code, 根本google就有齊所有人嘅行踪

      其實更誇張嘅, 之前去睇樓簽咗睇樓紙, 有落身分證號碼, 但係我留太空電話
      結果AA用我身分證號碼就搵到我屋企電話, 之後直接打屋企電話搵我

      今舖疫苗抽獎, 人人都留低全名、電話同身分證, 仲肯定唔會填假

      刪除
    15. //摛日去咗間餐廳食嘢, 夜晚google就問你餐廳評價, 啫係google根本全日追蹤你位置

      咁我又未試過. 可能我食來食去都係嗰幾間, 評無可評吧 XD

      //結果AA用我身分證號碼就搵到我屋企電話, 之後直接打屋企電話搵我

      呢個係起底行為, 可以去投訴佢喎.

      //今舖疫苗抽獎, 人人都留低全名、電話同身分證, 仲肯定唔會填假

      嘻嘻, 我又只係填咗抽樓嗰個 game.

      刪除
    16. // 真係唔明點解"安心出行"要嘟QR code, 根本google就有齊所有人嘅行踪

      因為Google不會與香港政府分享數據。

      我估只有前兩年黃黑最支持那個政府才可無限制地看Google收集的資料。

      // 結果AA用我身分證號碼就搵到我屋企電話, 之後直接打屋企電話搵我

      之前留過屋企電話給AA或相關公司?否則他怎找到?

      刪除
    17. //摛日去咗間餐廳食嘢, 夜晚google就問你餐廳評價,//

      過去個週末既經驗覺得有D恐怖

      GOOGLE 大神推佐兩樣野俾我, 顯示佐佢無所不在既大能:
      1) 一間餅店: 果日行過, 因為見佢張海報話佢拎好多獎, 企系舖前大概15秒
      2) 老麥太空也入樽推廣: 我系老麥等餐時, 系個太空也入樽開心餐小禮物展櫃前望佐陣, 都係一分鐘內既事

      唔細思都好很恐

      --Dogdogchi

      刪除
    18. //我估只有前兩年黃黑最支持那個政府才可無限制地看Google收集的資料。

      是「傷巷臨時正苦」嗎? XD

      //GOOGLE 大神推佐兩樣野俾我, 顯示佐佢無所不在既大能:

      咦? 我無遇過呢啲情況. 我好多時都是在家在 office 收到 notifications, 覺得似係跟美心/老麥/元氣 app 出的.

      我想知你地係用 iPhone 定係 Andorid 機?

      刪除
    19. 呢啲情況,多數係個咪收到你嘅說話,好似公司有個女仔成日講鄭容和,結果周圍啲人嘅iphone喪出鄭容和之類,呢啲事成日都會發生。。。。

      刪除
    20. //好似公司有個女仔成日講鄭容和,結果周圍啲人嘅iphone喪出鄭容和之類,呢啲事成日都會發生

      咁一係個「女仔」講得好大聲, 一係就係公司太靜 XD

      刪除
  9. 點解魔兄咁鍾意share o個個全職獵人既fb
    post? 掉哂維他奶真心on9過哂香港啲小學雞又冇家教,但比起獻白花個啲冷血動物又多番幾陣喜感

    回覆刪除
    回覆
    1. //點解魔兄咁鍾意share o個個全職獵人既fb post?

      因為我覺得佢黃得嚟好好笑, 同埋成日係 FB 自吹自擂話佢間 headhunt 幾咁勁, 係業界嘅 game changer, 真係幾得意的.

      刪除
    2. //呢個係起底行為, 可以去投訴佢喎.

      個AA趕住覆業主還價俾我,我嗰陣沖緊涼冇接手機,結果都經佢買咗樓,無畏投訴...XD
      其實年中大家填一大堆問卷、抽獎、區議員平價大頭相、睇樓紙、甚至銀行保險等公私營機構,經咁多人手,點知佢地冇將啲個人資料流出去,流出來源根本冇得追,實在太多
      而出面係好明顯係有個人資料賣嘅,屋企電話收到AA明確問“啊乜生,乜乜單位賣唔賣?”就知

      //我想知你地係用 iPhone 定係 Andorid 機?
      應該係android google先咁過份,Google map會將你全日行程記錄,仲用AI分你去過咩舖(停低一段時間),甚至幾時邊到去邊到係搭車(移動速度快)
      其實以前屋企枱機電腦,開google map係會show到你喺邊棟大廈,傳說係用手機gps定位附近router嘅wifi訊號,並用手機上傳router位置,咁就算用有線連router上網,都一樣知你部電腦喺邊。

      刪除
    3. //點知佢地冇將啲個人資料流出去,流出來源根本冇得追,實在太多

      嚴格來講私隱氣件講明唔係 for 初心用途係唔可以 share data 的, 所以你就搵黃蟻員影大頭相就唔可以share data 去賣林作保險(除非你 take yes 肯將 data share 出去)...

