2021年7月25日 星期日

傳霉是要管的?

重提修例風波 林鄭否認屬錯誤決定 稱反抗的人欠警隊一個道歉 或立例規管媒體報道方式 2021-07-23 13:46:46

【有線新聞】前年政府撤回修訂《逃犯條例》,特首林鄭月娥指,至今都不認為當初提出修例是錯。對於當時她的一段認錯錄音被公開,林鄭月娥再次對事件表示不滿,指可能要立例規管媒體行為。

修訂《逃犯條例》引起一連串風波,事隔兩年,特首林鄭月娥指當年推動修例的錯在於公關工作不足,「我不認為它是個錯誤決定去推動修訂《逃犯條例》,我們向人們宣傳及解說做得不好,然後給予了另一些人一個漏洞,我已為解說得不好負責。」

路透社當時獲得一段錄音,指林鄭月娥與商界會面時說自己犯了不能原諒的錯。林鄭月娥:「那是個閉門會議,我不是說閉門會議說的是謊話,但公開錄音顯示了一些媒體的誠信及道德。(它是由一些在場的人提供給媒體。)媒體不應報道那種方式得來的東西。(為何不應?你是關乎公眾利益的人,這是關於透明度。)我現時更了解媒體運作。(當我們獲發一些東西)不查證?(它是個錄音,它不是非法,以我所知沒有犯法。)也許需要在此基礎上引入一項法律。」

她又指反修例時警方受到不公平對待,「那些同情暴徒的人以及反抗或與警方對立的人,我認為他們欠警隊一個道歉。」

她否認自己用警隊回應政治問題,說當時示威者擲磚、縱火等是治安問題,並非政治問題,強調不能以對政府的不滿合理化暴力行為。

777有時真係好難幫得落,佢臨場無稿的應對真係好唔掂。首先,魔術師係贊成規管假新聞,包括無中生有、唔係報導事實、或斷章取義等,好似陳健康咁「俾錢買新聞」亦係有虧傳媒操守。但如果係777跟別人的閉門會議,被人錄咗音再公佈出來,除非777有證據證明係有媒體「賄賂」在場人士錄音,否則有虧「誠信及道德」的就是那位擅自錄音的在場人士(除非預先許可,否則閉門會議通常禁止錄音做紀錄),而不是傳霉。老實說傳霉無需要呵住你777的,只要係報導事實,持平沒有斷章取義就無問題。

依家件事好似係777自己爆響口話「修例係做錯咗」,有人爆咗段錄音出嚟,令佢難堪就係「傳霉不道德」,要立法規管。777。做咗咁多年官都唔知傳霉點運作,只係顯得777依然未能「經一事長一智」。你睇吓哈里仔兩公婆周圍唱,「家醜必出外傳」,事頭婆都要忍氣吞聲,就知唔係「有唔鍾意就話要立法規管」咁簡單喇!

***

講到傳霉的誠信問題,魔術師真係比較 old school,總係覺得正統傳媒唔應該以呃 like 呃 hit rate 為生。紙媒不可能靠呃 like 呃 hit rate,收都係靠谷銷量賣廣告;但現在妄霉多如雨後春筍,妄民文章質素參差,遊走於傳統新聞、advertorial、標題黨、內容農場之間,只會令人嫌惡。要提高霉體質素,「靠自律」幾乎是不可能的事。

就好似以下例子咁,FB多廣告雖然己是常識,但 click 入去可唔可以俾返篇正常啲嘅文章讀者睇呢?

第1位. 香港01系

01真係愈來愈唔似樣,平時已經係愈來愈多內容農場式東拚西湊或求其幾句就當成係副刊文章(例如呢篇「影評」)。呢條 FB 標題黨預咗 click 入咗會係廣告或者係 Youtube 片,但點知竟然條 link 去要你裝 app,魔術師即場就在心中講咗句粗口。

第2位. 好友日報系

好友日報旗下的衛星霉體真係多不勝數,其實又點會有咁多原創文章呢?還不又是內容農場式東拚西湊。而最令魔術師感到嫌惡的,就是好好地可以用字寫出來的文章,卻偏要把字打入圖片內再貼出。每幅圖得幾隻字,無所不用其極地去呃 click,也不理會 search engine 找不到圖內的字,讀者也沒法 copy and past。總之就係 click rate 已呃,話之你死。

第3位:殷實商人系

相比之下,呢類要人 click 多下才能「閱讀全文」的傳統呃 click 方式,又真係老實得太可愛了!

