瞬間睇廣告（十二）

 1. 保險（廣告）囡囡

呢排真係無乜廣告妹係睇得上眼（例如伸延閱讀中的周家怡），雖然呢位巷女唔同角度的樣貌都相差得頗還，好似兩個人咁（上圖明顯靚好多，難道真係「只供參考」？），但已經相對上算係比較「養眼」的了：

平情而論，呢間網上保險公司食水的確係無傳純靠 agent sell 嘢的保險公司咁深；但單單論廣告本身，除咗囡囡之外，肥仔嘅作用完全係無厘頭唔知做乜，「屏幕內容只供參考」更加唔知點樣可以方便到客戶投保，整個廣告內容欠奉，魔術師就覺得幾失敗也。

＊＊＊

2. 好想嘟囡囡

發達通消費劵搵鏡仔做代言就真係無性趣，但企隔離嘅巷妹都似乎幾可愛：

睇返單頭廣告，原來呢位巷囡叫「陳穎欣」Yanny（同垃圾會蟻員Joephy Chan 同中文名），係「三碟死」女子組合 Super Girls 成員，依家係黃黃地節目《試當真》的偽人：

睇返依家啲 Caption 成日員係得個英文名，要查基本「人設」都要問谷歌同維基，魔術師實係唔認老都唔得！

＊＊＊

3. 家電定期置換

魔術師真係唔想 quote 咁多保險公司的廣告，但睇返近期的電視廣告，多數都係保險、保健補充劑等廣告，以往大戶地產霸的新樓廣告不復見，更遑論係其他零售用品、食品等廣告（賺唔到錢所以廣告投放都少咗？）。難得見到以下電子消費產品的廣告，似乎幾吸引吓：

雖然魔術師用開的 Miele 吸塵機都開始老舊，但基對於泡菜國產品品質無信心，「大拿拿」7千幾蚊唔想當跌咗錢就算...

(圖片來源：友和 > 生活電器 > 清潔 > 吸塵機 > LG CordZero A9 TS 蒸氣系列 All-in-One 濕拖無線吸塵器 A9T-STEAM 石墨綠 香港行貨, captured on 22 Jul 2023)

好彩再睇返，最貴呢款吸塵拖地機竟然係逼你同時吸塵拖地，而唔支援單獨吸塵、拖地（即係吸唔到地氈？），咁就真係唔係好掂（是否真是如此要再暸解）。所以話千祈唔好俾廣告呃咗衝動消費，例如呢款「中剷扮有 life style」的 Dyson V12s Detect Slim Submarine 乾濕全能洗地吸塵機就最近唔覺有廣告但似乎都唔錯，但一樣唔好衝動消費，尤其是要鑽牆掛充電器咁ON9真係唔想，要找方法解決：

(圖片來源：Dyson 香港官網 > 最新優惠, captured on 22 Jul 2023)

＊＊＊

4. 懷緬過去常陶醉

估唔到傷巷正苦廣告都咁有「創意」識得玩復刻版賣情懷：

當年巷青入建造業訓練局，「一出嚟就大把人請，人工仲哈哈哈」，又可以「同老婆搵疊靚樓」；乘着昔年樓價起飛的日子，如果理財有道識得「一開二、二開四」，數十年來自然就可以晉身「一生N宅」的「收租仔一族」，提早過財務自由的生活，亦羨煞今日廣告片中的「孫仔」。

在今時今日「人才荒」的情況下，「孫仔」「一出嚟就大把人請」的確唔出奇，「人工仲哈哈哈」就可能係苦笑自嘲多啲，要「同老婆搵疊靚樓」就更加唔容易：「靚樓」一定唔能夠係納米樓，又要係名牌發展商，位於市區又要有豪華會所，就算「孫仔」「一出嚟就大把人請」都未必能夠負擔到首期，每月供樓負擔、一闊三大管理費更是每月蠶食「孫仔」的收入，萬一「一出嚟就大把人請」的背後實情是「自僱工作」就更是難捱，到時恐怕唔想「啃老」「靠爺幹」都唔得了。

＊＊＊

伸延閱讀：

維基百科：陳穎欣 (藝人)