      //應該係android google先咁過份

      Apple 係相對上正氣啲的. 依家 Google 同 FB 又要脅要撤出我城了.

      Google、FB警告港府若修例針對起底 將撤出香港市場 2021-07-05 22:14:00
      【有線新聞】據報Google、Facebook和Twitter警告,如果港府繼續推動修例針對起底行為,將撤出香港市場。
      《華爾街日報》報道,包括這三間科技企業的業界組織私下去信港府,表示業界反對起底行為,但修例的條文字眼模糊,公司及員工有可能因用戶的起底行為面臨刑事調查、檢控及刑罰,形容是不合比例和不必要,憂慮將限制言論自由,甚至牽連無辜,如此唯有停止在香港提供服務。
      政制及內地事務局5月曾建議修訂《私隱條例》,起底罪行最高可判罰100萬元及監禁5年,預料可能於年底前獲通過。

      刪除
  10. //乜黑心出行要人填地址嘅咩!我都收到人口普查簡易版問卷, 要在7月6日之前填好.

    哈哈,所以覺得好奇怪,佢哋唔知點解覺得政府會唔知佢哋地址,如果唔裝黑心出行(佢哋完全無見過黑心出行係咩樣,以為要查家宅,加上好奇怪嘅新聞話安心出行洩露電郵地址,其實根本唔關個程式事)就唔知地址,咁佢哋應該一直都收唔到稅單同差餉單,張人口普查問卷更加唔會收到。另外,嘗試上網填人口普查,點知同上網book打針一樣要排隊,綠BAR中小白人喪跑,顯示要個半鐘先能夠進入預約真人上門,或網上填問卷.....最後都係用返手填好了....我對果位黃人竟然有心機等咁耐都無投訴,只係擔心政府點知佢地址,心感佩服...

    回覆刪除
    回覆
    1. //對果位黃人竟然有心機等咁耐都無投訴,只係擔心政府點知佢地址,心感佩服...

      黃人可能諗住死都要誤導正苦, 一定要俾心機, 落力啲!

      //綠BAR中小白人喪跑,顯示要個半鐘先能夠進入預約真人上門,或網上填問卷.....

      如果要等半粒鐘, 我寧願手填紙版算了, 最多被極權正苦認埋我啲字跡.

      https://www.census2021.gov.hk/tc/online_questionnaire.html#oq_01-top

      自2021年人口普查開展以來,市民十分踴躍透過網上系統填交問卷。於7月1日,市民在個別時段的輪候時間可能較長。本處已調整系統的設定,以應付更大的需求。調整後,7月2日中午開始系統運作已回復暢順

      //C10. 在2021年的上半年(即由2021年1月1日至2021年6月30日),共有多少時間在香港留宿?

      笑咗... 黃人: 呢題係咪用來 check 我有無資格拎消費劵?

      刪除
    2. 我前日上綱填問卷,幾分鐘就搞掂。

      刪除
    3. 我半夜填長好順利, 登記消費劵就慢好多.

      刪除
    4. 我用咗支付佬條link登記。。。好順利。。。我阿媽聽黃人公墓猿講用佢畀個條link登記。。。又出現小人喪跑。。。

      刪除
    5. //我阿媽聽黃人公墓猿講用佢畀個條link登記。。。又出現小人喪跑。。。

      哈哈, 我出咗新一篇喇!

      刪除
  11. Magician Yang,
    Reuters Hong Kong reported on July 2 that "Security was tight in Hong Kong on Thursday, with thousands of police officers, as well as water cannon trucks and armoured vehicles deployed across the city."
    I did not see "water cannon trucks and armoured vehicles" mentioned or shown in local HK news. Did I miss something?
    https://www.reuters.com/world/asia-pacific/hong-kong-policeman-was-stabbed-lone-wolf-attack-security-chief-2021-07-02/

    Old BJ

    回覆刪除
    回覆
    1. //I did not see "water cannon trucks and armoured vehicles" mentioned or shown in local HK news. Did I miss something?

