話說魔術師睡房部 Sony KDL-32EX700 電視由舊居屋搬到現私樓，用咗成13年終於打柴，都係時候換返部新機：
|
| （上：舊居龍門居；下：現居初入伙時） |
以電視來說魔術師是 Sony 控，所以都會返去睇吓有乜產品。魔術師睡房不太大，用返與舊機一樣的32吋電視又剛剛好，但去到 Sony 網站，一望之下才發現 Sony 現時（2023年第一季）最細的32吋就只得以下呢個KD-32W830K 型號，往後的就要由43吋起跳：
|
| （圖片來源：Sony > 電視 > 產品 > W830K (HD Ready) | 高動態範圍 (HDR) | 智能電視 (Google TV), captured on 25 Feb 2023） |
象徵式去屯市附近的電器連鎖店望幾望，好似同友和都無乜分別。友和仲勝在用 Livi Pay Later，有得分6個月還款，有8%回贈（Top 盡$100），部新機剛好買夠＄3,000又有＄200回贈優惠，仲經 WhatsApp 幫埋魔術師約埋 Sony 師傅上來安裝同埋歐綠保上門四電一腦回收舊機，態度良好服務周到，網上搞定唔使睇電器店的店員面色，睇怕電器鋪遲早都變夕陽行業也：
|
| （圖片來源：友和 > Sony 索尼SONY KD-32W830K 32" 智能電視 香港行貨 (包座檯安裝), captured on 25 Feb 2023） |
友和極速送了貨，幫魔術師約的 Sony 師傅亦準時到達，一切有電郵、電話確認，感覺十分良好。因為魔術師用返舊掛牆架，無買新架，所以就只附送「坐枱安裝」；而所謂「坐枱安裝」，師傅就只係將電視座枱腳架用螺絲於機身固定，再幫魔術師搜台 set up 而已。因為魔術師自己負責掛部機上牆，師傅就只暫時將機放在窗台上便是：
然而，當 Sony 師傅瞄了魔術師的掛牆架一眼之後，就話：「唔係驚你個架唔啱掛，而係你原裝的螺絲太粗，呢部電視要用幼身的螺絲才掛到上去。」
魔術師聞言馬上「試當真」，果然原裝螺絲係扭唔入。不過，小小風雨又點阻到魔術師呢？再三核對 Sony 官網，確認用緊號掛架係可以 fit 到部新機，只係螺絲呎吋唔啱：
|
| （圖片來源：Sony > 電視 > 配件 > BRAVIA 掛牆支架 SU-WL500, captured on 25 Feb 2023） |
|
| （圖片來源：Sony > Sony 支援 > SU-WL500 > 壁掛 - BRAVIA TV (2015-2022 機型) 的相容壁掛支架與螺絲孔距離測量維度, captured on 25 Feb 2023） |
依據電視說明書同埋掛架、戒指厚度，可以計算到螺絲長度，再去到呢個叫螺絲哥的螺絲網上專門店訂貨。為防萬一買多一套唔同長度，加埋夠最低消費$10便可。
 |
| （圖片來源：Sony > Sony 支援 > ANDROID TV | GOOGLE TV (BRAVIA)KD-32W830 > 說明書 > 參考指南, captured on 25 Feb 2023） |
|
| （圖片來源：螺絲哥官方網站, captured on 27 Feb 2023） |
但，就在魔術師在智郵站收到螺絲，企圖裝個掛架上去時才發現：拆除新機座枱腳架後，那些螺絲不正是啱呎吋用在掛架上？今次真係蠢咗！
|
| （左一：舊機用螺絲；左二：舊機用螺絲；右二：新螺絲 M4x12；右一：新螺絲 M4x16） |
新機掛咗上牆，駁好線 check 過無問題，舊機就交歐綠保處理（都係由友和一條龍預約）：
最後更新埋幅 AV Configuration 圖就大功告成了：
我部舊sony32吋電用左十年，間中螢幕出現一條細紋黑色直線，忘記由幾時開始接唔到switch，跟住係李生舖頭買左部LG，自己拎返屋企自己安裝座枱，唔重好簡單。舊電視搵收買佬收，上門試機收一百，樓下冇試收五十。
回覆刪除//自己拎返屋企自己安裝座枱，唔重好簡單
刪除如果我唔係玩網購的話都會自己裝。
//舊電視搵收買佬收，上門試機收一百，樓下冇試收五十。
一百幾十我就無謂約收買佬上門收了。幾KG嘢我又唔想搬落街。
//那些螺絲不正是啱呎吋用在掛架上？今次真係蠢咗
回覆刪除醫院呀舞台呀嗰班人應該好似魔兄咁小心螺絲釘
//醫院呀舞台呀嗰班人應該好似魔兄咁小心螺絲釘
刪除哈哈，我又係 attention to details 職業病發作啫！