今晚食乜餸

在特衰正苦咁多防疫措施之中，晚市禁堂食就係最能篤中魔術師的死穴。事關魔術師通常在下午６點鐘放工，加少少班咪咪摩摩搭一陣車去中環或者旺角，７點零鐘食晚飯，食完再搭車返屯門。但晚市禁堂食，大量食肆提早至六時關門，如果以正常時間放工，選擇已經勁少，仲要拎住個飯盒搭車，都勿話唔驚倒瀉籮蟹。

幸好公司有得長期 work from home，６點幾收工去屯門市中心或龍門居買嘢食，都係好選擇。

１. 千味家：兩餸飯（蒸水蛋、茄子）（＄３６）

位於屯門市中心 Food Maze，勝在８：３０pm 仲有開。

２. 燉奶佬：炒菜芯加羅宋湯（＄４５）

華都花園分店。飽就一定唔夠飽，不過少食多餐，間唔中素食一餐都幾健康。

３. 勝記燒臘飯店：燒鴨下庄（＄４０）加咸蛋（＄６）

富健花園對住條街的燒臘鋪。以前老豆都不時買一份燒鴨下庄暫料，不過燒味唔可以成日食，最多都係兩周一次。如果周末在龍門居食午餐，順便買份做晚餐都唔錯。

４. 齊齊串泰式串燒：豬、牛、雞軟骨（＄４０）、蒜辣炒雞翼尖（＄２５）

位於富健花園的屯門著名串燒，黃店但啲醬汁（含花生）真係好很正，開得夜亦啱哂魔術師

５. 祝祝川粵美食：泰式嫰滑雞飯（＄４５）

富健花園舊年才開業的雞飯鋪頭。雞肉嫰滑，醬汁惹味，仲有酸蘿蔔墊底。９點鐘關門，唔怕摸門釘。

６. 龍門居小食店：菜肉雲吞（８隻，＄３０）加咖喱魚蛋（４串３２粒，＄３６）

龍門居食街，掃街當晚餐，唔太健康之選。

７. 泰美美食：煎釀三寶（炸雲吞ｘ３、茄子ｘ３、青椒ｘ２，＄２０）、碗仔趐（＄２８）加味緣：即炒辣雞翼尖（＄２２）

龍門居食街，掃街當晚餐，唔太健康之選。炸雲吞同茄子都好好味！雞翼尖較少但夠辣，啱哂魔術師口味。

８. 味緣：炒米粉（＄４０）加腸粉（＄１０）

炒米粉都可以當正餐，唔當做掃街。住公屋時老媽子放工後都有時都會在樓下買幾蚊腸粉俾魔術師在開飯前做個小吃，今次又加下餸當做個體回憶。

＊＊＊

伸延閱讀：

社交距離措施分三階段放寬　4.21重開晚市堂食等　維持口罩令、限聚令　林鄭籲保持耐心 2022-03-21 17:13:26

【有線新聞】行政長官林鄭月娥宣布，現行社交距離措施會按計劃維持至4月20日。若果疫情沒反彈，之後會用3個月、分三階段放寬，首先是餐廳重開晚市，健身中心、美容院等復業，但最終仍會維持口罩令和限聚令，亦須使用安心出行及疫苗通行證。

疫情近日回落，但政府認為不是時候放寬社交距離措施，決定一切依舊直至下月20日。林鄭月娥：「（疫情）越過了高峰、有下降趨勢，但下降的幅度不是立刻見到，令大家都很安心。所以在這個情況下，難以在今天放寬社交距離措施。現在我們的研判是，當香港疫情沒有出現反彈跡象，並持續呈下降趨勢的大前提下，我們將由4月21日起分三階段、用三個月時間去解除大部分社交距離措施。」

第一階段大部分表列處所包括健身中心、宗教場所、美容院、按摩院都可以復業，康文署轄下的體育設施、博物館、圖書館、表演場地等會重開；限聚令由二人變四人、不會再禁止跨家庭聚會，餐廳晚市可以開到晚上十時、四人一枱。

到第二階段，餐廳放寬到八人一枱、晚市延至12時；酒吧、卡拉OK、郵輪、泳池、泳灘、派對房間都會重開，上限是八人，這個階段去郊野公園或在戶外做運動都不用再戴口罩。

到第三階段，限聚令和口罩令仍然繼續，不過處所不再有人數上限，營業時間都沒有限制，但仍要掃安心出行和用疫苗通行證。

林鄭月娥：「我只能夠在這裏呼籲市民，繼續要有耐心，因為我們已向大家公布清楚的路線圖、時間表。」

消息指，政府考慮擴大疫苗通行證適用範圍，要求所有去公立醫院及診所覆診或接受其他服務的病人及訪客必須已接種疫苗，緊急情況或有醫生豁免證明除外，目的是保護經常要去這些地方的長者，緊急服務將不受影響。