***

伸延閱讀:

26 則留言:

  1. //你睇吓哈里仔兩公婆周圍唱,「家醜必出外傳」,事頭婆都要忍氣吞聲
    蝦你仔快要出書吸金,有傳會出幾本,老太婆及周邊嘅人(傳之後幾本等老太婆賓天先出喎)有排震喇XD

    回覆刪除
    回覆
    1. //有傳會出幾本

      條 link 一click 入去就叫我 register, 有無搞錯 XD

      //傳之後幾本等老太婆賓天先出喎

      老太婆睇怕有生之年都見唔到 football comes home,依家隨時連現代被哈利痌突都等唔到.

      刪除
    2. //條 link 一click 入去就叫我 register, 有無搞錯 XD
      哈哈sorry,以為唔想用啲小報,點知大啲啲報要register,咁啱就對應呢篇主題嘅例子XD

      咁做睇呢個喇 ,不過有唔少廣告XD

      There is concern that the release of one of the books is reportedly due to come after the death of the Queen, which could hamper the ‘transition’ – a process that began several years ago to prepare the country slowly for the succession.

      該燴囉,人都未C就要鋪定條路俾呀囝囝(或孫?)不過都睇得出米帝喺擅長埋線(or雷),喺陰沉啲。

      Harry’s lawyers have said the claim that he is waiting for his grandmother to pass away before releasing one of the books is ‘false and defamatory’.

      Penguin Random House, the publishing house that has agreed a deal reportedly worth at least £18 million, declined to comment.

      咁就一兩個億,梗喺出喇XD

      刪除
    3. //對應呢篇主題
      //Harry’s lawyers have said the claim that he is waiting for his grandmother to pass away

      黃霉斷章取義應該就只係拎呢句... XD

      刪除
  2. // 依家件事好似係777自己爆響口話「修例係做錯咗」,有人爆咗段錄音出嚟,令佢難堪就係「傳霉不道德」,要立法規管
    傳霉老作屈你, 就話要管啫. 你自己爆響口有講過, 你自己唔檢討, 而掉轉黎管人, 仲唔俾人特首有特權嘅感覺咩. 呢啲就係權力嘅後遺症⋯⋯

    回覆刪除
    回覆
    1. //仲唔俾人特首有特權嘅感覺咩. 呢啲就係權力嘅後遺症⋯⋯

      又係唔知忠唔忠誠的「廢物」的例子了.

      刪除
    2. 「傳霉不姓黨,就要管」是老共一貫思維。在現時北京的「一國兩制」解讀下,特首其實只向中央負責,緊跟老共思維,一定不會錯。香港市民的感覺根本無關宏旨。鞋!

      potato

      刪除
    3. //俾人特首有特權嘅感覺咩

      其實唔係「特權」, 而係「人治」. 就算係大陸, 都唔會有「你令我難堪, 我就立條例來管你」的情況吧?

      //香港市民的感覺根本無關宏旨。鞋!

      我有啲懷疑阿爺真的認為「民眾的觀感」是不重要. 有其他的例子可以說明嗎?

      刪除
    4. //傳霉不姓黨,就要管//

      每一個個體, "唔駛管"既最大原因都會係: 識自律
      或者《寒戰》果句:摸清條線, 系線裏面玩, 先可以保住條命

      唔知條線系邊? 侵侵都"被封殺"

      --Dogdogchi

      刪除
    5. //我有啲懷疑阿爺真的認為「民眾的觀感」是不重要. //

      同意你的觀察。我的意思是,由於現時北京不斷强調要愛國者治港為第一要務,在香港建制從政者的意識中,民眾的觀感」變得並不重要,尤其是民眾中有significant proportion 是黃人 (200萬+1?)。

