大公猴洞穴

紅磡「納米之城」「環海．東岸」，217呎戶主仲要招呼同事嚟開會，點解唔走去租 We Work（00:00 - 07:07）？

樓盤傳真 11/03/2023 第四節 2023年03月12日

設計廊：一個人住入納米單位，需要儲物空間之外，還要配合戶主身高。設計師想到利用機械幫助，讓起居空間能靈活調整高度。

裝修解密：遙控器失靈，也不一定要丟棄。這次與DIY導師學習如何用簡單方法，救醒遙控器。

戶主呢位「公猴」，身材係就係夠高大俾到「母猴」安全感，但相對地個「洞穴」就變得細咗...究竟切雞C可唔可以幫到戶主吸引到母猴令佢高潮成孕，放心安胎呢？

切雞C今之最得意的傑作就係張升降床：因為戶主身材較較高，不可能用固定的碌架床，於是切雞C便造了這張雙人升降床（左上），日常生活可以撳個掣升到頂，床底下仲有燈槽照明（右上）；要訓時就撳個掣將張床放下，去到「梳化」頂為止（左下、右下）。雖然床即使降到最低都離地頗高，但戶主夠高應該無問題；如果帶埋囡囡返嚟玩，囡囡爬唔到上床，戶主仲可以抱埋囡囡上去添！不過如果床上運動太激烈會唔會整壞張床，升到一半唔郁就唔知點算了！同埋，如果戶主在床上，有人撳掣向上，升降床升到頂會唔會夾死個戶主㗎（見伸延閱讀）？

一入門口便直穿露台落地大玻璃，風水上漏財格（左上）。從露台影返去大門口就見到電視櫃，對面就係梳化仔，即係話升降床就在頭頂（右上）。217呎納米單位仲要整露台，切雞C在露台鋪好戶外木，又整咗張長凳俾戶主好似阿甘咁坐係度發呆，再望清楚樓下沙塵滾滾，都唔知有乜好坐（左下、右下）。

切雞C話電視左邊櫃可以放廚具，真係唔提都唔醒起有開放式廚房，唔知點解無影（左上）。為咗增加儲物空間，一定會有地台（右上）。電視櫃上方有展示櫃（即係床尾方向），要降低張床才能看見那樽「習酒」（左中、右中）。出乎意料之外的就係次所非常整潔明亮，頗具空間感，不過企缸無擋水會唔會向外流（左下、右下）?

白色衣櫃全高到底可以放拉篋（左上、右上）。而飯枱就收在電腦枱下方，拉出來可以食一人飯；如果仲想在呢200呎空間招呼朋友，就要拉出變形枱面摺疊幾吓來擴充面積了（左中、右中、左下、右下）！

＊＊＊

精華版如下：

＊＊＊

伸延閱讀：