水電鋪的貓仔（十九）暨貓店長（四）

水電貓神隠咗大半年，只係間唔時見佢伏在鋪頭內的暗角嘆冷氣睡懶覺，想影張相都唔得；這天唔知點解竟然唔怕熱走咗出嚟，眼神依然係咁凌厲，梗係要影返張相同各位粉絲報吓平安喇！

＊＊＊

天氣咁熱，最好就訓吓晏覺，呢隻噹噹士多貓都係咁話...呵欠～～～

另一隻就攤係鋪內發呆：

難得呢張相見哂三隻士多貓：

藥材貓就又乖又馴，在不同的日子都好似「溶咗」咁攤透吓接吓地氣，姿勢只係伸左手定係右手出嚟：

又或者兩者手都收埋：

魔術師伸手去拍吓佢個頭仔，佢就碌大對眼眼望望：

拍得一次就拍第二次，今次藥材坐定定唔郁，仲喵咗魔術師一聲添！