千二呎的羅密歐與茱麗葉

早前有新聞話兩公婆為申請消費劵的平台而大打出手，老婆仲斬傷老公添！裝一次修動輒過百萬，要點樣嘅設計先可以免卻到爭執呢（３７：１５ — ４７：１０）？

樓盤傳真 2021/06/26　2021/06/26 22:13

啟德前跑道區首個新盤維港 1 號，首批 212 伙折實呎價 22,997 元，低於同區兩個月前新盤 13% ，低開原因為何？另樓盤現時三面環海，但日後附近住宅項目逐一落成後，景觀方面會有何變化？

暑假加上疫情帶來的 Staycation 需求，如果投資長洲度假屋，有兩種方式，其一是買入再出租，其二是「租上租」以賺取差額，成本及回報如何？以「二房東」身份出租單位，又須具備哪些法律文件？

尖沙咀罕有新盤，恒地德成街單幢盤本木，發展商慢慢逐小銷售，對加價升值發展頗有信心。惟驗樓單位浴室遇上嚴重漏水問題，已入伙單位要自行測試留意，貨尾單位亦須謹慎監督工程。〈裝修解密〉教大家自助更換門鎖的小秘訣。

型格與優雅要並存，設計師在較男性化的音響、模型周邊，以女戶主喜愛的淡雅色系配搭，有助整體印象取得平衡。

＊＊＊

今次一對同居情侶住差唔多１,２００呎的馬鞍山新樓峻源，又唔需要理會四大長老，姑勿論佢地係新傷巷人、做生意、定係有父幹，總之就係唔使左偷位右偷位住到好似擠逼戶咁。人均面積有５００幾６００呎要平衡各自所需話都無咁易，咁先係 quality of life 吖麻！

同居小情侶「未有」生育計劃（左上、右上），切雞Ｃ話好簡單要平衡男女戶主各自生活所需（左中），其實都係暗中就住女戶主：就係唔俾男戶主包小三嘞！唔知切雞Ｃ係識風水定係Ｘ忽墥棍，竟然識得將單位原裝、風水上代表二奶的小掩門封起（右中），令玄關可以設置鞋櫃、展示櫃（左下、右下）：

設計單位面積夠大，露台望赤門海峽（左上、右上），廳的另一邊望馬鞍山，景觀優質。切雞Ｃ無乜 value 可以 add，便說以燈光呀、物料形狀呀、材質呀打造一些較「中性化」的設計來平衡男女戶主所需（左中、右中），至於雲石、黑鋼、同木皮跟「中性」有乜關係（左下），魔術師就不得而知。反而切雞Ｃ宣稱避免太男性化的感覺，棄用音響架，改為訂做電視櫃，只要加固支撐便可以承受音響器材的重量（右下）。但那些層板是釘死的，即是說日後換部厚啲高身啲嘅擴音機之類會有困難，魔術師自己就最唔鍾意呢類唔 flexible 的設計：

切雞Ｃ將原來的三房改成兩房，縮短走廊（左上、右上），主人房得以擴大，但唔知點解係都要將窗台變成梳妝枱（左下、右下）：

主人房床尾的電視牆以懸空設計（左上），後面就係「衣帽間」，其實即係衣櫃（右上），另一邊就係展示櫃俾女戶主 show off 吓啲包包（左下）。由於只有兩個人住，唔需要「私隱」，馬桶可以對住浴缸，隔住塊玻璃一面沖涼睇住另一半便便，感覺十分安心，只要記者妹身後那扇窗不是屬於隔離單位就無問題（右下）：

切雞Ｃ將另一間客房變成男戶主的模型房，玻璃櫃內放滿了代表外國勢力的超級英雄手辦模型（左上、右上）。有理由相信戶主會有親戚朋友上來作客，故此切雞Ｃ亦造了一道掩門遮蔽模型櫃，唔可表現得太過 kidult（左中）。女戶主唔係一般巷女，係「煮得之人」（右中），但來來去去都只是煮俾老公豬食卻未免太單調。總之顧客永遠是對的，切雞Ｃ便擴闊了廚房枱面和加添可以彈出彈入的儲物架，兩小口煮得開心就話之佢。

＊＊＊

精華版：

＊＊＊

伸延閱讀：

為登記消費券嘈交 元朗婦涉持刀斬傷夫手指被捕

2021-07-04 18:28

政府推出的電子消費券引發家庭血案，一對夫婦因為消費券登記問題爭吵，其後妻子涉嫌持刀割傷丈夫被捕。

下午1時許，元朗十八鄉路138號翹翠峰一座，警方接獲47歲男子報案，指在家中遭割傷手指。救護員到場為男傷者初步包紮再送往博愛醫院治理。警員經調查後，以涉嫌傷人拘捕47歲女子，正進一步調查事件。

消息指，涉事夫婦在事發時正討論消費券登記事宜，疑因未能達成共識引發口角，妻子懷疑入廚房取刀傷人。

政府呼籲市民無須急於在今明兩天登記，在未來兩星期即7月17日或之前完成的電子登記，均會同步在8月1日收到第一期消費券。