說要有光便有光

返新工的指定動作，當然都係要跟有青同事們混熟，自我介紹一番，其中少不免的自然是魔術師以往的工作經驗。舊事重提，舊公司的第一任上司Ｋ那一句：「你阿媽有心臟病，係佢嘅問題；Call 你，係公司嘅事；我地就係要做好自己份內事！」二十多年來還瀝瀝在目。

至於點解公司 call 魔術師會嚇親阿媽？自然就係因為當時魔術師仲係住緊大興邨公屋，睡碌架床。點解要訓碌架床？自然就係因為公屋只得單邊窗從露台採光，單位內又已間了一間房作老父的做雕刻的工作間，當然就無睡房可訓。

今集有兩個設計單位介紹，第一個個案的戶主有如富戶，豪裝５２.４萬，完全無視房委會；個案二就係租置單位，可能因為買咗樓，裝修的 budget 反而少了（２５：２０ — ３５：００）。

樓盤傳真 2021/11/13　2021/11/13 22:00

11月以來有多個新盤推出，但當中MONACO ONE和KENNEDY 38兩個市區盤居然以保守價開盤，今集會分析後者特色及預算租值。港島區、鐵路盤開價都低過同區二手樓，賣樓成績將為樓市帶來一些啟示。

政府研究降低舊樓強拍門檻，加上公布研究油尖旺區一帶的重建範圍，舊樓市況便踴躍起來。今集參觀柯士甸站旁的偉安大廈，達60年樓齡，業主挾重建概念而調高叫價，是否物有所值？

公屋上樓愈來愈難，獲得機會自然希望裝修出稱心如意的室內。這次一連參觀兩間小型一人公屋單位，看看設計師如何在有限空間擴增實用性。

「通關」成為防疫措施論述的主旋律，市場對消息一片憧憬。不過回顧20年前，樓市對通關一舉卻是一片恐慌，特別是新界西北區的業主。當年今日形成強烈對比。

長者行動力減退，在家居「滑倒黑點」浴室的風險增加。近期引入的一些全身淋浴器和長者友善潔具，以坐浴方式減低跌倒風險，並減少照顧者的負擔。

＊＊＊

個案一曾經做過隔離營的火炭駿洋邨，戶主要切雞Ｃ將公屋變身成為日系風，一解「思鄉之情」：

切雞Ｃ依戶主要求將客廳設於大窗一邊，有梳化有電視櫃，天花裝路軌燈（左上、右上）。飯枱係「活動電視櫃」的一部份，有需要時可以拉出來讓戶主夫婦坐在梳化上，成個人凹咗入去咁食飯（記者妹作示範），非常辛苦（左中、右中）。窗簾作風琴式雙重拉出拉入，節省空間（左下、右下）：

既然客廳佔哂整個大窗，睡房反而在單位中央，以浮雕玻璃趟門透光分隔（左上）；戶主如果朋友來作客，又可以落簾遮住睡房，增加私隱度（右上），但係感覺上就搞到好似要入去瞻仰遺容的格局。床尾有活動架，可以放置雜物又可以做書枱（左中、右中）。不過平時訓個活動架就會頂腳了，而且有尖角都頗危險。最後切雞Ｃ補返句「如果要搞活動」（！）的時候可以移開個架（左下、右下）：

戶主英明地唔用地台儲物，改為放在睡房頂，又可在睡房旁通往客廳的通道上加天花燈（左上）。廚房比較細，雪櫃放了出廳，洗衣機則放在次所，上方廚櫃遮了半隻窗，下方廚櫃就就抽屜和拉架（右上、左中）。次所就更狹窄，馬桶對住洗手盤和鏡櫃，企缸亦非常細小，要生寶寶應該很難（右中、左下、右下）：

個案二是租置單位，位置不明。Ｙ３型公屋，次所在「騎樓」，廚房在單位中心，只有一小扇窗在角落通風（左上）。單位一眼睇哂，開放式睡眠區（右上）、玻璃牆次所（左下）、無飯戶主的 pantry 狀「廚房」（下次打風戶主記得去搶乾糧，右下）：

由於原來的廚房無故間出兩條走廊，又阻住陽光射進室內，切雞Ｃ當然是要將廚房拆掉（左上、右上）。切雞Ｃ又在天花和牆身加上無數的鏡，搞到成間屋有啲似時鐘酒店，宣稱既可倍大空間感，又可引進陽光（左中、右中）。既然全屋都係鏡，照計少一塊鏡亦無乜所謂，唔知點解大門後又整塊鏡話可以方便戶主出門前可以整理儀容（左下、右下）：

戶主應該是單身盛女，故此切雞Ｃ在 pantry 位造了個隱藏式梳妝台（左上、右上）。睡床可以拉開來儲物，甚至寂寞難耐時可以鋪上床褥變雙人床搞搞「活動」，反正咁多鏡都幾好 feel（左中、右中）。最爆的是洗手盤竟然是在馬桶水箱上方（左下），是否意味着可以用洗面水沖廁？女戶主是否要對住個馬桶刷牙？次所用電動門，另外可以落簾保持私隱，亦唔怕俾朋友恥笑個合體馬桶洗手盤也（右下）：

＊＊＊

精華版如下：