四季茗茶精選（2023）

話咁快又到年尾，又係英記茶莊（08241.HK）周年八折大減價的時候：

魔術師盤點打開廚櫃盤點一下，都要行禮如儀入返啲貨：

春天（正月、二月、三月）飲花茶。只有香片一個選項，只需「補倉」白龍珠香片便成。

買入：白龍珠香片

夏天（四月、五月、六月）飲綠茶。照舊都係龍井與碧螺春的選擇。基於碧螺春尚有存貨，於是補入獅峰龍井及雀舌龍井（極品龍井貴但唔啱飲）便是。

買入：獅峰龍井（維基 Mall 無售）、雀舌龍井 

秋天（七月、八月、九月）飲青茶、岩茶。選項有鐵觀音、鳳凰單欉（維基 Mall 無售）、人參烏龍、與及以白茶中的白毫銀針；英記的大紅袍魔術師唔太啱飲，從略。基於各種茶葉均有存貨，只需要補入貢品觀音王即可。

買入：貢品觀音王

冬天（十月、十一月、十二月）唔飲紅荼飲普洱（黑茶）。家中已經存有「家藏普洱」（以前睇過網上話係生茶十二年陳，但文章已不復見），只需補入「遠年普洱」（同上網上話係只是熟茶六年陳，但相當對魔術師胃口、甚至覺得好飲過舊年份），與及「頂舊普洱」（同上網上話係熟茶九年陳）便是。

買入：頂舊普洱、遠年普洱

英記在維基 Mall 開有網店，但唔係所有產品都有售；好在魔術師想買的大部分都能買到（只剩獅峰龍井要到實體店購入）：

（圖片來源： HKTV Mall > 英記茶莊, captured on 3 Nov 2023）

在維基 Mall 買好處係 VIP 在星期五買滿＄500有95折，加上用阿爺錢莊 Chill Card，網購又有 5% 回贈，總共即係差唔多係正債八折後再九折，仲有得送上門，真係唔網購就笨（怪唔得實體店商場 REITs 唔掂） - 

依家維基 Mall 仲可以送到澳門、袋鼠國、同埋米帝，身在外地又想飲茶的網友就有福喇！至於運費，就請自行參閱 FAQ 吧！

（圖片來源： HKTV Mall > 常見問題, captured on 3 Nov 2023）

（註：魔術師持有英記茶莊（08241.HK）長倉。）

＊＊＊

伸延閱讀：

中銀Chill Card信用卡