魔術師資產配置（２０２１年１１月結）

本月結算，尾股臨天光癩尿，本來收水和驚唔知幾時加息已經開始有少少腳軟，月尾受新變種病毒 Omicron 嚇一嚇，加上我城股市「妹吓妹咔」（拉燈仔腔）已有一段時間，令魔術師投資組合整體都係向下。縱使如此，沉船基金仍能穩守第一位，靠尾帝一眾神股頂住，逆市較上月升２.１３％，每單位收報＄１８６.５４（我城貨幣，下同）。以防守股為主的生活基金每單位收報＄１４１.７２，較上月微跌０.９１％，無大跌已經足夠令生活基金升上第二位。合格線現金及債券組合每單位收報＄１３７.６３，較上月跌２.６２％，但最終仍升一級至第三位，同樣都係以守行先。

複式盈富上月果然係只死貓彈，每單位收報＄１３３.８２，較上月大跌７.０６％，佔第四位。實金和虛弊都係先升後回，每單位收報＄１３３.５２，較上月跌１.０２％，保持第五位。強積金組合都係受恆指基金拖累，幸好有環球債券基金減低跌幅，結果每單位收報＄１２３.５５，較上月跌４.９３％，排第六。房託組合依然包尾，每單位收報＄１１８.０２，較上月跌２.９３％。

魔術師一早就有講，共存派不斷製造變種病毒，阿爺只能閉關鎖國，死守清零，形成全球攬炒格局，股市債市自然無運行；於是樓市方面，除了「移民急讓」仲會有咗「賣樓救股」，加上臨近年尾，一眾錢莊唔再追數，估價亦會傾向保守，留返空間給下年估高啲價做多啲生意。魔術師資產淨值每單位收報＄１８,７４０，較上月跌１.９６％；淨流動資金則較上月跌４.６８％（較２０１６年３月３１日基數升７４.１８％）。

資產負債分佈如下，照例都係正資產，相當健康，但原來不動產佔總資產值５１％（=12,418.84/(3,908.43+464.7+3,202.44+4148.84+12,418.84)），足證魔術師都走不開一般傷民的套路，相對低波幅的物業是淨資產的定海神針：

最後，本月魔術師身家的 beta 值不變為０.３６，Standard deviation 為 ３.１８％，兩者對上月皆沒有變動；但跟痕指關連性卻為５６.３５％，較上月微跌。睇怕如果由巷股「走資」至尾股，跟痕指關連性只會愈來愈低也。