中女服務長知識（Return Home Card 篇）

話說魔術師於上星期五（10月6日）墥親頭入院（見《魔術夜崩昏》），咁啱星期一（10月9日）上午又打風，於是便學那些打個乞嗤便請病假的有青同事，向公司請半天無醫生紙病假（原醫生紙只放到星期日），下午唔返工，休息一陣見無大礙便去為仲有半年就夠期（即2024年4月）夠期的 Return Home Card 繽期。 

由於天文台在星期日晚便講定8號波掛到星期一11點，魔術師星期日晚便 book 期預約：

(圖片來源：香港中旅證件服務有限公司 > 預約申領港澳居民來往內地通行證(回鄉證), captured on 12 Oct 2023)

預約流程相當簡易，只係需要填寫個人資料，傷巷身份證資料、Return Home Card 資料（續領用）、父母配偶子女情況（健在與否、有無聯繫、有無等，唔知問嚟做乜？），再 book 日期時問地點，咁就搞定，也不截圖了。

中旅職員十分喜歡返工，打完風兩小時後開門，魔術師當然就係 book 星期一下午：

(圖片來源：香港中旅證件服務有限公司 > 香港中旅證件服務各中心地址及營業時間, captured on 12 Oct 2023)

魔術師當然揀屯門造證。「中女」屯門辦公室原來已搬到屯門中央廣場，前不巴村後不巴店，幸好可搭輕鐵到屯門泳池站落車。

魔術師去到邊屯門中央廣場時好似仲係黃雨，見到地下有間影相舖便馬上走入去影相：

呢間係 3rd party 拍照服務，有白幕有打燈用單反影相，效果應該好過「名士（08483.HK）」，盛惠＄50兩張，一樣可以幫客人影啱 Return Home Card standard 的照片，當然亦提供條碼，即所謂「照片檢測回執」：

(圖片來源：香港中旅證件服務有限公司 > 常見問題, captured on 12 Oct 2023)

亦即係話市民要申領 Return Home Card，就一定要幫襯指定照相服務提供者，係佢哋先至有 API 可以連繫到中旅電腦系統，自動代檢測照片，合規格者就會提供條碼。呢種做法好處係全自動檢測用得嘅相一定合格，唔會俾市民自由發揮；但如果要我城正苦學「中女」咁做，就一定俾班刁民話官商勾結。

魔術師取過照片，去到「中女」辦事處（裡面都有名士快相，都係＄50但就唔知有幾多張），第一步就係要到自肋機登記攞籌。過程相當快捷，魔術師只需 scan 原 Return Home Card 正反面、身份證正面、同埋照片條碼，咁就可以自動對應到魔術師預約時輸入的資料，然後就嘔張籌出嚟。

再坐一會，15分鐘後就輪到魔術師了：

魔術師只消俾張實體相個職員，職員仔剪剪貼貼之後好快就完成咗張 form，十幾天後便可取證。費用盛惠＄390，竟然只收現金或 EPS，不收發達通、支付佬、微信囡、BOC Pay，樣樣都咁自動化偏偏 payment 就最落後，認真唔明解。

總括來說，今次換 Return Home Card，由網上預約到影相到攞籌到去到窗口有職員服務都相當滿意，流程既自動化又暢順，唔會好似我城正苦咁叫市民去完一個窗口等完就到第二個窗口等（見《正苦服務長知識（護照篇）》）。唯一要改進的當然就係付款方式咁大把。

＊＊＊

伸延閱讀：

魔術夜崩昏

正苦服務長知識（護照篇）