話說魔術師６１８當日應該唔係經癲貓而係組桃姐老公桃佬 app 走入去買咗套原價約１,０００人仔的六帝錢，但係 click 錯咗 option 搞到要交跨境段運費，但係又唔醒水要交錢，ＯＮ９９等咗幾日走去問客服才知件貨停在集運倉的原因（見《我的掏寶初體驗》）。交咗錢後唔使兩日就運到我城，可以去提貨了。一開箱真係估你唔到咁精緻：
個收藏盒真係同好靚仔。最出乎意料之外的就係竟然有張真品證明卡，無花無假唔係虛（假）（銅）幣...
張卡反面就係解說五帝錢、六帝錢的作用：
順治、康熙、雍正、乾隆、嘉慶、道光是為六帝，睇落去又幾真：
隨錢幣附送的仲有麻有袋仔（俾你袋出套錢幣出街）、掛勾（俾你將套錢幣掛在家中）、求財符、銅算盤、桃木劍、（好人）一生平安福袋、同埋退貨保障卡，認真大堆頭又貼心！
＊＊＊
伸延閱讀：
其實六帝錢點用？
回覆刪除啱啱上淘寶睇，寫住話門對門要用？
我自己屋但大門對人地大門，如果要用，買真幣黎放下都好似幾好，唔掛就咁放係度唔知得唔得。
不過淘寶上好多都話真幣但又唔貴，有d信唔過
我要化今年飛到書房的五黃煞, 所以用六帝錢. 如果你係化槍煞(大門對長走廊)、開口煞(門對門), 用五帝都夠.
刪除用法是可以放在門檻下(現代住屋裝修前要搞好), 或放在屋內門框上方(唔好放室外, 對面屋見你用風水物品邪住自己, 隨時找你麻煩). 可以掛, 亦可以用 blu tack 打橫黐穩都得.
粉網 quote 李丞責呢篇講得幾好:
五帝錢化煞保平安秘笈
刪除不過淘寶上好多都話真幣但又唔貴
有啲仲話可以加厚， 但又唔註明仿製
亞力士
我呢套睇落去幾真下 😁
刪除加厚就免了，天然成份最好。
順治對上喺唔喺一個銅葫蘆？
回覆刪除五黃二黑位，搵唔到六帝（掛老太婆又怪），只有掛嗰銅葫蘆／銅鈴。
//銅葫蘆
刪除是的! 個葫蘆有啲多餘, 不過有病化病,無病當裝飾 XD
//掛老太婆又怪
要國力盛, 國泰民安的皇帝就得, 見上面 quote 李丞責.
//掛老太婆又怪
刪除//要國力盛, 國泰民安的皇帝就得, 見上面 quote 李丞責.
老太婆同道光其實都唔合格,兩個都搞到國家衰落,雖然嚴格嚟講都唔太關佢哋事....
//道光
刪除道光係開始差架喇. 應該話係乾隆之後再開始後勁不繼.
//事頭婆
如果今晚米帝羸到歐洲國家盃, football has come home, 咁仲唔係「中興」!
都只喺勾洲啫又唔喺世界，而且玩物喪志咩脫勾新冠都行埋一邊。最好輸再等多五六十年喇XD
刪除前幾日去英國中部大啲啲嘅城市（好似有唔少5+1去），死氣沉沉污糟邋遢可能仲衰過蝗國嘅二三綫城市。
嘉道中衰，老太婆同道光差唔多level啦，倒不如用維多利亞或伊利沙伯一世（都喺女嘅？）
刪除//最好輸再等多五六十年喇XD
好嘢！米帝射輸十二碼！Football did not come home, follball has gone to Rome!
唔使聽班傷民自 high，與有榮焉了！
成日想趁主場贏冠軍，門口狗心態唔要得；贏咗一球就想守到尾，不思進取；最抵死就係換人舉棋不定，最後幾分鐘入嚟身都未熱好就射，最後又搵個新仔射，真係諗唔明！
//唔使聽班傷民自 high，與有榮焉了！
刪除聽成班友係咁哭喪都唔好得去邊.....
