我城正苦搞夜繽紛，黨鐵響應夜返（至11月23日為止）買5送1免全程車票（最多送4張），先決條件就係要先裝黨鐵 app。估唔到魔術師儲吓儲吓都儲咗2張免全程車票：
然而，呢個夜繽紛的獎賞車票，竟然係強迫乘客要去數碼服務站換領，咁就未免有啲麻煩；如果可以的話，點解唔好似平時用黨鐵積分換獎賞咁（3000分換$10車票、6000分換全程，魔術師就換哂$10車票），可以經發達通 app 領取車票呢？
去數碼服務站換領，最大的問題就係黨鐵站就只得一部機，好多時要站頭行到站尾去搵，非常之唔方便。魔術師這天在九龍站搭返去屯門話，車費超過＄20，最好就用呢個全程免費優惠：
按 Main Menu 進入，再選「兩個步驟領取車程優惠」：
之後數碼服務站就會彈個 QR Code 出嚟（不截圖），然後再在黨鐵 app 按「換領」，彈個 QR Code Scanner 出來 scan 個 QR Code：
Scan 完之後就會彈出魔術師帳戶內有幾多張免費車票，再按領取：
畫面便會提示你在數碼服務站的發達通感應器上拍卡，然後便完成了：
相比之下，用發達通 app 領取不是更簡易嗎？平時用6000分換全程優惠都可以用發達通 app 領取喇！黨鐵「非不能也，實不為也」的原因是什麼呢？
係唔改系統的情況下，直接比6000分。這樣就可以自由選擇用服務站或app換領。如果要直接換，就要二揀一再進行換領流程。咁可能要係程式到改，做用者驗收測試先至出街，搞一兩個星期係大公司是基本吧
回覆刪除至於數碼服務站，係比無npc 功能手機都用到呢個優惠
//係唔改系統的情況下，直接比6000分。
刪除直接俾6000分，個客就可以用來換其他嘢，好似無咗「出行」呢個概念。
//如果要直接換，就要二揀一再進行換領流程。咁可能要係程式到改
只要在夜繽紛印花頁面下按換領之後，個 app internal 行個 search, filter key = 車程優惠同埋所需積分=6000，即刻就做到 app 同服務站二揀一。反正夜繽紛印花頁面都係咁「新寫」，當初要試都應該唔難。