富士山下屋

 傷民愛「鄉下」的程度真係瘋狂。好在「鄉下」的移民政策相當嚴謹，等閒不能入藉，以免「溝淡」「鄉民」的「優等民族性」，否則傷民大量「移民返鄉」，巷式壽司隨時「內銷變出口」淹沒「鄉下」都似！

樓盤傳真 25/3/2023 第四節

設計廊：喜歡日本的程度，可以將日本景點帶回家中。戶主居住幾十年的舊居重新規劃，除了加入和風主題，更使室內有更多活動空間。

杏花邨都係舊樓，如果諗住要套現，執靚佢有基本裝修的確可以吸引到啲新手懶人（鍾意買殘裝好鋤價的應該是樓市老手了），但究竟搞到咁「鄉下系」是否咁多人鍾意就木宰羊。又或者戶主係諗住住過世唔會賣樓或出租？

老實說，魔術師對流浪漢切雞C的印象唔差，算係個良心切雞C，起碼佢嘅個案都無話將間屋亂拆推倒重來，收埋啲無謂費用，所以佢啲個案通常都唔會去到六位數。今次玩簡約日系，唔單只要整色整水玩尷尬地竟然要學另一間切雞公司的大姐玩花線，花線之間藏有硅藻土吸濕，加埋楠木飯枱（左上、右上、左中、右中），再唔知點解整個和紙屏風（真係紙？會唔會穿㗎？）遮住本來都幾光猛、出面見到樹景的窗戶（左下、右下）：

假設人從大門入屋，飯廳位於玄關的左手邊（左上），玄關地板由黑麻石定界（右上），牆壁係由竹籐鋪成（左下），成為「特式牆」同「特式地板」。玄關仲有個活動鞋櫃可以當凳坐（右下）：

廚房位於玄關的右手邊。流浪漢切雞C將原來的廚房牆拆去，往客廳方向擴展，加大工作台面（左上、右上）。新建的牆壁有半幅是玻璃，可以「睇」到廳嘅電視，不過就應該聽唔到聲（左中）。客廳天花板有盞古怪形狀嘅燈（右中），但幅於廚房向客廳偷位，雙座位貴妃椅跟電視的距離非常近（左下、右下），睇戲的話同坐戲院前座無分別：

客廳電視櫃與展示櫃拉平，中間是走廊通往睡房（左上）。流浪漢切雞C將三間房打通成一間大房（右上），但簡約設計的睡房依然無法三邊落床，但窗外見海，相當開揚（左中、右中）。書房以「房中房」設計，即門口開在睡房裡，要入書房必先經過睡房（左下）。書房空間有限，窗台書枱對住個細窗，跟睡房同向都係面海（右下）。

次所改為趟門，都係簡約設計，流浪漢切雞C無嘢好講，只好稱那些恍如公眾浴室的「瓦仔」為「日式瓷磚」（唔通係似「日式澡堂」？）；地磚以蜂巢形瓷磚鋪砌，只怕在便便時會被喚醒「密集恐懼症（Trypophobia）」（左上、右上）。便便或沖完涼出來，一眼就會見到裱上富士山相片的儲密室趟門，令人「精神一振」（左中、右中）。拉開儲物室的大門，都係層架，和預留放置大型家電的空間（左下、右下）：

＊＊＊

完全版如下：

精華版如下：

＊＊＊

伸延閱讀：

維基百科：密集恐懼症