      Me neither.

      我城傳霉, 包括黃霉, 都無報導過水炮車裝甲車出動, 我有理由相信 Reuters 呢段係故意做出來的假新聞(唔係誤報, 因為前文後理都係事實).

      刪除
    2. //我城傳霉, 包括黃霉, 都無報導過水炮車裝甲車出動
      其實电視新聞有報,不過只係去介戒備,去standby。

      刪除
    3. //电視新聞有報//
      //water cannon trucks and armoured vehicles deployed across the city//
      Thanks. "Across the city" for real?

      Old BJ

      刪除
    4. //Thanks. "Across the city" for real?
      //其實电視新聞有報,不過只係去介戒備,去standby。

      為免引起誤會, 補充返六十後的答案.

      Old BJ quote 的路邊社新聞全文如下.

      Old BJ 問「water cannon trucks and armoured vehicles deployed across the city」是否是真的. 路邊社個 context 起題同埋 news lead 都係講緊刺警案. 根據前文後理, 水炮車、裝甲車出動可以理解為發生刺警案之後, 所以我會答不是真的.

      水炮車、裝甲車出動是甚麼場面? 可以看大妓院報導如下, 時間是在 The handover anniversary 前後, 而且不是 deployed across the city, 而是在灣仔、會展一帶.

      由於路邊社係先寫刺警案, 再講water cannon trucks and armoured vehicles deployed across the city, 然後在是慶祝酒會和777講話. 時間線十分飄忽, 主語謂語亦相當誤導, 路邊社似乎是有意誤導.

      Hong Kong policeman was stabbed in "lone wolf" attack- security chief

      HONG KONG, July 2 (Reuters) - The 50-year-old man who stabbed a Hong Kong policeman on the anniversary of the city's return to Chinese rule on Thursday was a "lone wolf" who committed a terrorist act, Secretary for Security Chris Tang said.

      Police said late on Thursday they were investigating an attempted murder and suicide after a man attacked a police officer from behind at 10.05 p.m. (1405 GMT), then stabbed himself in the chest with the knife.

      The man was sent to the hospital, where he died about an hour later. The policeman, 28, sustained a 10 centimetres wound on his back and a punctured lung and underwent surgery, police said.

      Speaking to reporters early on Friday, Tang said the stabbing was a "local lone wolf terrorist attack."

      He said police searched the home of the 50-year-old, whom he did not identify, and said materials on his computer showed he was "radicalised," without providing further detail.

      Security was tight in Hong Kong on Thursday, with thousands of police officers, as well as water cannon trucks and armoured vehicles deployed across the city.

      The handover anniversary is when tens of thousands traditionally rally to protest anything from Beijing's grip on the city to unaffordable housing. Police had banned gatherings this year, citing the coronavirus.

      A national security law which Beijing imposed on Hong Kong last year in response to months of pro-democracy protests in 2019 has also discouraged people from gathering. The law punishes anything China deems as subversion, secession, terrorism and collusion with foreign forces.

      More than a dozen people were arrested for "possession of an imitation firearm, possession of an offensive weapon, desecration of the national flag, distribution of seditious publications" and other offences, according to a government statement.

      Hong Kong leader Carrie Lam, who had just returned from Beijing where she attended celebrations for the Chinese Communist Party's centenary, condemned the stabbing and the other illegal acts in a statement.

      "After going through months of riots in the second half of 2019, members of the public abhor violence and treasure very much the stability of society since the implementation of the National Security Law last year," she said.