      // 就算係大陸, 都唔會有「你令我難堪, 我就立條例來管你」的情況吧//

      這個我不敢肯定。在西媒構建的認知框框下,阿爺叫停螞蟻上市和加強規管Alibaba,就是因為馬雲在論壇上發表了令阿爺不快的言論,君不見西媒不斷地傳,阿爺要馬雲賣晒Alibaba的股份才會放鬆對阿里的規管。

      potato

      刪除
    6. //"唔駛管"既最大原因都會係: 識自律
      //摸清條線, 系線裏面玩, 先可以保住條命

      Exactly!但我城班人仲抱有公墓園的官僚思維,「你要俾個 guideline 我,我先識跟」,從來唔會自己去理解,解錯(過鬆或過緊)就以「無 guidelines」來推卸責任。

      //由於現時北京不斷强調要愛國者治港為第一要務,在香港建制從政者的意識中,民眾的觀感」變得並不重要

      我城的建制派 PK 就係仆在呢樣,成日淨係識「跟死一條風向」,只有 first priority 而無 second priority,只會 singletask 而唔識 multitask。無人話「愛國者治港」唔重要,但就唔好「愛國愛上腦」變成盲動,中庸之道對佢地好似好難咁。

      //阿爺叫停螞蟻上市和加強規管Alibaba,就是因為馬雲在論壇上發表了令阿爺不快的言論

      螞蟻呢單 case 同「傳霉爆777料」再些少唔同。前者係規管問題,尤其是螞蟻有好多擦邊球業務,要管是有現存機制可以管的(例如放貸跡近是銀行業務)。可以話並唔係「我唔鍾意你,就去立條法去管」,條例早就存在,而係監管起來手鬆啲又得,手緊啲又得咁解。就算最近滴滴中招,「你唔鍾意我去老尾上市,我就偏要去」,可能真係有呢個問題,但要改例都係以客戶資訊安全的大義名份去「完善」個制度,而唔係個別人士俾人窒完之後發爛渣。

      777話與會人士錄咗音,爆俾傳媒再公開,所以就要監管傳媒,呢個係本末倒置。worst of worst,就算閉門會議上眾人都簽了保密協議,有人唔守承諾都只係 breach contract,不遵守合約並唔犯法,777只能民事追討該爆料者,而唔係立法管傳媒。何況與會者當時有無講過話要保密?真係只有天知地知777自己知而已。

      刪除
    7. //阿爺叫停螞蟻上市和加強規管Alibaba//

      唔明點解某D消息人士咁叻, 知道晒阿爺每一個決定背後既理由, 日日呢系阿爺床下底偷聽??

      螞蟻呢單野, 表面理由係, 螞蟻提供類銀行服務, 其中花唄係一個跳出固有銀行慣常做法, 以所謂既"網絡消費/收入記錄"泥計算借貸額, 就好X出位, 世界唔似有同類信貸
      政府不論因為要避免有機構能逃過銀行條例監管, 定係為免過度信貸, 都有充份既表面理由剎停螞蟻

      --Dogdogchi

      刪除
    8. //花唄係一個跳出固有銀行慣常做法

      有可能係馬老大講嘢得罪咗中央, 但你自己的業務有痛腳俾人捉到, 好景時放你一馬, 手緊時 burn your spring pocket 也沒什麼好怨吧.

      刪除
    9. 民建聯 波衫 豬隊友就是豬隊友

      刪除
    10. //波衫

      下一篇寫, 今晚出 XD

      刪除
    11. 講開奧運,家朗攞左金牌,中國隊又係唔同項目失利輸左,美日排前二手牌榜,班黃人high到飛起,洗版

      刪除
    12. //班黃人high到飛起

      即係話藍營的「被逼害症」又會病發了.

      刪除
    13. 呀冠軍老豆係退休警察班藍友咪一樣如獲至寶咁...搞笑

      刪除
    14. //班藍友咪一樣如獲至寶咁

      777特赦張劍魔凱旋回歸唔使隔離撩鼻哥, 黃藍大和解!

