莫道你在選擇人

日前邪惡的ＦＢ又有有趣的 news feed 推送給魔術師。常規讀者對今次的發帖應該不陌生...無錯就係呢位獵頭 hunter...

眾黃人一舉話間公司（及其ＨＲ）「有問題」，但又唔具體地講「問題」所在，又係黃人慣用技倆「笑而不語」等你「自己諗」的套話技倆，其實就係順住受眾的思維，任何受眾自行演譯的「問題」都係黃人的答案。猶幸今次留言唔算多，魔術師也可以嘗試整合一下「問題」發生在哪裡。

１：ＨＲ語氣唔好。

「係唔係都打咗針」語氣間好似係假設咗求識者係打咗針。以求識者的角度，ＨＲ唔應該 make 呢個 assumption。當然，ＨＲ可能一早就有公司 policy 要紀錄員工打針紀錄，而且可能業內員工對打針呢個「norm」已達成共識，當成係「搵得呢份工打咗針係常識」。由此路進，ＨＲ的最大的「問題」係唔知道呢位求識者黃得咁緊要。

２：如果份工需要打針才能上班，ＨＲ應該在 job description 中早就列明。

如果公司需要員工打咗針才能夠上班，咁ＨＲ真係需要在入職要求上例明。呢個應該唔涉及「歧視」（我城的反歧視條例只有４項：性別歧視、殘疾歧視、家庭岡位歧視、種族歧視）。

不過，正如有留言者提及「分分鐘人哋唔做之前嗰份都係因為俾人逼打針 如果係要人打針嘅出job ad嗰陣交代清楚好d」。魔術師都同意呢個係一個「問題」，寫清楚啲均真啲就最好，以免浪費大家時間，又或者唔想聘請黃人的公司誤請了個黃人入嚟，浪費公司資源（admin，training 等）。

又或者，如果公司唔一定要求入職者一定要「已打針」咁在 job description 中唔係話「required」都可以係「preferred」，那就好似留言所講睇吓個求職者有幾大 bargaining power 囉。

３. 如果公司逼人打針才能入職，咁有事（副作用）是否由公司負責？

又係呢種「呢樣嘢唔係我想做的，你要求我做就要為我準備好一切，我有乜事你就要負責」的論述。其實只要反向思維，「打針出事係咪公司負責」的邏輯，亦可運用於「你唔打針，中招容易出徵狀造成傳播，惹到其他同事，你自己又要請病假，最後都會影響公司運作，咁公司損失係咪你負責？」，「既然有針打你選擇唔打，「自己健康自己負責」，咁正苦亦無責任照顧你的健康。公立醫院費用係咪你付全費？。

不過以黃人的強辭奪理，有事一定Ｄ咗正苦（或公司）先，逼你打針有副作用係正苦／公司負責，唔逼你打針由得你「自決」，到後來病到五顏六色又係正苦／公司負責。

４. 全世界都解除緊疫苗通行證，香港可以玩到幾耐呢

全世界「解除緊疫苗通行證」，但先決條件係先打好疫苗，家居隔離條件充足，市民又唔會濫用公共醫療資源亂咁 call 白車。人地真係「自己健康自己負責」，唔會輸打贏要，黃人、傷民得咩？

５. ＨＲ都只係 doing their job only，只係循例問吓，唔需要咁大反應，唔啱做可以唔做...

估唔到獵人兄的粉絲都唔黃得哂，叫做有啲比較持平的言論：話好多大公司都報打針紀錄；在呢個時勢，搵工要打針是常識；又話如果自己係老闆都唔會請佢。最抵死的都係呢個留言「都好既, 提早知道呢個求職者有精神問題」，魔術師睇完真係笑咗出嚟。

＊＊＊

點知，下集來個大反轉，原來上集已是（起碼）一個月前發生的了。

６. 點解咁無骨氣？

所謂「無骨氣」，潛台詞就係「不為五斗米折腰」。對黃人來講，就係「擇善固執」，「毋忘初心」、「你若放棄，誰衛我城」，誓死要跟正苦對着幹，你要我打針我就偏不打。然而要做到「不為五斗米折腰」是要有相當的本錢（底氣），一係就係早已達成財務自由，一係你就可以壓縮自己的生活質素，做個苦行僧，好讓食老本都可以茍延殘喘多一陣。

不過，黃人巷孩似乎甚為唔捱得，竟然一個月就投降，仲要反高潮地打針兼無恥地問公司會唔會請返佢，臉皮厚成咁真係難得。只係識得放狠話，話人地有問題，到自己捱唔住時就（間接）承認有問題的是自己，只能夠講句「膠都廢事俾」。

７. 黃色工作圈

曾經係威係勢嘅「黃色經濟圈」唔知去咗邊，否則都唔會有留言所說「出面唔打針既工算少，唔打針生活到既，一係自由工作者、一係僱主又或者係食自己糧倉頂到過風頭希望各位唔打針既人搵到份唔打針既工捱落去」，抗爭不是請客食飯呀！

８. 看透了呢位求職者

跟上集一樣，呢一篇都有啲持平嘅留言，例如話無禮貌、ＥＱ低、以為世界係圍住佢轉等等。果然應驗咗網友嗰句「唔怕你顏色，最怕你無腦」；不過話又說回來，黃人個腦似乎都係十足十「巷孩巨嬰」，成日自 high 講到係威係勢，但結果就係有頭威無尾陣，十足十《龍珠》中的撒旦先生。

＊＊＊

伸延閱讀：

社區法網 ＞ 反歧視 ＞ 概述香港現行之反歧視法例 ＞ 1. 哪些香港法例是主要的反歧視法例?