有新工返，藉機裝吓身，又點只配返副新眼鏡咁簡單呢（見《又再消費，帶動經濟》）？魔術師都好耐無買過西裝，今次鋪瘾又起，諗諗吓與其去名牌旗艦店買衫起碼都兩三萬落樓，不如而去搵老師傅度身訂造；畢竟老父生前都係靠手藝養大自己，在疫情下支持返班愈來愈少後生入行的老裁縫都好。唔知呢間都算係「名店」又要幾多錢造返套老西呢？
這天入到店內，當然係得魔術師一個客，於是馬上就有幾位師傅圍上來。其中一位師傅Ｗ馬上就來 sell 魔術師最基本的布料貨色，８千幾蚊一套，粗着都唔錯。不過當魔術師指名話要用 Ermenegildo Zegna 料，師傅Ｗ就知道魔術師是個「有要求」的人。師傅Ｗ遞來布料樣板給魔術師選擇，一面又介紹佢地店的手藝技巧，看來是公司給新客的固定 script。到魔術師挑好布料和顏色（偏唔信邪揀返灰黑色（誤））、講好款式要求之後，另外一啲師傅便幫魔術師度身，又遞來樣板給魔術師試穿，最後就有位「大佬師傅」出來一錘定音，話邊度邊度要微調返幾多幾多，最後就由師傳Ｗ拍照做紀錄。
如是者度身造西裝係要試兩次身，師傳Ｗ都係用 whatsapp 跟魔術師溝通約期，服務貼心。試身最好仲要係着返恤衫皮鞋去睇返個效果，同樣都係要「拍照留念」。全程都要差唔多一個月才造好。
由於感覺良好，日後會再幫襯，整返一兩套粗着。今次一衫兩褲都只係＄１６,０００，有咁多人服侍，價錢真係比想像中低。拎衫時同師傅Ｗ傾開，原來造恤衫都係＄１,６００/３pcs，比 Brooks Brothers 的成衣要抵。
諗諗吓，魔術師都未試過 Ascot Chang，唔知價錢又如何呢？
＊＊＊
伸延閱讀：
魔兄有冇試身相睇下效果呢 ?
回覆刪除梗係無, 有興趣可以自己去試吓.
刪除恭喜有新工，又有得觀賞吓啲黃C同事XD
刪除／／魔兄有冇試身 相睇下
忽然諗起望住魔兄皮帶嘅前黃C上司@@
//今次一衫兩褲都只係＄１６,０００，有咁多人服侍，價錢真係比想像中低
敦倫裁縫街多數至少要五六幻，傷巷的確喺抵，難怪有唔少洋腸喺傷巷一做就幾件. 度身訂造的確喺傷巷名物。
//恭喜有新工
刪除咦? 你係咪 miss 咗呢篇《新工見聞綠》?
//難怪有唔少洋腸喺傷巷一做就幾件. 度身訂造的確喺傷巷名物。
的確. 早前我去拎衫時都有見到一條洋腸去做衫.
一般店鋪果D普通西裝,我都見到係訂造恤衫比起買一件成衣便宜
回覆刪除一般店係300蚊訂一件恤衫,西裝又真係要訂造才好睇
你一套西裝可以著幾耐?
貓
男人西裝起碼可以着3年以上（work from home 多咗多減少了損耗），有得替換同埋換季（雖然以我成氣侯，着四季款都幾okay）架馬！
刪除開冷氣我主張25度室溫但係香港人開18度!
回覆刪除所以我夏天都會長袖,薄料雪紡咁,但此舉動就會比人'問侯'
我就答佢: 老細365日都係著西裝都係長袖恤衫,我唔可以著長袖呀?
反正公司365日冷氣,根本就無夏天
香港人好煩
貓
／／我就答佢: 老細365日都係著西裝都係長袖恤衫,我唔可以著長袖呀?
刪除男人着短袖恤衫太過麻甩喇。 隨時舉起手仲會露腋毛，效果同露鼻毛一樣咁核突。