港燦理財（十六）之復常勇者

鑑於4月都嚟緊，又係魔術師財政年度年結的時候；魔術師見關已通，都係時候返深圳（其實只係羅湖商業城周邊）變身收租仔 - 唔係上門收租，而係打吓簿（好老土，因為當年無實名電話號碼所以無申請網銀），睇吓3年無返過上去，收咗幾多錢而已。

見公司最近唔係太多嘢做，某些巷女電車妹更是想放假就放假，唔理做緊 UAT 定係出 release；魔術師見狀，當然「放假不甘後人」，擇日不如撞日，就今天攞個假返上去望吓。

要 return home，除了身份證同 return home card 之外，當然就係要去申報健康拎黑碼。魔術師就好 old school 咁用電腦網頁版去做（魔術師仲 off screen 撩咗一次鼻，反正啲驗X棒多到過期前都用唔哂）：

(圖片來源：出入境健康申报，captured on 20 Mar 2023)

返上去過程都算暢順，但有一個小插曲就係在羅湖站的自動行人帶上，魔術師跟住一個拖篋阿婆，點知去到盡頭個阿婆唔知點解好似發緊夢一直都唔郁，臨急臨忙一時拎唔起個篋，反而連人帶篋打橫滾地葫蘆跌在魔術師腳前，魔術師閃避不及又被絆倒...自動行人帶繼續郁（《死神來了》？），好在後面無人「跟車太貼」無人疊人墥在魔術師身上，然後就有一個阿伯來扶起魔術師同阿婆...

魔術師幫阿婆扶返起個篋，發覺真係好重，都唔知係咪走水貨...搞到咁狼狽真係忍唔住鬧咗句「死廢老」。

去到羅湖商業城間工傷錢莊，發現人頭湧湧唔少講我城方言的「市民」在某些「自動化XX機」前排隊，但由於衣着造型奇特的老弱殘都頗多，結果好多「自動化XX機」旁都有職員「手動」服侍...魔術師暸解完後才知原來是因為換了 return home card 要更新個人資料，又要 Face ID 又要乜又要7，怪唔得班廢老搞唔掂要人幫手。

魔術師打簿就唔使點排隊，發現多咗六位數人仔身家，實在喜出望外。跟住梗係想「走私」啲錢返我城，於是便拎飛排隊 - 服務員告知如果提款超過2萬就要經櫃檯做，隨時都等幾粒鐘。

在羅湖商業城的分行辦事的好處就係職員都識講我城方言（可能都係用來服務巷客都未定），但多數都係阿嬋 look，無乜福利，不過手字真係幾靚嘅！

魔術師趁呢個空檔，就走咗去香格里拉大貓卓越理財搞手續：一就係張 debit card 太殘舊要換，同埋要 activate 返第三方支付，才可以綁定微信女；二就係要拎返個保安編碼器 - 魔術師一向都係由巷貓網銀去蝗貓網銀下載 bank statement，點知最近改到都要用保安編碼器做 two factor authentication；但魔術師的保安編碼器已壞，想要再申請 token 就要用蝗貓網銀直接登入而唔係經巷貓登入。魔術師又唔記得蝗貓登入密碼，要 reset 又要用 token...來來回回幾次，結果都係要親身返上去拎返個保安編碼器至得。

大貓卓越理財的服務就好得多，無乜人排隊，大貓服務員妹妹仔又有啲巷妹味，我城方言比工傷錢莊嬸嬸純正不在講，幫魔術師搞手續時仲忽然間搔腳，話「好多蚊！」（呢間分行是在酒店之內的喎！），仲問同事拎蚊怕水，真係可愛。

搞完手續，又係時候返工傷錢莊，途中見到有塊咁嘅告示牌，叫人唔好拉客同天上掉餡餅有乜關係呢？

但拉客情況最嚴重的是在羅湖關口對出，返而香格里拉對出真係無乜人，個告示好似擺錯位。

魔術師掃碼經微信小程式顯示，過咗成粒鐘先至郁得30人，真係隨時都等多幾粒鐘。魔術師唔再花時間，返去撳機拎兩萬走算數，以後再螞蟻搬家（即係要返多去幾次，做個「復常勇者」），也不學肥媽「挑戰大陸海關」（見伸延閱讀）！

返傷巷亦順利，係要再用微信女揀「出境」再領一次黑碼 - 但大陸關口的掃碼機就頗兒戲，求其一隻好似大X樂的scanner 就算數，真係估佢唔到。

＊＊＊

伸延閱讀：

肥媽自爆犯法？疑大陸登台賺錢　袋裝XX萬現金返港！網：咁都得？（香港01 2023-02-02）