話說魔術師見得成新工，係要先過兩關面試；而兩次面試俾魔術師最深刻的印象是，一次 in 魔術師的是將來的直屬上司，另一次就是 working level 的 peer，而兩人都係「湊巧地」戴黑色口罩的！
|
| （網上圖片） |
故此，當收到入職「好消息」的候，魔術師最擔心的就係比「有個上司係黃Ｃ」更大鑊的是「成間公司係黃Ｃ」！
返咗新工幾個星期，感覺上尚算 okay，無乜西口西面的人。同事們大多數都較 young，不過能夠在電車公司工作，都算無被社會放棄的一袋人。而且就算十個年青人九個黃，但由於黃營氣勢大減，加上國安法加持，眾有青在公司都唔敢有乜過份言論，不過黃黃地的小動作就總會有，都係戴黑色口罩返工之類啊啲。
不過最唔習慣就係要跟班同事（有中加有青）食午飯 social。班友經常帶埋魔術師去食啲貴夾唔飽的黃色中剷小店，搞到魔術師都要不情願地地支持了黃色經濟圈唔在講（魔術師真心覺得午飯80蚊一餐都幾貴，完全感受到有中有青點解「儲唔到錢」），仲要係第一日出去食就知瀨嘢...
一去到某餐廳，就係個個同事食飯都係填紙仔，得魔術師用「安心」！
今次真係「黃藍是政見，食飯要填紙」！
另外一次就係食完張單仲要同魔術師講要「齊上齊落」、「煲底啲湯好好味」...真係見到都覺頭暈。
最後，比較有趣的是在新公司都似乎找到「黃人通常性慾比較旺盛」的例子：就係都有幾件黃C囡囡廿幾歲就結婚，在我城算是早婚喇。睇返魔術師以前班唔識抗爭的工資奴同事就多數30過才結婚，應該係先要打好經濟基礎吧；但黃人思路通常都唔會諗咁多，扑咗先算。
新公司仲有件早婚黃色巷妹揚言話搞緊移民楓葉國（唔知要有幾多身家），去到搞得掂就落地生根，生兒育女；唔掂就返嚟我城，不過就唔生仔！神色間真係覺得我城並不是一個適合養小孩的地方！
＊＊＊
伸延閱讀：
魔兄，宜家商業區，lunch閒閒地都過$百喎，冇平嘢食了。（除非去大快樂）
回覆刪除中環我唔知。上兩星期去北角上課，有幾次午飯買飯盒，兩餸三十蚊有找，三餸四十蚊有找。連鎖快歺店就四，五十蚊。去飲茶有一次八十幾，一次一百一十幾。食落肚其實都係差不多，冇話邊啲特別好或特別差。
刪除最弊我返嗰區唔係中環, 充其量只能算的核心商業區的邊皮位置, 個價錢真係吹出來俾班黃人自我感覺良好, 完全唔覺得值成$80+一個午飯囉 -_-
刪除//一去到某餐廳，就係個個同事食飯都係填紙仔，得魔術師用「安心」
回覆刪除咁佢哋見到有冇話你乜咁蠢，或者勸你唔好用好危險咁呀？
無呀, 可能佢地會覺得我係廢老, 無謂教精我 XD
刪除生活體驗成佳話
回覆刪除橫豎賺錢買L V
魔兄嗰篇唔開心就買嘢的巷女癮之練成,又係喺舊blog文章。。。有排先等你退休後整理重現了😄
某些「精選文章」我是有 migrate 的. 請見《我是港男》.
刪除尤其廿幾年前有那些舊同事經理和巷女的「溫馨提示」, 我才會變成「黃裳」(《射雕英雄傳》)到深山裡修練, 結果學會了武功之後, 卻見到那些「仇家」死的死, 老的老了.
我自己都好唔鍾意食店分黃藍,因為食店只有分好食同唔好食
回覆刪除特別係黃色店,我都唔小心食過,真係唔好食
80蚊一個午餐,我會覺得一定好好食才會80蚊,又或者係中環地區才80蚊掛,但80蚊都應該要好食嘛?
我現時午餐80蚊係飲茶價錢,平時50-70蚊LUNCH最盡了,LUNCH黎講茶餐廳應該算係比較好食又夠飽既食店
貓
//但80蚊都應該要好食嘛?
刪除$80+ 嗰幾間一係賣黃,一係賣中剷, 班後生真係唔多鍾意食餐廳.
就係因為無本事煮出一餐食得落肚既飯, 唯有食顏色吸客囉, 唔係邊有本事收人$80
回覆刪除有本事靠食物吸客既, 邊會暗示黃定藍找自己麻煩? 生意難做想自爆乎
的確如此. 食過幾間黃店, 都係一般貨式, 唔值$80+ (可能黃人會話食個氣氛就已足夠), 反而藍藍地的收$60左右都算合理性價比.
