本月巷尾勾豬股債都係先跌反反彈，尾帝虛幣科妄銀行與及瑞士投行倒閉，尾帝勾豬拚命干預市場維穩，個市跌唔落去反而吹減息。「受惠」於問尾帝同瑞士糖大小錢莊「借頭」（樊於期腔）因素，結果月尾大市又能夠企穩反彈。本月結算，以尾股為主的沉船基金本月較上月上升2.83%，每單位收報＄155.74（我城貨幣，下同），繼續穩守第一位。尾帝疑似有金融危機，雖然暫時救咗火，但黃金等避險商品依然受到追捧，商品組合每單位收報＄143.91，較上月大升7.84%，升一位佔第二位。以巷股為主的生活基金升幅亦不錯，本月收市每單位報＄137.19，亦較上月升4.27％，但仍不及商品升得多，最後微跌一位至第三位。
合格線債券和現金組合表現平穩，維持第四位，每單位收報＄124.96，微跌0.73%。
複式盈富繼續表現波動，大升大跌，本月每單位收報＄120.35，升2.93％，仍未能返回合格線之上，佔第五位。強積金組合受惠於股債企穩，止跌回升，每單位收報$106.54，較上月升2.57%。房託組合可能驚衰退多過炒吹風減息，一眾巷股收租霸繼續無厘神氣，跌回包尾，每單位收報＄101.67，較上月跌3.79％。
本月樓價估價三大行（大貓、小貓、Grandpa）全線向上，加上投資組合普遍向好，資產淨值（身家）埋單每單位收報＄16,841，較上月升4.51％。本來投資組合有賺，又出埋 Bonus（雖然魔術師只係在公司做咗7個幾月），淨流動資產卻只較上月微升0.40％咁少（較2016年3月31日基數升75.91％)，原因係早前被同事激親走咗去大手鳩嗚對沖情緒（好耐無做過，遲啲寫）所致：
魔術師的資產負債表依然係正資產，相當健康。乘樓債反彈，按揭比率（按揭貸款/樓價）由上月 48.84％ 再跌至 45.94％，物業淨值佔總資產淨值由上月 33.04％ 升至 36.14％：
最後，本月魔術師身家跟我城指數的 beta 值保持 0.30，跟痕指關連再微升 0.08% 至 54.69%；standard deviation of rate of return (month-on-month) 保持平穩，微跌 0.01% 至 3.16％：
沒有留言:
張貼留言