記得古早時期的太古囡事件嗎？中慘家庭最愛太古城，呢個就係太古囡育成的不變定理（00:00 - 09:00）！
樓盤傳真 25/2/2023 第四節 2023年02月26日
設計廊：裝修遇上三尖八角的間隔，相信最考設計師功力。連同剛出世的嬰兒，一家四口搬入新居。設計最重要顧及安全，同時做到柔和、舒適兼備。
兩公婆加個BB囡「一家三口」，仲有個「不時來留宿湊孫囡」的嫲嫲，又有一間工人房，究竟「一家四口」係包嫲嫲定包工人姐姐？
話就話有成千呎，但個廳就三尖八角（左上），又有九曲十八彎的長走廊（右上），魔術師就唔識欣賞了。切雞C在梳化背後造咗個三角形、無窗的儲物室加工人房，解決（男）戶主的「日常需求」（左中、右中），令客廳變得方正，不過儲物室加工人房就無影出來了。
雖然見唔到儲物室加工人房裡面係乜光景，但就見到梳化上方有百頁疏氣（左上）。太古囡BB剛出生，固然係金叵籮（工人姐姐真命苦！），客廳要孤線，為了擴大空間感而改裝的開放式廚房都係有弧線設計（左中、右中、左下）。飯桌上有兩盞燈籠骨架狀的吊燈，一條條線打上天花板，更增恐怖感覺（右下）：
切雞C話將三間房排成曲成形，可以將光源帶入走廊（左上），咁係咪即係話唔好閂房門？主人房用簡約設計（右上），當魔術師一個人都係訓 Queen size bed，但太古BB女父母都仲係訓5呎「大床」，床尾仲擺架大電視（左中），書架就只係在轉角位整幾個層架聊表心意（右中），睇落成間屋都無乜文化。最緊要反而無女主人要衣帽間，仲要有四圍反射的落地鏡，有啲似時鐘酒店。
書房裡面有張單大床，係用來俾「廿四孝嫲嫲」嚟幫手湊孫女（工人姐姐可以做少樣），過夜留宿用，第二日起身仲有得同孫女飲茶（左上、右上）。書房係俾男戶主用嘅，即係男戶主寧願陪阿媽一齊工作，都唔願意同老婆在睡房爭位，把多餘的空間留給老婆做衣帽間（左中）。阿囡間房在睡房隔離，離主人房頗遠；女兒正常地都係無乜裝修（要劃花幅牆就喺呢度劃，唔好搞個廳），只有一個簡約衣櫃，待日後阿囡大咗再作打算（右中）。最後就無主次同客次，無乜花巧算係咁（可能都無乜 budget），以燈帶加蛋光猛度（左下、右下）：
＊＊＊
精華版如下：
完全版：
//記得古早時期的太古囡事件嗎
回覆刪除真喺唔知...XD
//話就話有成千呎，但個廳就三尖八角
缺咁多角／邊，想知風水上點可以解決。
//切雞C在梳化背後造咗個三角形、無窗的儲物室加工人房
疑似中宮位（今年文昌）俾咗姐姐，不過冇窗又黑，霸咗都冇用。
話"北歐風"，唔知北歐會唔會咁折磨奴隸呢？
//但太古BB女父母都仲係訓5呎「大床」
大床只得一邊有床頭板，呼應呢間三尖八角巖巉嘅屋。
//一條條線打上天花板
有啲似油紙傘嘅傘骨
//為了擴大空間感而改裝的開放式廚房
成千尺都要擴大空間做開放式廚房?有人評論話明火會違規...
竟然油管有完全膠清版...可惜記者唔喺長腿黑C妹妹XD
//真喺唔知...XD
刪除都應該有成廿年前，我都唔太記得，網上又搵唔返。大約係巷女話毒男買唔起太古城單位就唔好追佢之類。
//缺咁多角／邊，想知風水上點可以解決。
先大缺陷無得解決。最多係唔用：例如兌宮缺角，巷婦便可以用層樓㧜死老錢，蓋兌宮指少女，小三也。缺角利元配夫人 XD
//北歐會唔會咁折磨奴隸
雷神個 friend
海姆達爾
傳說中，人類的三個階級是海姆達爾創出來的。他曾化名為里格，並在三個家庭中住宿。
第一個家庭住着一對老夫妻，名叫艾（Ai，曾祖父）和愛達（Edda，曾祖母）。他們過着勤勞、刻苦的生活，里格（海姆達爾）離開後，這家庭生下一個孩子，被命名為「薩爾」（Thrall），亦即「奴隸」。薩爾後來娶了一個醜陋的姑娘瑟爾（Thyr，女奴）為妻，他們生了十二個兒子和九個女兒，所有「奴隸」階級的人都是從他們傳下來的。
//大床只得一邊有床頭板
唔俾老婆有覺好訓。
//有啲似油紙傘嘅傘骨
好有見鬼 feel.
//明火會違規
好似明火是近門口走道就唔得，呢間個開放式廚房都隔門口幾遠，可能得掛？
//可惜記者唔喺長腿黑C妹妹
長腿黑C妹升咗做主持好耐了。