《G風暴（G Storm）》：講到一舊屎的傷巷故事

黃百鳴呢套以劇情犯駁超多 bugs、對白弱智、剪輯手法幼稚拙劣聞名的「字母系列」終於來到最終回，魔術師都由初頭睇唔明咁低贊嘅電影我城票房收入慘淡點解仲有得拍落去（豆瓣有評論「低口碑，高票房」），到依家明白北上搵人仔才是路數...看來眾內地觀眾對我城ICAC職能都不求甚解，只係見正能量大爆發，有反貪有公安等正義使者大發神威便拍爛手掌（根據有時不太準確的維基百科，本片預算為1,400萬帝幣（或1.1億我城貨幣）；而我城票房則為500多萬我城貨幣（！），內票票房為6.2億人仔（或6.8億我城貨幣幣（！！））！

又，由於魔術師實在寫不出有邏輯的劇情 summary，那就不如一面捉 bug 一面 screen capture 吧！

＊＊＊

可能係因為我城檢症政策尚未放寬，那個甚麼甚麼「亞太反貪會議」竟然在南亞某國舉行。ICAC主講者竟然又唔係乜處長物膠層，而係廉政公署首席調查主任陸志廉（古天樂飾）。陸志廉講完一輪廉記在我城的發展史、辛酸史、同埋如何令我城市民安居樂業，同埋未來願景之後，陸 sir 阿頭余 sir（關禮傑飾）便介紹了東南亞後貪國際協會法律顧問龐愛瑪首席大法官（宣萱飾）給陸 sir 認識。這時有一人肉炸彈走近愛瑪，陸 sir 發現馬上用我城方言安慰（咁肯定對方聽得明？）；兩名殺手見人肉炸彈被陸 sir 隱住，便用槍想射殺愛瑪。余 sir 奮身制住其中一名殺手，殺手誤殺了人肉炸彈；陸 sir 奪過引爆器之後，打倒另一名殺手並奪過手槍。余 sir 在糾纏間不幸被殺手射殺，陸 sir 卻只望了垂死的余 sir 一眼，之後便木無表情地追趕殺手去了。

殺手跳入垃圾槽，卻剛好掉到垃圾桶上，未有跌死；但殺手也很好心，沒有移走垃圾桶，讓照辦煮碗跳入垃圾槽的陸 sir 可以安全着陸。陸 sir 跨境執法將殺手射殺又制住了恐怖分子同黨。恐怖分子見有特警來到，便在陸 sir 耳邊開了幾槍，震到陸 sir 耳鳴頭暈，乘亂逃去。

回到我城，余 sir 在東南亞某國被恐怖分子射殺似乎並未釀成外交風波。由上一集開始同陸 sir 做咗 friend 兼順便做埋廉記線人的王藍祿（張繼聰飾）在夜總會拍到海關官員鄺逸朗（廖啟智飾）與一神秘女子有錢銀交易，然之後仲享受揼骨服務。廉記監聽到鄺逸朗會到碼頭驗收某些貨物，知道事有蹺蹊，陸志廉與程德明（鄭嘉穎飾）兩位調查主任便帶隊調查。廉記監視跟蹤貨櫃去向，等到時機成熟表露身份（ICAC負責當場捉拿人口販子？），發現鄺逸朗協助走私的貨櫃藏有不少東南亞女奴（工人姐姐？）。這時又衝出一班恐怖分子出來以重火力壓制眾人，掩護同黨逃走，流彈仲打死咗個女奴，陸志廉亦被轟到失魂。

前幾集已經瞹昩地暗戀着上司陸 sir 的美莉（夏嫣飾）約王藍祿出嚟想他開解陸 sir，但祿卻反而叫美莉去追陸 sir。程 sir 查到人蛇有使用假入境文件，應該牽涉到入境處高層。程 sir 去老人院探老豆（盧海鵬飾）卻遇上同父異母的弟弟程非熊（黃宗澤飾）。程 sir 當日在貨櫃場見過細佬出現，又見細佬有些來歷不明的金錢俾老豆做零用，便走去質問細佬。非熊當然否認，程 sir 亦奈他不何。

本來係重案組但後來調任聯合財富情報組但出動時仲好似係重案組的劉保強（張智霖飾）調查到走私人蛇與東南亞恐襲案的主腦是恐怖分子沙育，承上集由祖國派來的調查員男女二人組又加把口講述沙育的犯罪手法（彰顯全面管治權？）。由於致力打擊沙育的人販集團，又要凍結其資產的龐法官將會來到我城，聯合財富情報組劉 sir 竟然向新任記阿頭（張兆輝飾）提議提升恐襲級別，而新廉記阿頭又可以 appoint 劉 sir 做保護要員組去保護龐法官，叫本來的保護要員組情何以堪！