      七一嚴防|警方灣仔出動水炮車、裝甲車 社民連抗議被警告煽動

      張曉慧報道 2021-07-01
      今日7月1日,是中共百年黨慶暨香港主權移交24周年。7月1日清晨,警方出動裝甲車及水炮車。社民連成員按往年慣例,在港府舉辦升旗禮時前往灣仔抗議。

      港府將於早上8時在灣仔金紫荊廣場舉行升旗儀式,升旗儀式結束後會在會展舉行慶祝酒會。由於特首林鄭月娥率團赴北京參與中共百年黨慶活動,新任政務司司長李家超將以署理行政長官身份主持升旗儀式及酒會。

      警方在灣仔、會展一帶嚴密佈防,出動裝甲車、水炮車。警方反恐特勤隊也在灣仔一帶巡邏。

      社民連成員每年7.1港府舉行升旗禮時都會前來抗議,今年也不例外。社民連主席黃浩銘、副秘書長陳寶瑩以及東區區議員曾健成等人7時前往灣仔家計會一帶,舉起「釋放所有政治犯 Free All Political Prisoners」橫額,以及「賀百周年」、「毋忘初心」標語。警方隨後前來抄下社民連成員身份證,並搜身。

      早上8時許,警方完成搜身、抄下身分資料後,社民連主席黃浩銘宣讀聲明。他表示,今日前來為中共百年「贈慶」,要「毋忘初心」。

      社民連成員高呼口號:「釋放所有政治犯」、「權力歸於人民」、「全部實行普選」、「人權大於政權」、「人民高於國家」等口號。警員隨即上前警告黃浩銘,不要發表任何煽動言論。

      黃浩銘表示,社民連每年七一都會有抗議活動,不解為何對於沒有危險性的示威都如此緊張。他說:「譬如現在在北京賀百周年的黨慶,竟然整個北京城、天安門各個地方把守嚴密。如果一個有自信心的政黨、政權,他們對人民有信心,人民擁戴,是不需要這麼防範的。」

      社民連在8時許開始遊行,並高呼「言論無罪」、「出版無罪」、「結社無罪」等口號。

      因主權移交而設立的金紫荊廣場一直是港人抗議的熱門地點之一。廣場中的金紫荊雕塑是由中共國務院贈予香港特區政府。在反送中運動期間,2019年8月4日,有抗爭者在金紫荊雕塑底用黑色噴漆噴上「天滅中共」、「皇天擊殺」、「光復香港」等字眼。在反送中運動中,中共五星旗也多次被抗爭者扯下燒毀。

      刪除
    5. Thanks, Magician Yang.

      Timelines in news reports are not always in chronological order. Having said that, Reuters' report was still misleading.

      It's "...港府將於早上8時在灣仔金紫荊廣場舉行升旗儀式, .......警方在灣仔、會展一帶嚴密佈防,出動裝甲車、水炮車。警方反恐特勤隊也在灣仔一帶巡邏", NOT "Security was tight in Hong Kong on Thursday (THE WHOLE DAY OF THURSDAY), with thousands of police officers, as well as water cannon trucks and armoured vehicles deployed across the city(EVERYWHERE IN THE CITY/IN MANY LOCATIONS OF THE CITY)."
      (WORDS IN BRACKETS ARE MY UNDERSTANDING OF THE REUTERS' REPORT).

      Old BJ

      刪除
    6. //Timelines in news reports are not always in chronological order.

      同意 Old BJ 的 understanding.

      News report 當然係 not necessary in chronological order. 不過以呢篇路邊社消息而言, 佢將水炮車的段落放在刺警之後, 酒會之前, 係會令讀者有錯誤聯想.

      根據大紀元, 回歸酒會是主, 水炮車裝甲車戒備為副; 如果係都要將刺警案同酒會寫埋一齊, 我就會咁 arrange:

      1. 刺警案
      2. The handover anniversary... with water cannon trucks, armoured vehicles, and police officers safeguarding Wan Chai and the nearby areas
      3. A national security law... 和之後.
      4.

      刪除
  12. //有兩名市民涉嫌違犯限聚令被票控,她們說一步出宜家傢俬,就連同另外三個不認識的市民被截查,李女士:「我為了這件事得了憂鬱症,你知道嗎?我一個月只賺7,000元,我辛辛苦苦做清潔你知道嗎?無故罰我5,000元。」吳女士:「我們兩個朋友、沒有(其他)人,現在香港政府不知變成怎樣。全部都是剛剛買、未夠10分鐘,10分鐘前出來、有證有據。」她袋裏有筷子、衣夾、馬桶鮑魚刷等。//

    哈哈,呢兩位戲子一本正經扮無辜,難得班記者又好認真咁QUOTE佢地說話。佢兩個聲稱只有兩個人,但有片影到(即時新聞, 而家搵唔返)記者訪問另一個"路過"市民時,無意中影到呢兩位戲子係後面做訪問,有一位明顯認識佢地嘅阿伯用手勢示意佢地"唔好講喇, 快D走".

