與Ｓ對話

日前跟同事Ｓ在 Whatsapp 閒聊，講吓佢搞移民楓葉國的 status update，點知佢忽然間問「無糧單可唔可以做按揭？」，魔術師即時就俾佢辣着：

事關魔術師多年以來 on and off 都教識咗 Ｓ 唔少投資知識，點知佢果然係「唔燒到埋身就唔理」的巷豬，買咗層巷樓（依家好似估價「只係得」６００幾萬），結婚生仔就無再暸解過任何財技，乜都唔理儲埋一舊錢幾年前又買咗層楓葉樓，「坐係度發達」。真係鬼叫Ｓ有父幹年輕時送過去讀書，相比之下魔術師只能靠自己，「恨都恨唔到咁多」。

Ｓ講到要收「被動收入」，好大可能都係移咗過去之後留返層巷樓做收租仔，以免自己太老搵唔到嘢做要食穀種；結果就走嚟八掛魔術師啲暴大舊同學同埋中同的去向。事實上暴大舊生會都有部分人走，但都有大部分留巷做黃Ｃ（物理系畢業多數都係教書喇！）；中同就藍黃分明，少部分黃嘅就走咗，走去邊魔術師就真係 can't care less。

講返Ｓ，送得個仔去間會有２０＋老Ｃ辭職的學校讀書，真係唔話佢係黃家長都唔得喇！

Ｓ唔鍾意正苦係因為「正苦成日搬龍門」，其實好多時正苦係因係太因循，無魄力追上時代作改變，吓吓諗住 business as usual（BAU），remain status quo 得過且過就算，最顯淺的例子就係最初「無謂衝」帶領 popo 以「只驅散不拘捕」的做法去應對黑暴，間接助長了對方的氣燄。依家只係「撥亂反正」而已（不諱言有些情況是矯枉過正）。

Ｓ有自由唔鍾意政府，但之後佢嗰兩句就真係激到魔術師彈起。讀書搵份好工作都算是「既得利益者」？魔術師都有朋友創業自己做老闆啫！條條大道通羅馬。乜唔係仲話依家 Fintech 對有青創業有利咩？

第二句就係原來無得做「無間道」好慘！魔術師真係枱都拍爛！

無得睇黃色電影唱黃色歌曲就咁不滿，Ｓ仲話自己唔係黃，其實就係深黃，又諗起佢話自己「心術律不正」唔想打疫苗，到公司要谷針佢先死死地氣去打，真係講到魔術師火都嚟。魔術師的理解是學生不能唱《榮光》，無得播《理大圍城》歌頌黑暴，然而Ｓ丟出來的是《銀河修理員》...

老實講，魔術師睇完歌詞的上文下理，那些「殘破世界令人學成」、「修修補補亂世中」、「祝你在亂流下平安 」、「形勢壞透只好對抗 」、「這亂世未必可修理好」最多只能係話比較「含蓄」，「殘破世界」、「亂世」、「亂流」甚至可以指量化寬鬆、地緣政治、樁尾角力、科技革新，「年輕人難向上流，找不到方向」，而「堅持對抗」也可以是正面面對現實挑戰（可能係魔術師睇得太多恐怖片斬殺片，主角都係要同殺人魔對抗）。

平情而論魔術師就睇唔出呢首係「革命歌曲」，就連正苦也無點名批評，只係某中學可能「自我審查（或擦鞋？）」過了火位而已。既然無官方評論，Ｓ拎呢首歌出來講話「無自由」就有啲不倫不類，比喻失當，不過魔術師當時已經火起上頭，廢事教精佢。

同情地理解，以７７７腔話齋，魔術師識咗Ｓ咁多年，Ｓ一向都係一隻「不問世事，人云亦云」不會真正獨立思考的「既得利益者」，其實有青要打倒都係包括呢類巷豬，Ｓ隨時入咗黃營俾人食咗都唔知。

