貓店長 (九)

是日（雙十）牛一，一於休息一期，吸吓貓療癒吓。這天好久不見的藥材貓竟然蒲頭走出來俾人任摸唔嬲，呢位踎係度嘅C9說就係咁摸藥材貓嘅背脊同屁股，非常之之咸濕：

而魔術師就趁機撩吓佢下巴，啲毛好軟熟，摸同被摸嘅都好開心。

第二日魔術師又去探藥材貓，見佢係度哄哄吓唔知係咪想偷食：

不過藥材貓好醒的，一感覺到有對眼叮住佢，就馬上擺好甫士坐定定扮乖：

東張西望完之後，就俾個猶如巡行和匯演的側面你睇吓：

魔術師行過幾步，藥材貓竟然仲識正面望鏡頭添！藥材貓下巴撮毛真係好吸引！

又，較早前見過細細隻的藥材貓2號究竟係咪藥材貓個仔嚟？