與黃人共存

自從特衰正苦強制傷民用「安心」之後，公司的黃人同事都如喪考妣，紛紛查詢點樣安裝「安心」，使唔使填個人資料；又或者考慮買部垃圾手機裝「安心」咁話。魔術師心諗，你唔想掃「安心」，大可以：

１. 帶飯；係就係夠哂健康，不過女同事都話可以接受，但男同事就實在太唔 chill 喇！

２. 買外賣：都可以嘅；不過買外賣等於各自叫，唔符合眾黃人同事都喜歡即興柴娃娃齊上齊落的習性。

既然死都要出去食，咁無辦法架喎！點都要被逼裝「安心」囉！魔術師當然一早就習慣用，但係見到班黃人同事個個好似的士司機咁，手機擺滿枱，就不禁想笑！

食肆今起強制安心出行　市民無奈不滿「冇得揀」　餐廳負責人嘆難執行 2021-12-09 19:11:08

【有線新聞】市民今日起進入所有食肆以及表列處所都必須用安心出行，有餐廳擔心執行時遇到困難，食環署就說初期會多宣傳和勸喻。

「我沒有（安心出行），填紙可以嗎？」

「不可以，不好意思，所有餐廳都不可以。」

這位先生不記得裝安心出行，不能堂食，有人就即場下載。鄭先生：「我印象中是最近（實施），忘記是今日，我覺得作用不一定大，對於防疫而言。」

石硤尾這間餐廳原本為了方便長者和學生，不用填資料，一直都做A類食肆，但現在就要轉做B類。餐廳近門口位置擺放表格，讓豁免人士例如長者、15歲或以下及殘疾人士填寫資料。陳女士：「當然不開心，不過沒有辦法，很多事都講求自由，喜歡就做、不喜歡就不做，但現在這樣即是迫人沒有選擇。」

餐廳有個零售區，考慮到少了顧客堂食，笑口棗、油角等賀年食品都提早入貨，希望彌補強制掃安心出行帶來的損失。負責人又說，新措施除了影響生意，實行上亦都有困難，張小姐：「究竟我如何分辨學生是否15歲？香港的長者是否人人學歷水平都高，全部都懂得寫字？有些長者可能說家鄉話，我連他說甚麼語言都不知道，他說中文名，又不懂得寫，我們是否就要將他拒於門外？」

食環署副署長黃淑嫻：「我估計大家可以用常理處理，需要一些時間適應都是初期的問題，我相信運作一段時間後，應該這些問題可以解決。」黃淑嫻又說，在新措施推行初期，執法人員會著重宣傳和勸喻，相信業界不會有很大困難。

魔術師就實在唔明，呢間公司都叫做係 IT 公司，有青電車仔眾多，唔少都係堅持填紙仔到最後一刻（幾乎就要為「填紙仔的最後一天」打卡留念），問佢地擔心乜又講唔出（好在唔會扮唔識字、扮無家者），只係話「唔明如果唔使填個人資料的話，正苦又點可以追蹤到個別人士行蹤」。擔心一輪但係又無證據話「安心」會洩露私隱，魔術師只能假設係理黃人同事「軟性抗爭」的藉口，同戴黑色口罩一樣...

作為「良好市民」，魔術師有天在午飯閒談中試過「扮黃」，實行小罵大幫忙：話「安心」唔紀錄用戶行蹤，只不過係如果你去過某些地方當時又有中招者出沒的話，就會提醒你去做檢測，萬一確診才會要求你上載行程紀錄俾陳姑娘班手下去再追蹤。要去到「確診（或初步確診」呢一步先會拎到你個人資料，其實都好安全，無乜私隱問題；不過由於掃唔掃碼純屬自願，食肆員工亦管唔到咁多，你唔掃就無人知道你的行蹤，你亦唔會收到你曾經同中招者共處一室的訊息，呢個都算係「防疫漏洞」...