曲：Howie @ Dear Jane 

詞：黃偉文

編：Dear Jane / 黃兆銘

監：Howie@Dear Jane / Tim@Dear Jane 

除了會痛一切都美好 

除了挫折面前仍有路 

除了厭世總有某些　修補可以做 

殘破世界令人學成　悲觀中找鼓舞 

來紓減身邊恐怖 

能照料你日子都不算糟 

儘量去彌補　難逃那煩惱 

修修補補亂世中　一起蒼老   

沿途在　修理著熄了的曙光   

祝你在亂流下平安 

真愛是任何形狀 

對付百孔千瘡 

誰能望穿我 

這種堅壯非堅壯 

形勢壞透只好對抗 

由我硬撑著　使你心安 

誰也破了等某位去補 

而你有我保養和愛慕 

縫了再破穿了再補 

這亂世未必可修理好 

絕望裡樂觀　亦是個情操  

東歪西倒但至少　牽手偕老 

沿途在　修理著熄了的曙光   

祝你在亂流下平安 

真愛是任何形狀 

對付百孔千瘡 

誰能望穿我 

這種堅壯非堅壯 

形勢壞透只好對抗 

由我硬撑著　使你心安 

漂亮的天真魯莽 

若被推倒可再裝 

巨匠的手不怕骯髒 

貼著膠紙都俊朗 

盡是補釘都發光 

結局再破爛同奔往 

銀河上　邊跌宕邊看緊對方 

跨宇宙又橫越洪荒 

不怕在盡頭無岸 

遠近我都護航 

還能互安慰 

不必天氣多清朗 

狂雨暴雪一起對抗 

任歲月再壞　不致心慌 

＊＊＊

伸延閱讀：

據報元朗信義中學學生唱銀河修理員被記大過　學生會稱政治歌被禁唱　校長拒回應 2021-07-08 18:43:30

【有線新聞】元朗信義中學有學生在歌唱比賽唱流行曲《銀河修理員》，歌詞涉及「亂流」、「對抗」等字眼，學生之後被訓示，有報道指他們被記大過。

元朗信義中學兩個學生在校內歌唱比賽唱了這首樂隊DEAR JANE的《銀河修理員》，有學生會成員指校方不准唱情歌、政治歌，改歌詞才可以唱。元朗信義中學學生會成員Louis：「『祝你在亂流下平安』改成『祝你在疫情下平安』，到真正唱的時候，就唱回『祝你在亂流下平安』。我記得其中一個人最後説了一句『香港人加油』，最後就被取消資格了。那時（校方）說，這兩位同學我們遲些再作另行處理。」

有報道指兩個學生被記大過，我們聯絡過校長尹浩然，他拒絕回應事件。教育局說，正向學校了解事件，提供適切的專業意見，重申學校是學習的地方，不應該作為表達政治訴求的場地。

藝發局停資助《理大圍城》發行商：電影美化暴動　涉款逾76萬　影意志：繼續依法推動獨立電影 2021-07-02 12:29:21

【有線新聞】藝發局決定不再向電影《理大圍城》的發行商影意志發放未來一年資助，藝發局主席王英偉認為電影讓人覺得「美化暴動」。影意志藝術總監崔允信指，不論有沒有資助，會繼續跟據法例放映及推動獨立電影。

《理大圍城》由多位匿名的紀錄片工作者製作，記錄前年理工大學衝突中示威者的心理掙扎，例如中學校長帶部分示威者離開理大時，有示威者指罵他們。年初曾經被《文匯報》批評煽動危害國家安全及仇警，高先電影院原訂3月放映，但因為「受到高度關注」而取消。

電影的發行商影意志原本獲得藝發局為期三年的營運撥款，每年有逾76.8萬元，惟藝發局決定不發放餘下一年的資助。藝發局主席王英偉說是評審委員會、撥款委員會及藝發局大會一同決定，「我們希望不要讓別人覺得創作有美化暴動、分裂或顛覆國家政權的用意，通常評審一定看過（《理大圍城》），即使沒看整套紀錄片，也會看很多評論。」

是否日後以反修例事件或政治為創作題材的藝術團體均不會獲資助？王英偉說要視乎作品會否有機會犯法：「如果你覺得有這個危險，你要自己去創作便是你的決定，但如果你要用政府的資助，政府一定會要求你跟從政府規條、規限。」

據了解影意志已收到藝發局通知，董事會下周開會商討對策，本月的放映會如常舉行。