愛巷力強積金

由於魔術師是在１０月底返新工，根據強積金玩法，作為僱員是不用為十月份及十一月份人工（分析於十一月及十二月出糧）份糧供強積金嘅，第一份要供的糧期是十二月（明年一月出糧），而公司就需要為魔術師從受僱第一日起供款：

（圖片來源：強積金管理局 > 強積金制度 > 強制性供款, captured on 18 Dec 2021）

由於現在的 HR 做嘢都係烏吓烏吓，魔術師返工無幾耐便叫佢地遞表俾魔術師申請強積金戶口，一如所料果然又要來來回回錯幾次先成事。魔術師印象中只要係牽涉到要填表的，真係好耐未試過一 take 過成功，多數都係對方客服、sales、HR 填錯俾漏資料，要佢地做嘢無錯漏真係難過登天。

出乎意料之外，呢間公司是採用永盲做強積金受託人，參與的是「彩虹計劃」，ＬＧＢＴ味濃。打開永盲網站，其強積金種類之「少」，收費（開支比率）之「貴」，簡單係嚇死寶寶，都唔明點解係強積金業界龍頭第三位（見伸延閱讀）：

（圖片來源：永明 > 投資 > 強積金及公積金計劃 > 永明彩虹強積金計劃, captured on 18 Dec 2021）

所謂「少」，真係一眼睇哂咁多，得１４個基金投資選擇；仲要唔係巷股基金我城債劵、蝗股基金人仔債券、就係亞洲股票，再唔係就係環球股票、環球債券，就連近年最 hit 的尾股都欠奉，夠哂清一色。係就係愛巷愛國，而且選擇較少、在不能「投白票、廢票」的情況下，即使無乜心儀對象都可以夾硬揀個無咁爛的基金；不過就係難為咗公司班黃人，無得投資尾帝基金真係慘過乜。

至於開支比率「貴」定「平」，魔術師就先以主打低收費的「懶人基金」（即「預設投資策略-65歲後基金」和「核心累積基金」）的收費來跟市場其他參與者作比較，永盲的收費與表現真係唔太理想：

（圖片來源：強積金管理局 > 強積金基金平台 > 「預設投資策略-65歲後基金」與「核心累積基金」, captured on 22 Dec 2021）

魔術師再選香港指數追蹤基金作比較。市場上通常都係追蹤盈富，但在盈富因尾帝制裁事件搞到追蹤失效之後，好些強積金香港指數追蹤基金都改追蹤其他指數，好似永盲就追蹤「富時強積金香港指數」；唔知因為咁另類（投資於 iShares 安碩香港指數基金），開支比率和回報同樣是差強人意：

（圖片來源：強積金管理局 > 強積金基金平台 > 香港（追蹤指數）, captured on 22 Dec 2021）

永盲強積金各成分基金（懶人基金除外）又分Ａ類和Ｂ類，開支比率以Ｂ類較平。魔術師暫時都仲未知係買緊Ａ定係Ｂ單位，不過估計應該係Ｂ類，因為公司雖然在２０００年後成立，但僱員人數多過１００人：

（圖片來源：永明彩虹強積金計劃 強積金計劃說明書, captured on 22 Dec 2021）

點都好，理性來說應該係揀開支比率最低的懶人基金，不過由於懶人基金會自動做 asset allocation，魔術師又唔係咁想搞到自己的每月計算太過複雜，所以都係唔揀住：

（圖片來源：強積金管理局 > 強積金投資 > 投資組合 > 預設投資策略, captured on 22 Dec 2021）

同樣地，開支比率第二低的保守基金由於等於存款，始終都會輸通脹，諗完一輪魔術師都係以不變應萬變，跟大貓一樣買返巷股指數基金算了（永盲強積金開支比率第三低）。

（圖片來源：永明彩虹強積金計劃 季報 2021第三季 截至 30/09/2021, captured on 22 Dec 2021）

反正大貓強積金有純正尾股指數基金，收費又平過永盲的大部份基金，做資產配置時將現有個人賬戶的基金轉過去便可以了，於是更加就唔會將大貓強積金整合到永盲了。

（圖片來源：滙豐強積金智選計劃 基金概覽 2021第三季 截至 30/09/2021, captured on 22 Dec 2021）

＊＊＊

伸延閱讀：

信報 2021年12月15日

MPF美股基金今年吸水91億稱冠

強積金顧問公司駿隆表示，自今年9月至11月，股票資產連續3個月錄得淨流入共68億元，大約有51億元資金於11月流入股票投資組合；亦見成員開始轉入美國股票基金，該類基金暫時成為2021年內最多資金淨流入，約為91.5億元。

駿隆集團執行董事王玉麟稱，雖然股票市場11月表現較差，惟建議強積金成員在調整強積金計劃時，應考慮較長線的投資年期，除資產類別及板塊外，亦應留意所參與的強積金計劃是否能提供目標回報。

宏利為強積金市場龍頭

此外，駿隆公布強積金市場佔有率報告，業界龍頭首三位依次為宏利（26.8%）、滙豐（17.8%）及永明（10.9%）。過去12個月，宏利及永明錄得最多市場佔有率增幅，分別增1.3個百分點及1個百分點，相反滙豐的市佔率下滑最多，達1個百分點。

積金局向立法會人力事務委員會提交強積金制度的實施進度報告，提到11月份共接獲267宗投訴，當中226宗涉及共173名僱主。相關投訴中，以投訴僱主拖欠供款佔最多，共214宗。