港燦理財（十七）之搶人仔

承上文《港燦理財（十六）之復常勇者》，魔術師早前的周末已經開始「每次拎兩萬」人仔的「螞蟻搬家」行動，第一、二次搬家尚算順利，但去到第三次就出事了。

事緣某個星期六由於屯門去上水的高速公路塞車，魔術師去到羅湖過到關已經係下午3點幾，連忙加快腳步去工傷銀行撳錢。

點知一入卡，畫面就沒有提款選項。

原來錢已被撳乾！

魔術師大吃一驚，作為巷燦，在我城唔係大時大節長假期，真係未試過有提款機被撳乾的。

於是又再加快腳步搭深圳地鐵到大劇院站萬象城喎邊的工傷銀行睇吓點。

深圳地鐵又係一個奇葩，唔明點解可以維持兩元（人仔）一程咁咁多年，令魔術師覺得有啲似在我城搭緊兩蚊廢老飛咁；俾着在我城黨鐵以邪惡的「可加可減」機制已經加咗無數次價。

去到萬象城工行，果然奇蹟無出現。職員話ATM已無錢撳，排隊提款要兩個鐘，其時己是4點幾，即係唔使排。

工行職員又話可以去其他銀行的ATM撳錢，但魔術師聽唔明具體運作，點解可以用工行卡到其他銀行撳錢？

估唔到返大陸撳錢都要「搶錢撳」，又話大陸無人用現金嘅？又唔係擠提，堂堂一間銀行可以幾間分行都俾人撳乾都算無道理。

結果係無功而還返屋企，浪費了車錢和時間。

返到屋企再諗再查，原來在大陸可以用其他銀行的提款機撳錢，只係要俾手績費（即係銀聯網內提款），呢個應該就係工行職員提供的方法。少少手續費唔係問題，但在他行ATM一次過可以撳幾多才是問題。而且工行會被撳乾，點解其他銀行的ATM就不會被撳乾？難道是工行的股務特別差？

不過，魔術師就再諗咗第二條橋。

翌日早少少再上過深圳，在羅湖商業城的工行分行排了個多小時隊，先攞兩萬人仔，再將戶口剩下打算提取的金額轉往大貓深圳分行（好在魔術師多年前經傷巷大貓卓越理財在大陸開了個戶口）。

是次「同城轉帳」手續費15人仔，但就一勞永逸。魔術師就唔信大貓要排幾粒鐘，又或者撳機會被撳乾塘。

果然之後幾次「螞蟻搬家」轉咗去大貓就順利得多，香格里拉分行亦離羅湖口岸唔遠，大街大巷袋住兩萬人仔都唔驚會俾人扑頭（掛？）。

而且最近呢幾個禮拜黨鐵仲有車票優惠（見伸延閱讀），返深圳可以半價，又慳返一筆水腳。

最後，魔術師最近呢個月經羅湖口岸返咗幾次深圳，唔知係咪手提包內有部 MacBook，重甸甸的「惹人懷疑」，結果有一次上去時被大陸海關捉住檢查，有兩次在返巷關口被巷方海關捉住檢查：返上去時乜都無，陸方海關當然無嘢好檢；返落嚟時就算魔術師打開手提包，內有電腦一部同埋一個裝咗錢的公文袋，巷方海關都係望吓就算，無話要打開個公文袋睇吓咩嘢嚟，照機亦順利通過。

魔術師心諗，無論陸方定巷方，以前真係無乜點 check，最近的經驗似乎真係 check 緊咗。不過就真係唔知陸方在入境時想 check 乜，畢竟一篋兩篋 return home 的傷民大有人在，要走私點都以呢班人為先，魔術師一個手提包又可以帶到幾多貨呢？又，以巷方來說，就算魔術師係帶超過2萬人仔過關，照計都唔關巷方海關事；如果係內藏K仔或私煙咁，個公文袋又可以裝得幾多？

真心唔明截住魔術師來查甚麼。

＊＊＊

伸延閱讀：

港燦理財（十六）之復常勇者

港鐵半價首日　有市民批宣傳不足、稱減價更好 2023年04月08日

【有線新聞】港鐵今明兩日有半價乘車優惠。

上水站早上人流不算多，有人拖着行李入閘，市民這兩天用八達通乘搭港鐵、輕鐵及港鐵巴士或者以二維碼乘車，均有半價優惠，包括在羅湖及落馬洲出入閘，但不包機場快綫。今次優惠源於港鐵去年發生多宗事故，罰款超過1億元，落實新票價調整機制後，承諾挑選4天作為感謝日為乘客提供半價車費優惠，包括今明兩日，及下月13日、14日。

有市民批評港鐵宣傳不足，鍾先生：「都是剛拍卡時才知道原來便宜了這麼多，都划算，尤其是學生票還有半價，如果在『可加可減』機制下，不加價可能是更好的方法，始於這個（四天）優惠並非涵蓋到很多人，又不多宣傳，也不是所有人受惠，因此如果在『可加可減』機制下，不加價反而減價，可能會更好。」