點知馬上就被同枱的蝗妹新同事Ｎ打斷，正色道：「政府咁做係假設市民都守法，依家係有班人唔守法啫！」

哇！開口埋口「依法乜乜乜」，果然蝗味十足，天真得嚟都幾傻，唔知佢係咪唔知自己身處黃營。魔術師乜鈄過眼望去，只見其他黃人同事都不動聲色，是否扮聽唔到就不得而知了。

希望蝗妹新同事Ｎ唔會覺得同班黃人共存太辛苦喇！

食完飯返到公司，同事Ｈ就跟同事們單一聲，話：「我聽日下午放半日假去打針，如果唔掂後日就會放多日...」

頂！同事Ｈ３０幾４０歲，原來仲係未打針人口之一，果然黃得交關。但點解咁多個月都唔去打，依家忽然就要打呢？唔通約咗朋友去唱Ｋ、揼骨定係麻將耍樂？

（圖片來源：食物環境衞生署 - 主頁疫苗氣泡下載表格/海報/認可疫苗列表, captured on 12 Dec 2021）

無驚無險又到放工時，繼「安心」之後一眾同事又在「熱議」打針。魔術師也就湊熱鬧過去打掙消息。其中又係３０幾的同事Ｌ就話自己「無 incentive 去打」。於是魔術師又「扮黃」，話正苦之前誇下海口話全民接種率夠高就有得去旅行，點知依家愈打針政策就收得愈緊，完全係呃人嘅！

賓賓同事Ｅ見魔術師「黃黃地」，便問：「你打咗針未？」

魔術師便回應說在舊公司時已打了，如果唔打會被上司不時「關注」你的健康情況...

南亞同事Ｊ忽然又插口：「但我地有自由唔去打針架喎！」

魔術師就話：「如果你要見客，通常都規定你要打針架喇！要知道你『有自由』唔打針，公司都『有自由』調你職位、寫衰你 apprasial、又或者炒咗你、唔同你續約，fair enough。」

南亞同事Ｊ聽罷，微微咋舌，似是很驚訝。

賓賓同事Ｅ又問：「咁你使唔使俾 proof 你上司睇架？」

魔術師心諗唔通想「鬥噏」自稱自己打咗針就算數？知道眾黃人同事都擅於走精面鑽空子，可以唔 formal 便唔 formal，只好說：「我舊上司就無問我拎針卡，不過因為我有攞『打針假』，所以都 send 埋俾佢，凡事有證有據 formal 啲好。」

早就估到黃人為了「軟性抗爭」寧願唔打針搵自己條命較飛都要攬炒，但就諗唔到原來魔術師才是眾黃人同事的「保護屏障」，說好的「＞７０％接種率才可以通關」應該就係俾呢班黃人拖住後腳！

深入敵陣傾完一輪，魔術師便返位執嘢，順便清埋 email 準備收工。這時終於發現了為何眾黃人同事咁關心打針的問題：

原來聖誕聚餐是在某 Ｄ 類食肆舉行，要食免費餐就一定要打針！不過 book 唔 book 到期要聚餐１４日前打，就未必人人都做到了...

（圖片來源：食物環境衞生署 - 主頁疫苗氣泡下載表格/海報/認可疫苗列表 > 餐飲處所 Ｄ 區, captured on 12 Dec 2021）

＊＊＊

伸延閱讀：

安心出行官方網站

政府向無家者發證明書豁免使用安心出行　有食肆指不了解流程　社協倡增後備方案 2021-12-09 22:00:56

【有線新聞】政府授權四間社福機構向無家者發出證明書，豁免他們用安心出行，究竟取得證明書是否可以暢通無阻吃飯？

無家者Johnny拿到社區組織協會發出的文件，證明沒有智能手機、用不到安心出行，證明書到手了，但能使用嗎？「我想問我沒有安心出行，我用政府這張證明書可以嗎？」「這我不知道。」餐廳職員似乎不太清楚、擾攘了一會，最後都容許Johnny填紙仔、代替安心出行。到了另一間連鎖快餐店，「這張紙可以，對嗎？填資料就可以。」兩名職員先後看了約一分鐘才放行，雖然順利入到餐廳，但Johnny認為政府宣傳不足，無家者即使拿到證明書都未必有用。JOHNNY：「有些不知道就不讓你（豁免），有些給他看證明書都未必回應你，例如下午1時繁忙時段去，誰會有空管你？可能做個濃縮版、做一張卡，一面是政府資料，一面是我個人資料，過膠、方便袋着。」

社協幹事吳衞東認為政府安排得太倉卒，「我們一早就告訴政府，有八成無家者都很可能沒有智能電話，中長期希望政府考慮一下，除了用智能手機的安心出行外，創科局可否想些創新辦法，例如用八達通或智能身份證作為後備方案？」

他估計一個月內會發出近一百張證明書給無家者，外展隊會進行探訪，核實無家者身分後，才向他們發出證明書。