在夜總會跟鄺逸朗見面的神秘女子指使沙育去殺龐法官，轉頭又聽頭子命令去除掉收了他們錢的傷巷官員。陸 sir 依照王藍祿拍來的照片，懷疑初沐就是以現金賄賂官員的中間人，要求眾廉記手足去調查之；而陸 sir 自己就要去找鄺逸朗探口風，誰知陸 sir 剛去到海關總部便見到鄺逸朗被車墥死。龐法官一到埗便馬上要出外演講，完全無視保護要員組的安排。然後鏡頭一轉，就跳咗去講陸 sir 去王藍祿屋企食家常便飯，原來陸 sir 仲係上一集才剛剛出世、今天已快高長大的祿囝囝嘅契爺添。鏡頭又再轉回龐法官出場演講前被論論盡盡的助手用咖啡倒濕件衫，劉 sir 忽然又好體貼咁唔知喺邊度搵到件裇衫俾龐法官換。

龐法官演講完後（應該係，除非唔係）回程時被沙育的手下伏擊，又狙擊槍又機關槍又炸彈咁去對付劉 sir 與龐法官的防彈車。一輪在公路上飛車追逐槍戰之後，劉 sir 終於擊退了刺客，但龐法官的助手就身受重傷。為免傷巷變成亞洲最危險的城市，保安局竟然買咗沙育呢班恐怖分子怕，要正義先鋒龐法官有如「輸落燈」咁離開我城。龐法官認為依家走就等於認輸，拒絕離巷。劉 sir 無法反駁，只好顧左右而言他，話買嘢俾龐法官食，而龐法官竟然在醫院內助手的病房前話要吃雞蛋仔，成個畫面非常之有喜感。

除鄺逸朗之外仲有幾名官員相繼遇害，情況令人懷疑。廉記得知神秘女子叫初沐（李昕岳飾）跟同伙肖卓亞（謝天華飾），兩人紀錄太過清白，陸 sir 便懷疑他們是與以現金賄賂官員的案件有關。同時陸 sir 亦發現程 sir 有點古怪，走去查問但不得要領。程 sir 在中環見到細佬被一群黑旅人押走，馬上出手營救。兩兄弟雖然由不知為了什麼事不和，到不知道為什麼和解，但程非熊依然拒絕透露任何跟人蛇案有關的資料，程 sir 也只好弄間私伙安全屋讓細佬好像佳仔一樣躲避。陸 sir 返到辦公室，美莉竟然主動出擊整三文治給上司吃...廉記有無規定同組同事不得談戀愛？

陸 sir 無端端走上肖卓亞和初沐的辦公室，爆哂自己查到啲乜嘢，同埋懷疑他們兩人就是幕後黑手，肖卓亞當然否認，然後陸 sir 仲留低自己名片，慌死人唔知佢查緊肖、初二人。王藍祿同老婆（陳靜飾）、阿仔在深夜引陸 sir 上精精神科醫務所紓緩壓力（夜診？），但這時有一人肉炸彈跟了上來，王藍祿為救妻兒將人肉炸彈推入電梯引爆，明顯就係陸 sir 搵肖卓亞打草驚蛇，被人伏擊，害死了王藍祿。劉 sir 來開解陸 sir，順便自嘲一吓本片的不合理：ICAC 本來是文職，陸 sir 卻又揸桐又穿避彈衣，有如007一樣。

程非熊將收鄺逸朗的錢幫手運貨櫃的事情向程 sir 和盤托出。陸 sir 查到程 sir 包庇細佬的證據，將他調離行動組。龐法官收到肖卓亞電話，原來龐也是個貪官，肖卓亞威脅龐不要涷結他的戶口。過咗幾日，劉 sir 終於買到雞蛋仔俾龐法官食。肖卓亞帶埋劣C同證據，去廉記篤初淋同龐愛瑪背脊。

不知道龐法官是否受到了雞蛋仔的感召，在文化中心演講會上大爆「我爸是貪官，我都是貪官」的黑歷史，又因發現原來係沙育殺死龐老爸的，於是雙方關係破裂，沙育故此不斷追殺龐以毁滅證據。這時從廉記總部來對文化中心的陸 sir 發現程非熊已變成人肉炸彈，警方拆彈組要在兩分幾鐘之內拆除。這時沙育的軍隊掩殺過來，跟陸 sir 帶隊的廉記（！！）和由O記轉保護要人組的劉 sir 帶領的O記在人群中展開激烈槍戰（！！！）：

