畸寶由收費轉免費，就連樓盤節目都開新篇。可能因為財經內容「太豐富」，睇切雞C表演的環節搬咗去新節目《家家有求》逢星期日9:30播完全版，既有的《樓盤傳真》則播精華版：
家家有求 2023年7月2日
喜愛打卡的戶主，設計新居要求離不開要IG-able。一有適合的位置，設計師就用特色背景讓戶主影相。
480呎新樓，仲要整幾個打卡位，啱晒切雞C整色整水用，仲加埋個乜Q「奶油風」，完全唔知咗噏乜：
講嘢好多名堂、terms、成日拋書包的切雞C話戶主想要「波希米亞風格」（左上），魔術師就唔知係乜東東。切雞C就話用弧型設計，首先就係由玄關的鞋櫃着手（右上）；但魔術師都係唔明點解弧型設計可以提供多啲空間俾對鞋放哂入去（左下、右下），而傳統長方形嘅鞋櫃係做唔到嘅？
第二同第三個弧形重點就係飯廳嘅卡座同埋飯廳（左上、右上）。飯廳有長椅可以招呼豬朋狗友上來玩 board game，長椅又可以打開用來放置 board game，不過咁深拎出拎入都幾辛苦（左中、右中）。茶几般的矮枱除了可以用來玩 board game，仲係飯枱，食飯食得咁辛苦，魔術師就唔明點解戶主仲有興緻打卡（左下）。客廳電視櫃都係造得深，話可以用來擺影音器材，但木櫃門設計就唔知會唔會阻到傳統的紅外線遙控接收了（右下）。
由於戶主夫婦暫時無孩，所以幾客房打通變書房加衣帽間（左上），但書枱卻面壁屈埋一角（右上），想睇吓窗外風景都要扭腰去睇（左下）。衣帽間另一邊牆身係到頂衣櫃，又係要擔梯先攞到最頂層的不常用衣物被鋪（右下）。
切雞C又吹水話睡房床頭板分開上下兩部份，分別以波希米亞風溝維多利亞風設計，但望上去都唔知有乜咁特別（左上、右上）。切雞C又在主人房床尾用上弧形設計的側面收納，話可以慳位，但魔術師都係聽唔明（左下）；然後又好屈就咁整張梳妝枱在床尾，女戶主要坐喺床化妝真係辛苦哂（右下）。
國產凌凌漆要隨時隨地都可以剃鬚，但戶主就鍾意隨時隨地都可以打卡。切雞C提供咗3個打卡位，一就係有啲「鎢絲 sir」風格的壁燈（左上、右上）；二就係長椅背的籐織背景（戶主無工人姐姐，呢個背景版都幾難清潔，左中、右中）；三就係被稱為「全體式打卡位」的半天吊假天花（左下、右下）：
至於次所和廚房保留原裝，於是就無影了。
＊＊＊
完全版如下（00:30 - 9:42）：
精華版如下：
＊＊＊
伸延閱讀：
新節目冇報清拆水泥價錢，喺咪怕咗正苦留意有冇違規XD
回覆刪除將軍澳有業主拆單位主力牆 甯漢豪：加強留意網上裝修短片是否違規
／／「奶油風」
好似西方所謂嘅beige，喺乏味嘅代表
／／波希米亞風格
通常喺極有個性強烈風格，竟然可以同奶油一齊，等同喺青樓起貞節牌坊咁。
／／飯廳有長椅
排排坐根本就唔到嗰又低又細嘅茶几，又冇其他櫈，點食飯吖有咩X用，起碼都要一嗰長枱啦。
／／波希米亞風溝維多利亞風
幾條線就維多利亞真喺服咗佢。
其實成間就喺倭式或灣灣式文青呃like風。
／／就係被稱為「全體式打卡位」的半天吊假天花
究竟想點吖飛上天花板去打卡？兩公婆「全體式打卡」聽落鹹鹹濕濕咁XD
//新節目冇報清拆水泥價錢，喺咪怕咗正苦留意有冇違規XD
刪除係呢個 case 無乜 break down 啫，其他個案都好詳盡的。
//甯漢豪：加強留意網上裝修短片是否違規
公墓園拎正片辦公時間上網睇片。
//通常喺極有個性強烈風格，竟然可以同奶油一齊，等同喺青樓起貞節牌坊咁。
傷民就係鍾意亂拋書包嚇人。
//其實成間就喺倭式或灣灣式文青呃like風。
啱哂戶主鋪打卡癮。
//兩公婆「全體式打卡」聽落鹹鹹濕濕咁
陳冠A興陳冠B。
//公墓園拎正片辦公時間上網睇片
刪除唔好睇AV就得喇，至多zoom in記者妹妹嘅長腿XD
//傷民就係鍾意亂拋書包嚇人
可惜佢唔會噏古希臘文拉丁文，冇得做切雞界嘅馮翁
//陳冠A
當年又真喺有人分析閃咭裏面嘅裝潢／公仔嚟判斷喺邊嗰嘅房XD。
其實如果當年冠A冇敗走尾國，就會經歷黑暴又要靠邊站，真喺危中有機呢。
//唔好睇AV就得喇，至多zoom in記者妹妹嘅長腿XD
刪除真係日頭唔好講人，即時就有「公墓園」演活AV情節，下一篇寫。
點解唔正正經經擺張正常梳化, 係都要訂做咁麻煩? 一睇就知唔好坐, 舊左想換仲要拆左去先有位放.
回覆刪除PC
//舊左想換仲要拆左去先有位放
刪除個打卡位張坐墊磨蝕咗都唔知係咪要搵切雞C配返個一模一樣嘅。