魔術師家居隔離期間除了煲吓X仔碼頭水餃、煮個冷麵、食吓罐頭魚之外，口寡寡都會試吓叫吓外賣。例如星期五晚就想食好啲：
|
| （熊貓外送下單：區內某茶記的豉汁蒸倉魚 例湯係金銀菜煲豬骨） |
|
| （熊貓外送下單：區內某茶樓的牛肉腸、牛肉球、金錢肚、灌湯餃） |
懶閞又懶，星期日午餐都係唔煮：
|
| （戶戶送下單：堅信號一人套餐：生煎包、冷麵、飲品，再追加鳳爪） |
今次唔係叫熊貓，而係戶戶送，認真有驚喜：單價過$100已可免運費（親民過熊貓好多），首次用支付佬俾錢仲可以減$30，用尾帝銀行 Cash Back 付款仲有1%回贈（市面上祇有少數信用卡對電子錢包扣帳有回贈），實在係抵：
又，魔術師用「暴大校友」期刊墊枱食飯，都算對得住段爸爸了。
＊＊＊
伸延閱讀：
見返單C線未呀？外賣好處係乾手淨腳，唔好處係永遠唔夠菜...
回覆刪除第五第六日已連續兩天單線了，不過正苦話要等到第七日，即係聽日。
刪除真A,妳介紹的雲吞好好食,而家多數都擺一 兩盒喺雪格看門口。
刪除今日行過惠康見有「迷你水餃」系列特價，$15一包。都係快熟過原隻大水餃，我家班怪獸都話OK，試得過。另外淘大有隻棒棒餃，特價時$10-$12都有，氣炸即變鍋貼！
刪除嘻嘻，我都係對鍋貼有興趣啲！
刪除鍋貼：呢排「研究」到，蒸焗爐可以免睇火免彈油做到類似效果。
刪除Steps:
1. 買隻可以氣炸的急凍餃先，睇包裝。
2. 焗盤底抹少少油免黏底／少咗半塊餃子皮，然後放餃。
3. convection mode高火（210C上下）焗8分鐘。
4. steam mode 100度3分鐘（我部最少係5的，唔怕脆少咗都可以唔使中途停）
食得。唔會做到脆底，但會脆面，方便過企響個爐前面等到燥底。
多謝詳細講解,我哋個蒸焗爐淨係蒸過魚同燉蛋😆。等我試吓妳呢個簡易鍋貼做法先得。👍
刪除哈哈，我無蒸焗爐（擺多過用），所以都係用返老豆教落的傳統煎餃子手法。
刪除