刪除反對二十出頭結婚生子是「早」婚！ 冇的，基本冇父母輩要養，而且四大長老樓房與育兒都支持的話，其實沒有不在黃金時間組織家庭的理由，畢竟過了現今廢中那代之後，大家都越來越明三十過後先成家仲打算生小朋友的話是搵自己來玩，到退休都仲要供緊細路讀大學... 退休金與留學金一煲過是冇人攪得掂的。所以要不完全不生（那些同居就好，結什麼），要不就是二十幾歲「正常」生育年齡囉，八十後／九十後／零零後都這樣想的。
回覆刪除另外少少估唔到你會覺得8X lunch貴呢... 不過小的在核心外圍貴慣就是了。我區，米線都60上下啦，正正經經食飯去譚仔會被辦公室人歧視的，要坐低食，似樣少少你食完冇覺得唔抵或唔飽的，我區是120上下。留意收的不是食物錢，主要是「租場」費。你咁諗就唔會覺得那個價錢算貴了。（我知很多在我區上班的是帶飯／外賣三餸飯族……豐儉由人啦）
//基本冇父母輩要養，而且四大長老樓房與育兒都支持的話
刪除//要不就是二十幾歲「正常」生育年齡囉，八十後／九十後／零零後都這樣想的。
「遲婚」的原因主要是經濟問題, 除非有老可啃, 否則出來獨自生活一闊三大, 買樓供樓/租樓/養小孩的這樣那樣使費, 也不是一般有青可以負擔. 問題就是有幾多後生唔介意放低經濟考慮去就返個生理時鐘.
另外, 的確目測係多咗年青父母, 不過街上「無家教」的巷孩亦愈來愈多. 現代人生理上成熟未必是心理上成熟, 大把 kidult 自己都未管得好, 如果教育下一代. 好似你大少咁, 如果依家就結婚生仔, 都會生個抗爭寶寶出來, 細細個就去「感受下個氣氛」, 明白在「極權社會下人民的苦痛」罷.
//留意收的不是食物錢，主要是「租場」費。你咁諗就唔會覺得那個價錢算貴了。
我返的是商業區邊, 行遠少少都有「基層」一啲的鋪頭. 最弊同事病埋我去的那些小黃店, 都係開在舊樓, 有啲仲懶文青咁, 真唔知應乜收咁貴.
//好似你大少咁, 如果依家就結婚生仔, 都會生個抗爭寶寶出來, 細細個就去「感受下個氣氛」
刪除佢絕對唔會有四大長老的樓房與育兒支持的，所以被排除在唔使諗隨意生的bracket外了。
//另外, 的確目測係多咗年青父母, 不過街上「無家教」的巷孩亦愈來愈多.
小聲：疫境中，真係緊張自己細路識諗的父母，點會帶細路周圍去玩... 魔同街上見到唔生性多，同你講的一樣，就係父母唔生性自己要出街玩囉。此sampling很難反映現實呢。
//佢絕對唔會有四大長老的樓房與育兒支持的
刪除唔俾女家有支持咩？ XD
//就係父母唔生性自己要出街玩囉。此sampling很難反映現實呢。
哈哈，你又講得啱，survivor bias XD1
我都在中環返工及午餐,80蚊真係貴喎,我唔知你边間,我在皇后大道中附近仲買到啲38蚊嘅雙拼燒味飯.食齋菜三餸飯都係32蚊.貴少少嘅牛扒意粉都係70幾,豐儉由人
回覆刪除Exactly. 中環都仲有平嘢, 或者貴得嚟都有返咁上下質素(even 鏞記都有街坊樓層); 反而「扮中環」的區份,間間小店「扮鏞記」, 「燒鵝嘅價錢,蔗渣嘅味道」卻比比皆是-_-
刪除你哋唔係講緊入鋪坐低堂食咩？點解扯埋外賣講？其實扮中環的，就是貴在一個唔富貴區要做富貴外表的風險，咁多裝修咁多有青嚟幫手做嘢，但可能breakeven都做唔到，你咪就係俾緊呢份錢。
刪除//你哋唔係講緊入鋪坐低堂食咩？點解扯埋外賣講？
刪除我唔以上面位網友係講緊堂食定外賣，但我去到威靈頓街、結志街一帶麵有$40-70的飯餐，CP值甚高。
//食啲貴夾唔飽的黃色中剷小店
回覆刪除唔飽是大罪，喺食中飯又唔喺呃蝦條，食乜L氣氛
//就係都有幾件黃C囡囡廿幾歲就結婚
冇得用pat pat打招呼了XD
//喺食中飯又唔喺呃蝦條，食乜L氣氛
刪除應該係黃色經濟圈要供養班有青。