    回覆刪除
    回覆
    1. //有一位明顯認識佢地嘅阿伯用手勢示意佢地"唔好講喇, 快D走"

      哈哈, 唔知點解會咁肯定係「明顯認識佢地嘅阿伯」. 就算係都唔違反四人限聚令...

      刪除
  13. //我始終不明白為何當年有人覺得放八十七枚催淚彈是過度暴力
    //當年的「同胞勿近」的確是「恐怖活動」,而特衰正苦從來無將當年的「反英抗暴」活動定性
    當年我剛好在教會開會,未射到個已經有弟兄呻吟咁嘅聲話「佢地放催淚彈,唉!」。唔放催淚彈咁學1967年D警察咁直接開槍射擊就最好啦!又或者活生生「的」入「臭格」,12條肋骨盡斷咁死番出嚟就最啱? 「反英抗暴」在阿爺心目中係「係唔適當嘅時候(要充分利用HK)做適當嘅事(打罌國仁)」,所以最後由周總理一錘定音「停手」。兼巾賊要拿來比較無問題,咁佢地就食番巷罌正苦係平定之後點打壓工聯會上下囉。都話德誠局腸派張傳單都坐2年,就以呢個標準去判啱啱拉咗個2個煽動疑犯啦!

    //唔揪得又係嘅,咁嘅情況又唔見佢出嚟幫吓口
    要呢班心吃洋水大嘅講,不如直接睇老共文宣好過

    //真係好彩冇買345
    勁,一早股價就唔見4蚊!(7月5日)

    //進: 大多數變成黑暴, 佢地唔似想奪取政權, 亦無可能促成巷蜀或令我城被其他國家接管, 唔知道佢地想達成甚麼目的, 有何得益.
    //係唔知點解班政黨中產會覺得炒晒全香港大陸都炒唔到自己,咁天真
    //可能真係王子病公主病發作, 當童話故事 happy ending 係真嘅.
    想炒冧個樓市,妄想自己可以火中取栗。特別係食阿公嘅黑5類(公墓、伊護、教棍、神棍、瀉腹),真係任從天下亂,張孔永無憂。

    //都對本來已經有齊佢哋資料嘅政府再拎到佢哋嘅資料...表示好擔心
    有無黃巾係無出世紙? 定個個都係外國出世?

    //見到銅鑼灣阿媽帶過五歲小童去悼念黑暴之死, 原來邪惡嘅事係可以好近
    幼承庭訓、薪火相傳呀! 培養下一代繼續叫人衝、自己鬆,食人血饅頭!

    WILL


    回覆刪除
    回覆
    1. //唔放催淚彈咁學1967年D警察咁直接開槍射擊就最好啦!又或者活生生「的」入「臭格」,12條肋骨盡斷咁死番出嚟就最啱?

      黃人成日無句真,又或者係成日搬龍門,妄想留言也只能姑妄聽之,誰也不代表誰。善意理解係佢地根本 formulate 唔到自己的立場同埋方向,想達成點樣嘅 final state 都唔知:「我唔知我想要乜,我淨係知自己唔想要乜。」
      綜合我睇過咁多妄民討論,大概得出的結論是:
      1. 黃人會將警察的首要責任看成是「保障市民生命安全」(小學教科書的「平面理解」),所以警察打擊匪徒(唔係「政治犯」)時身受重傷甚至晉職,都是值得敬佩的。
      2. 第1項「保障市民生命安全」是有凌駕性的,所以黃人認為正苦出動警察打擊政治事件,警察依然要站在市民(雞蛋)的一方,聽正苦(高牆)的命令就是背棄了市民。
      3. 在縮骨遮革命前,爛民連等當時較激進的組織都有衝警方防線,警方一樣照驅趕拘捕,社會回響不大,可見爛民連等人並非社會主流支持的對象,被「打壓」亦 WFC...
      4. 在縮骨遮革命時,警察驅趕拘捕的是學生、有青。一邊裝備精良,一邊只持有縮骨遮;一邊是大人,一邊是細路;畫面凌厲。傷民(尤其是中剷)特別濫情,尤其是「大蝦細,俾C餵」(例如反國教「唔好搞我個仔」),當然就激起「鋤強扶弱」的心態,認為「警察打細路」係天大的罪行。要有一個比較堅實的論述,就如打機一樣:黑警是嘍囉,特衰正苦是中頭目、殺人政權就是終極大 boss。
      5. 黃C呢種「鋤強扶弱」的心態在我之前評論九十年代周星星電影為何會風行一時的討論都講過:周的電影販賣的是「一生的狗熊,一分鐘的英雄」,窮中剷做樓奴做工資奴,欲財務自由而不可得,精神、生活壓力大,無處宣洩,只能寄情於「做一分鐘英雄」,故此周星星的電影就得到莫大的共嗚。到反修例、721,畫面都係一樣,挑起咗「一生的狗熊」條根,但現在20年後,上世紀九十年代變成廿一世紀二十年代,窮中剷變成中中剷(或高中剷),當年無咁有能力的人就演化成200萬+1、揸家長車、拒用安心、拒打疫苗,又或成為黃黑專才、甚或更有錢的就移民他方。