      刪除
    15. //螞蟻呢單野, 表面理由係, 螞蟻提供類銀行服務,...政府不論因為要避免有機構能逃過銀行條例監管, 定係為免過度信貸, 都有充份既表面理由剎停螞蟻//
      //有可能係馬老大講嘢得罪咗中央, 但你自己的業務有痛腳俾人捉到, 好景時放你一馬, 手緊時 burn your spring pocket 也沒什麼好怨吧.//

      這些都是從阿里巴巴的角度看這件事。螞蟻本身業務有問題,被管被罰冇得怨。但西媒會應為,螞蟻從事類銀行業務多年,兼且規模不斷擴大。阿爺一向都是隻眼開隻眼閉,不管不理。直至馬雲發表不忠聽的狂言,才認真去管。這不就是針對個人,是人治,而非法治。當然,這相比起777的人治情況要好,因為法律已經有,只是是否嚴正執法。而777則是衰到你令她不快的行為明明無犯法,她都要針對這些行為,度身訂造一條法例去管你。

      potato

      刪除
    16. //777則是衰到你令她不快的行為明明無犯法,她都要針對這些行為,度身訂造一條法例去管你。

      單憑呢一點, 777就不是治巷的「賢者」.

      刪除
    17. //其實唔係「特權」, 而係「人治」. 就算係大陸, 都唔會有「你令我難堪, 我就立條例來管你」的情況吧?

      (觀察者網訊)英國《每日郵報》20日報道稱,根據英國《官方保密法》的改革計劃,記者可能因為報道讓政府難堪的消息而面臨最高14年監禁。

      林鄭只不過係跟車太貼
      佢嘅思維仍然緊隨英國老家

      刪除
  3. //螞蟻呢單野, 表面理由係, 螞蟻提供類銀行服務,...政府不論因為要避免有機構能逃過銀行條例監管, 定係為免過度信貸, 都有充份既表面理由剎停螞蟻
    //有可能係馬老大講嘢得罪咗中央
    螞蟻嘅玩法最後係會好似雷曼兄弟咁由國家銀行頂下民間的債項,唔規管點得? 滴滴去美國上市,但卻拿著過往的出行大數據到美國。不可能不被打壓吧! 馬老師單嘢係被人查緊,覺得唔耐煩才係論壇上衰多口發炮,然後攞嚟衰。
    我係小民,情願國家不時捽下大資本,好過大資本壟斷之後捽我。

    //我有啲懷疑阿爺真的認為「民眾的觀感」是不重要
    真係唔重要,23條2003年就立咗啦。換董生、信AO,結果係貪雀士玩官商勾結?
    大部分香港人呢20年嚟不斷打擦邊球,由以前河水不犯井水、到變為井水犯河水、再發展到潑國徽、踩國旗,唔郁你點交代呀!
    老實,現在都未跟上「國際標準」呢!

    WILL

    回覆刪除
  4. //我有啲懷疑阿爺真的認為「民眾的觀感」是不重要//

    唔好睇到香港咁大

    所謂香港「民眾的觀感」, 相當程度同「美帝的觀感」重合 -難聽D就係香港人就美帝=上帝, 永遠是對的
    大陸曾經想跟下"國際標準", 迎合下「美帝的觀感」

    但依家中美唔知貿易戰, 科技戰, 定算冷戰
    反正打到九彩
    大陸講到"國際標準"唔係"歐美標準", 以聯合國框架下全球包括亞非拉既標準, 先係國際標準
    「美帝的觀感」已經係零
    以香港人既角度就係大陸無理香港既「民眾的觀感」

    --Dogdogchi

    回覆刪除
    回覆
    1. //真係唔重要,23條2003年就立咗啦。換董生、信AO,結果係貪雀士玩官商勾結?
      大部分香港人呢20年嚟不斷打擦邊球,由以前河水不犯井水、到變為井水犯河水、再發展到潑國徽、踩國旗,唔郁你點交代呀!//

      True. 基本上阿爺都係容讓香港人的, 不過傷民太過不知自愛, 愈踩愈過界所以才有今日.

      //所謂香港「民眾的觀感」, 相當程度同「美帝的觀感」重合 -難聽D就係香港人就美帝=上帝, 永遠是對的

      咁起碼以「魔術師的觀感」都覺得核突, 而我亦唔係一個以尾帝為標準的人. 黃人「失望」就唔可惜, 便叫他們走去找事頭婆吧; 我呢類小眾都失望埋一份, 就是 collateral damage, 可以 ignore; 成個我城留返俾班小粉紅玩哂算.

      刪除