在沒有飛虎隊、老解的援下陸 sir 和 劉 sir 等護着龐法官且戰且走，一直由文化中心「逃」到去太空館。沙育將眾人圍困在天象廳，碌出一個手榴彈，劉 sir 的女組員奮身以防彈（防爆）墊擋下，但依然被爆炸震到嘔血。恐怖分子以強大火力佔了上風，脅持劉 sir 等逼問龐法官去向。龐法官不忍劉 sir 被殺，出來投降；龐法官正要受槍之際，陸 sir 飛身相救救；美莉乘亂射瓜沙育手下，救出劉 sir 等，而陸 sir 則跟大家都無子彈的沙育肉搏，劉 sir 眾人則扶着傷者離去。最後陸 sir 拾起沙育的手榴彈，拉閞撞針塞向他下體；而沙育就按下人肉炸彈引爆器，跟陸 sir 同歸於盡。

三個月後，賄賂海事處官員案落幕，肖卓亞無罪釋放，亦即是龐法官的證詞起不了作用；初沐就要坐15年，等候上訴；但初沐一出法庭就被一南亞姐姐衝上前刺了一刀，剛巧肖卓亞行過串串貢，初沐便拔回刀子狂捅肖卓亞直至氣絕身亡。原來南亞姐姐的妹妹於貨櫃場事件中飲彈而亡，今次係為「南亞人報仇」而來的。眾人有的死老公死老豆、有的死了好同事、有的死了暗戀對象，竟然仲可以坐埋一枱自戀地回顧一番，感情線充滿違和感。跳過回憶畫面，程非熊自首，輕判兩年；但龐法官如何在我城「防礙司法公正」則不得而知，咁都要坐三年，可能求其作條罪俾佢 hea 過班觀眾便算。

＊＊＊

首先，本片的保安局必定炒得，竟然容許沙育帶領一眾南亞兵團入來我城搗亂，危害國家安全，豈非意味着本市治安比南亞城市還要差？否則沙育不會取難捨易。

Bugs 方面，上面 on-screen 吐糟的點子外，仲有就係跟前幾集性格「性情大變」的程 sir：程 sir 上幾集本是L組（調查廉記內部有冇人違規），性格本是大義凜然，但今集卻變了去行動組，仲要親情式護短知法犯法。不過，呢個人物性格 bug 已算小事，情節最大的 bugs 依次為：

1. 龐法官在醫院正擔憂其助手傷勢，劉 sir 話買嘢俾佢食，龐法官話要食雞蛋仔（龐法官應該唔係傷民，亦唔係傷巷假髮人，又會鍾意食雞蛋仔呢類小食？）...結果劉 sir 唔係即時買，而係幾日之後才奉上雞蛋仔

2. 劉 sir 向廉記阿頭提議提升恐襲級別，廉記阿頭又可以 appoint 劉 sir 做保護要員組，成件事無視正常傷巷正苦的組職架構

3. 感情線非常奇怪：美莉死了暗戀轉明戀的男神上司、Dada 又死了老公（阿仔仲要死老豆同契爺！）在片尾仲可以咁輕鬆，又真係拎得起放得下！

4. 龐法官一嚟唔係傷民不在傷巷工作，二來又不是在我城收受賄款或賄賂本市官員，佢犯嘅罪根本就同傷巷無關，傷巷法庭又憑什麼去判她刑期呢？咁都告得入就真係「法治已死」嘞！

另外唔算 bugs 的就係濫用手搖鏡，陸 sir 同 程 sir 在會議室閞會都要搖呀搖，扮紀錄片咩？

本片的編劇、導演俾啲咁嘅情節對白出嚟，只能係話粗製濫造，欺騙觀眾，可能只有「人傻錢多」的蝗民觀眾才不介意觀影質素而去課金俾「姓古的這個男人」去建學校吧？

本片唯一亮點就係蝗妹代表夏嫣和李昕岳都相當養眼，巷女派出 Dada 出戰都唔錯，但戲份就少咗啲；仲要所有女角都無咗生命中的一部分（或連條命仔都無埋），導演實在太不憐香惜玉。

魔術師評分：10（基本）＋5（眾女角）＝15分（100分滿分）

 ＊＊＊

伸延閱讀：

維基百科：G風暴

豆瓣電影：反贪风暴5：最终章 G風暴 (2021)

摩摩電影節之《Ｚ風暴（Z Storm）》：教育電視大雜燴

《Ｓ風暴（S Storm）》：可唔可以拍得唔好咁ｈｅａ？

《Ｌ風暴（L Storm）》：巷人巷審反送中

《Ｐ風暴（P Storm）》：坐監還是我城好