世界上有幾百樣人

徇讀者要求，魔術師今期便又開心 share 一篇來自黃色獵人的求職者見聞：

魔術師初時睇都有啲搲頭，以為個求職者係去見工「做ＣＥＯ」，但睇真啲原來「in CEO」的意思係「俾 CEO interview」，阿獵人兄的倒裝句語法真係有啲難明。另外,此事應該係發生在確疹數字以「幾何級數」上升的日子（當時未接受快測），一眾不論顏色的醫護都叫苦連天的日子，所以才有減少「不必要活動」以防傳播之說。

不過，獵人粉絲（簡稱「獵粉」）似乎都睇得明，而且正反回應都有，有啲就話見吓真人好正常，求職者回應唔需要咁直；有啲就呢類追唔上時代（一定要見真人）的工唔做都罷；有啲黃人就譏笑求職者為「防疫Ｌ」...

至於究竟做乜嘢工一定要 ＣＥＯ 見過真人全相先得（亦意味着 ＣＥＯ「唔聽正苦勸告」強自返工？），online meeting 就唔得呢？獵人無講，唔通係 ＣＥＯ 貼身秘書仔？這算不算是另類的「手停口停」工作（誤）？

另外，魔術師都同意呢位求職者講到「呢份工我唔 in 喇」咁直，睇怕呢位求職者都係黃人巷孩一名也。

哈哈，呢位求職者比上一之嗰位「醒少少」，只需半日就「打倒上午的我」，可能真係下一代太夜訓，晨早流流 call 佢未回魂唔知自己講咗乜。正所謂「死道友不死貧道」，無理由為咗保護班醫護首觸搞到自己無咗份工㗎！

而獵粉回應方面，對呢位求識者的忽然轉軚都係負評居多，好似呢位求職者才是 ＣＥＯ 咁；黃人就抽水話「病毒會在８點後清失」：

睇嚟呢份工可能真係「ＣＥＯ 貼身秘書仔」，秘書仔心生一計，將錯就錯想借啲易去打探 ＣＥＯ 住喺邊（可能係查到ＣＥＯ 住邊才厚着臉皮食回頭草），夜麻麻去人地屋苑會所「私會」，８點開始 in，見完都９點，如果ＣＥＯ並無老虎大人就可以更進一步來個「跨家庭聚會」...

至於之前俾 ＣＥＯ 食檸檬，依家又𦧲飯應會唔會太樣衰？巷女本色，搏吓都好吖，唔搏就係機會贏，搏輸咗亦無損失，why not try？

最後ＣＥＯ個回應都幾抵死，唔知係咪真。眾獵粉就發揮傷民「睇人仆街最開心」的本色，眾口一詞話ＣＥＯ做得好，防疫Ｌ又輸一場，真係黃到出汁：

魔術師自己就無乜感想，只係笑吓算。畢竟呢個案例係發生在快測被廣泛接受之前，如果係在今時今日，防疫Ｌ大可以去面試，再在面試期間即場拎枝驗孕棒同ＣＥＯ交換禮物，個感覺應該好好多。

＊＊＊

伸延閱讀：

莫道你在選擇人