//聽成班友係咁哭喪都唔好得去邊.....
刪除呢個咪係戀殖的證據囉...人地係嬰國國民就話啫, 傷民只係殖民地, 如果唔戀殖, 班球迷點會好似死老豆咁?
鄰居嘈到死，把心一橫索性去office做工資奴，做埋第二日嘅嘢XD。今朝有鬼婆原本要in夠膽死話唔舒服要delay，真喺想講delay no more, next! XD 但喺老細話要同情地理解喎
刪除//但喺老細話要同情地理解喎
刪除哈哈,本來以為贏咗波「東主有喜」全國會放假一天, 點知輸波做白事都有「哭喪假」放 XD
//鄰居嘈到死，把心一橫索性去office做工資奴，做埋第二日嘅嘢XD。今朝有鬼婆原本要in夠膽死話唔舒服要delay，真喺想講delay no more, next! XD 但喺老細話要同情地理解喎
刪除而家啲人好變態,完全feel唔到市道差...個個好似唔憂無工做咁,第一日返工,坐係前排,已經夠膽舉高部機打手遊,睇韓星直播,煲劇....夠膽阿姐吩咐佢做呢樣,話悶,唔肯做,叫阿姐畀其他嘢佢做.....更經典係,有位同事好心,行過個陣提醒啲新人玩手機,還玩手機,唔好咁明目張膽,佢哋竟然直接向人事部投訴嗰位同事,話嗰位同事整佢哋....然後人事部重重追撃,由大老闆一路壓返落我阿姐到....仲有另一位同事,聽從阿姐吩咐,安排啲新人做嘢,點知啲新人唔高興,又走去人事部投訴話嗰位同事揸住雞毛當令箭,搞到啲大佬,同阿姐...一身蟻.......
//夠膽阿姐吩咐佢做呢樣,話悶,唔肯做,叫阿姐畀其他嘢佢做.....更經典係,有位同事好心,行過個陣提醒啲新人玩手機,還玩手機,唔好咁明目張膽,佢哋竟然直接向人事部投訴嗰位同事,話嗰位同事整佢哋....
刪除你公司咁正, 可以下剋上, 都幾啱我去做 XD
//本來以為贏咗波「東主有喜」全國會放假一天
刪除當時睇到呢則新聞 真喺好笑，好似一定贏硬咁嘅款。啲洋腸有時真喺自信爆棚得可愛唔喺常人能理解。
//點知輸波做白事都有「哭喪假」
下年轆死試吓喺辦公室窗前點蠟燭再話傷心過度要放假，唔得就投訴阿嬋效應正字打鴨XD
//The petition, set up by Lee Jones, reads: “Sunday 8pm is a difficult time for families to plan to be together for the event – knowing we have an additional day off the next day would significantly help this.
刪除笑咗。可能華人怕醜怕瘀怕無面，凡事都諗言度過，唔會講啲太唔 make sense 的事情出來；反而洋腸文化是 no big deal，唔怕俾人笑，仲會自己笑埋一份。
要國力盛, 國泰民安的皇帝就得, 見上面 quote 李丞責.
刪除照咁講， 康雍乾 × 2 好似仲好
亞力士
可能前事頭婆幣，年輕時米帝仲係船堅炮利的時代都得。
刪除五黃二黑位，我只係用7個 女皇頭5毛 黎化咋！
回覆刪除點解要用5毛? 貪「意頭好」咩?
刪除點解要用7粒? 一六共宗水? 咁要跟河圖數一陽六陰咁放, 六隻細圍住一隻大.
5毛是銅錢 5黃蜀土 7金泄左土氣
刪除洩土氣通常用六喎. 六為乾, 又係財星, 夠哂正氣. 七有金戈煞氣, 不吉.
刪除成千蚊套六帝錢?! 不愧是你 !!
回覆刪除我淘佬睇下, 間野居然"月銷25件" ?! .....貧窮限制佐我對物價既認知
--Dogdogchi
哈哈, 唔需要揮霍無度, 但想花錢的時候唔需要吓吓左度右度, 應洗就可以洗, 呢啲就叫「財務自由」的狀態 XD
刪除