睇電視都要講私隱

上世紀流行鑽石廳的設計，為的是唔好窗望窗，扑嘢時唔好俾對面屋見到，但室內擺傢俬就真係考起人，搞到３個人住６００呎多啲都要住到好似擠逼戶咁（３６：４６—４７：４６）：

樓盤傳真 2021/06/19 2021/06/19 22:20

二手樓價愈升愈有，直迫歷史高位。惟回顧首半年二手樓市，以十大屋苑為例，已錄近 2,000 宗成交，下半年還有足夠購買力，支持樓價繼續上升嗎？另特色戶造價不凡，不過開則不一定實用，怎樣的空間布局才算合理？

屯馬綫即將通車，區內業主憧憬交通改善會推動樓價超越大市，普遍以高溢價放盤，包括今集的放盤 390 呎的兩房戶。

成為全城熱話的「打針獎品」，觀塘重建盤凱滙盡收宣傳效果。帶大家驗收單位質素、參觀屋苑設施，評估物業質素。

修正鑽石廳，靠一個新款式的電視櫃。並不是標準款式，藉靠新世代薄身電視，訂造成長椅與電視牆二合為一的家具，具備特色，豐富視覺效果。

唔知係咪間屋真係無嘢好講，阿切雞Ｃ今次就講咗大半集點樣用色，點樣「唔悶」，真係聽落都覺得悶，亦唔見有乜創意：

黃埔花園６１４呎，兩夫婦同阿囡睇怕都住咗好耐，雜物堆滿屋，要搵切雞Ｃ來幫手再規劃（左上、右上）。切雞Ｃ就首先要解決鑽石廳難擺傢俬的問題，將原來的客飯廳對調，訂造電視櫃（左中、右中），櫃背係長椅對住飯枱同落地大窗，無得睇住 Mirror 送飯之餘仲要俾對面樓睇到自己依緊飯（左下）；反而去到客廳乖乖地睇電視時才要「保障私隱」（右下），戶主究竟要睇乜嘢電視節目？認真耐人尋味。

切雞Ｃ在入門口旁邊的牆上整色整水，整咗幾粒鈕扣狀的掛勾給戶主掛衫掛袋（左上），而門口的另一端就係懶型格、得條燈槽的黑色廚房（右上），但咁黑又點煮食呢？開哂燈之後當堂唔同哂，又變返普通廚房一個，好處係切雞Ｃ改咗間格變Ｕ型枱面，實用咗好多，仲可以放埋蒸焗爐同埋懶人恩物洗碗碟機（左中、右中）。但切雞Ｃ的正常發揮就到此為止，畢竟客飯調轉咗，拎飯餸出飯枱就要行多一大段路，仲要無端端整張好似兩片八月十五咁嘅矮凳，踢中隨時仆死（左下）。講完廳就要入房，走廊門是隱藏式收在條子牆身之後（右下）：

客次以簡約設計，企缸就連浴屏都無裝，重點反而是馬桶前方的黑色六角型地磚，切雞Ｃ話（如次時？）可以唔使咁悶咁話（左上、右上）。由於廚房放咗洗碗碟機，切雞Ｃ便在客次偷位，縮了企缸留位做「洗衣房」（其實只係用來擺洗衣機），客次的另一邊也偷位做了 display 櫃（左中、右中）。客次的對面就係阿囡房，阿囡應該都開始大，但竟然仲要訓上格床，下格用來做書枱，完全會影響發育（左下）；另外就係無乜花巧的到頂衣櫃，成間房又白又粉紅，望得耐會覺得自己有精神病（右下）：

切雞Ｃ周圍偷位，在主人房對出又間出了一間窄窄的儲物室，用地台設計，上面就放唔到重物了（左上）。然後切雞Ｃ又 proudly present 話要經衣帽間才會到主次，乾濕分離咁話（右上）。衣帽間係點就無影到，主次就走黑色型格路線，白色假天花，到花紋磚，再到黑色地磚，有漸變效果，不過清理污垢就要考眼力了（左中、右中）。主次馬桶疑似用上電動次板，無收好的應該是電線而唔係水喉吧（左下）？最後切雞Ｃ斬多幾兩要戶主買埋炭黑色的潔具，真係唔得佢死（右下）。

周圍都咁型，最唔型就係主人房，想三邊落床都唔得，床尾得部電視，正是「房徒四壁」（左上、右上）。上落床的踏腳位是地台櫃（左中），隔離就是小小的「書房」，以條子玻璃與大床分隔（右中）。不過成間房連正規啲嘅辦公桌和椅都無，反而有張「水床」狀的 cushion 凳，啱哂記者妹用嚟 show 吓長腿用（左下、右下）：

＊＊＊

非有線用戶亦可欣賞精華版：