自從年前受過腿傷之後（見《魔術師的恐懼鬥室》），魔術師做少咗好多運動，加上疫情期間主要都係宅在家，搞到成個人都孱咗好多；加上日前又意外墥親頭（見《魔術夜崩昏》），魔術師都係決定做返少少運動，於是上星期日（10月15日）便去南丫島行個圈，在榕樹灣出發，影吓相兼訓練吓對腳。
由於前面兩位巷女身形都係扒扒地，魔術師便沒有搭訕做男伴遊，都係快步爬頭算了。
沙灘上無乜靚囡，反而為咗避過肥騰騰的洋婦，不如影佬算了。沙灘前面有檔豆腐花，食完補充血糖，便再出發。
上咗一段斜路，竟然氣喘連連、心跳加速，好在有長椅坐下，有樹葉隙中影到太陽。
行吓透吓，終於去到最高點。可能真係太耐無做運動，估唔到當年的 piece of cake，都依家都有少少難度，要慢慢行邊行邊休息。不過，做返運動的感覺又真係唔錯。
去到索罟灣，竟然有個新建的涼亭。以 iPhone 影天空和雲，效果都相當唔錯。
＊＊＊
伸延閱讀：
手機拍攝功能越來越勁，相機甚至單反就快被淘汰
回覆刪除單反無反主要係俾啲「有要求」的人用（當然仲有專業攝影師），即係類似玩 HiFi 咁。
刪除不知道魔術師有沒有做Gym習慣? 先做下負重運動鍛鍊下肌肉再做運動係好有幫助的，同埋會令你冇咁易受傷。
回覆刪除而家健身店愈開愈多，但若你唔慣係室內同班臭男人共處都唔緊要，好多鍛鍊其實都係屋企可以做到，甚至唔需要道具，只要有張席就得。
森
更簡單的是，可以由行路開始--日均10000步，揾個藉口俾自己行，或刻意行下一個站上車、早一個站落車。
刪除有Apple Watch計步就最好
是的，而家資訊同各種輔助工具好多，想做但做唔到運動既原因，其實都係懶 XD
刪除步行是基本，但下肢同核心肌肉唔夠力既話，行得多都會傷膝，所以動態同靜態既鍛鍊都要兼顧。
森
//做 Gym
刪除以前都keep 到一個星期做兩次，每次一小時，但被舊舊公司分手後，轉咗工公司附近無得做，便又「輕輕放下」了。
//好多鍛鍊其實都係屋企可以做到，甚至唔需要道具，只要有張席就得。
疫情期間我反而有跟 Youtube 做輕量 HIIT，但返返工又係無做到。
//可以由行路開始--日均10000步
//動態同靜態既鍛鍊都要兼顧
依家公司位置山旮旯，食個午飯都要行十幾分鐘先有餐廳，都係另類運動來的。
//轉咗工公司附近無得做//
刪除而家開係住宅區附近既健身店愈來愈多，魔兄可以考慮Join下
//疫情期間我反而有跟 Youtube 做輕量 HIIT//
一個在家做運動最大既問題係好難持之以恆，出去有個Buddy互相鞭策下係好D
森
//而家開係住宅區附近既健身店愈來愈多
刪除係，依家屯門都開咗幾間24小時 Gym，「如有有恒心的話」係可以去做的。
24小時 Gym最大好處係可以月月清，下個月唔想去唔交費就得；當然月月清月均係最貴，取平衡可以揀例如半年plan。
刪除最大壞處係半夜無管理員，真真練練下死左都無人知（已有真實案例）。
我都有JOIN 24小時GYM, 早兩三年JOIN 係
刪除1個月月費1000
6個月約月費800
12個月約月費500
對我呢個CHEAP友泥講係無得揀XD
半夜無管理員就真係自己就, 唔好咁激烈
一支公衰D講系屋企都係咩都無人知
求救設備一定要跟身
//當然月月清月均係最貴，取平衡可以揀例如半年plan。
刪除另一個考慮要素就係一定要趁屋苑會所關門之後再去做...
//求救設備一定要跟身
選、用平安鐘手冊選、用平安鐘手冊
祝早日康復🍀
回覆刪除謝謝 康復咗喇！
刪除