      //兼巾賊要拿來比較無問題,咁佢地就食番巷罌正苦係平定之後點打壓工聯會上下囉。都話德誠局腸派張傳單都坐2年,就以呢個標準去判啱啱拉咗個2個煽動疑犯啦!

      黃人拎67暴動嚟比,係「左仔得點解我地唔得」;但在那個時空, 「左仔係唔得」的, 一樣俾事頭婆班爪牙圍剿, 到97後「光復香港」, 楊光光的「恐怖活動」才被獲承認(雖然都不敢明言, 而係頒個大子宮勳章).

      由此路進, 黃人先要在今時今日被黑警圍剿先唔叫係「雙重標準」. 黃人要為首觸平反, 的確係要等到有一日「光復香港」後, 才可以嘉獎一眾火魔、廢老殺手等人喇 XD

      //想炒冧個樓市,妄想自己可以火中取栗。
      //公墓、伊護、教棍、神棍、瀉腹

      恐怕到時係有青世界, 醫護或者可以存活, 其他唔係咁專業的200萬+1 窮中剷食得C了.

      //定個個都係外國出世?

      好似天哥, 羅37等, 是在「蝗國」出世吧.

      //幼承庭訓、薪火相傳呀! 培養下一代繼續叫人衝、自己鬆

      最多十一奉獻買贖罪劵...

      刪除
    2. // 黃C呢種「鋤強扶弱」的心態在我之前評論九十年代周星星電影為何會風行一時的討論都講過:周的電影販賣的是「一生的狗熊,一分鐘的英雄」......

      分析得很好!
      「人生未做過咁有意義嘅嘢!我一定要保護班細路!」


      // 但在那個時空, 「左仔係唔得」的, 一樣俾事頭婆班爪牙圍剿, 到97後「光復香港」, 楊光光的「恐怖活動」才被獲承認(雖然都不敢明言, 而係頒個大子宮勳章).

      中下層的左派在九七後也沒甜頭,因參與六七暴動入獄的人也沒取消刑事犯罪紀錄(曾德成局長也不可以),於是有「只有辱、沒有榮」之說。由此引申,黃黑就算煲底相聚,大部份人也是像當年左派群眾一樣被遺忘。


      //公墓、伊護、教棍、神棍、瀉腹

      可增加傳媒、法律甚至航空成為八類。:D

      刪除
    3. //黃黑就算煲底相聚,大部份人也是像當年左派群眾一樣被遺忘。

      黃黑多數早婚(不言而喻), 到時可以帶埋成班抗爭寶寶出來親子.

      //公墓、伊護、教棍、神棍、瀉腹
      //可增加傳媒、法律甚至航空成為八類。

      真.黑八類!

      刪除
    4. //黃C呢種「鋤強扶弱」的心態
      唔見呢班嘢鋤過歐美扶過亞非拉。巴黎恐襲,人人掛法國國旗「我們都是法國人」;中東其他國家如叙利亞、利比亞出事就屁都唔放過。佢地只係把自己打扮成上等人,跪侍再上等嘅歐美日。

      //黃人拎67暴動嚟比,係「左仔得點解我地唔得」;但在那個時空, 「左仔係唔得」的
      攪革命嘛! 嬴就論功行賞,輸就啷噹入獄。

      //其他唔係咁專業的200萬+1 窮中剷食得C了.
      其實黃巾大概係己亥年6月16日已經忍不住表達要取代現有公墓園嘅職位。別人都打量著你的飯碗,這班黃巾公墓園還未知死。

      //好似天哥, 羅37等, 是在「蝗國」出世吧
      係喎! 不過要納投名狀,就要走得更前

      //到時可以帶埋成班抗爭寶寶出來親子
      也可以在各人家中的雪櫃、公仔頭找回各被失蹤的老人

      WILL

      刪除
    5. //佢地只係把自己打扮成上等人,跪侍再上等嘅歐美日。

      周星星的電影都係好「地道」的, 所以「鋤強扶弱」也只是在本土而言, 「唔可以搞細路」係我城的細路; 至於打國際線, 就鬼叫人地係上等人, 大愛包容到全世界. 「我們都是周星星」, 小人物好難幫到全世界了, 所以黃人咁 buy 笨土論就係咁解.

      //別人都打量著你的飯碗,這班黃巾公墓園還未知死。

      可能做得安穩嘅工作太耐, 頭腦思考都好似好簡單咁.

      刪除
  14. 睇到D獻花撚烈士撚, 又要呼喚建立外圍激進保皇黨

    呢單野其實好直接
    首先捋清楚個邏輯:
    梁姓暴徒系遺書上已說明係港獨, 反社會人士
    支持佢既人就係潛在既港獨, 反社會人士, 警方必需撤查

    網絡文宣狂推一波
    之後就直接去SOGO 拍片, 向在場警察舉報
    警察收到投訴作出相應調查好合理
    起碼都記低身份證

    呢D野唔應該係正苦出泥講 (比卡超無鬼用)
    老牌保皇黨踢都唔郁
    自己搞唔掂就掟錢出泥俾人搞

    睇下美帝幾咁明目張膽
    正苦唔係WHITE唔可以明做, 都要暗做

    --Dogdogchi

    回覆刪除
    回覆
    1. //外圍激進保皇黨
      //網絡文宣狂推一波
      //正苦唔係WHITE唔可以明做, 都要暗做

      問題係控制唔到班「外圍激進保皇黨」要適可而止, 佢地隨時同班黃人癲鬥癲,咁拉唔拉佢地好?

      好似墥棍搖當日話「(要對黃營)殺無赦」, 已經算是煽動群眾, 雖然佢唔係要顛覆政權, 就算放在今時今日應該唔算有違《國安法》, 但呢啲擦邊球真係會做壞榜樣, 容易落入黃人口實.

      兩人涉7. 2發布煽動殺警、縱火言論被捕 警指兩人沒直接關係 2021-07-04 18:54:18
      【有線新聞】兩名男女涉嫌煽惑他人謀殺及縱火罪等被捕,警方指他們涉及在網上煽動殺警及向警察建築物縱火的言論。
      該兩名26歲男子及20歲女子分別在沙田及天水圍被捕,涉嫌煽惑他人犯謀殺罪、縱火罪及煽動意圖的罪行。警方指,他們涉嫌在兩個社交平台發布鼓吹暴力的言論。網絡安全及科技罪案調查科警司譚威信:「兩個的言論都是分別在7月2日發布,其中一名煽惑其他人殺警;另外一名煽惑其他人向警察建築物縱火。是否定性唯一的恐怖襲擊,不方便在這評論。」初步調查兩人沒直接關係,至於言論具體涉及甚麼字眼、是否評論七一的案件、在甚麼社交平台發文,警方都說不方便透露。
      記者會上被追問立法會議員何君堯的言論是否構成煽動,譚威信:「每宗案件都有個別的獨特性,不能評論。」


      刪除
  15. 撞棍堯嚴格來說已經犯了公安條例。
    政府同白警應該要分清幾時用公安條例, 幾時用國安法, 國安法說白了是政治檢控來的, 公安條例夠做就唔應該用。依家開口埋口都國安法, 有d過態。

    回覆刪除
    回覆
    1. //依家開口埋口都國安法, 有d過態。

      同意。國安法是尚方寶劍, 唔應該成日拎出嚟嚇人, 咁樣只會令國安法成為黃人的嘲笑對象。

      刪除