繼兩位桌球大師成為「新傷巷人」之後，外國人「回流」都要返巷定居，以行動講好傷巷故事（00:12 - 09:32）：
一家五口從澳洲移居香港，追求簡約英倫風，令新居簡約如新。特製陶瓷餐具迎新歲，願新一年圓滿豐足。小窩居門戶對策，趟掩門可以大幅減少佔地面積。
屋主係從袋鼠國「回流」傷巷的「外國人」，三個小朋友同一對夫婦（無工人姐姐）。睇返全屋設計，外國人屋主本來屬於邊個國家真係呼之欲出。究竟點解唔「回流」返祖家反而留喺呢個「前殖民地」呢？
切雞C話擔心玄關有太多塵埃，便同戶主行咗好多間瓷磚鋪，揀咗黑白雲石磚，再以菱形方式鋪砌出玄關地面（左上）。用意係黑白色唔覺有塵？門後設有鞋櫃，亦整咗張凳仔供着鞋，不過將來個坐墊用到霉咗就唔個點換（右上）。玄關連接廚房的位置設有吧台，盡顯洋腸家庭的生活品味（左下、右下）：
客氣牆身以白色為主（左上）。由於戶主係外國人，特別有品味，鍾情展示藝術品，於是切雞C便幫戶主整咗路軌燈，提高彈性俾戶主為不同新舊展品打燈（右上，左中）。電視櫃下方設有細孔，將影音器材放入去收納就依然能夠用紅外線遙控操作，但抹塵就有排搞（右中）。切雞C講到無嘢好講，就連吊扇可以俾到人 chill 嘅感覺同埋可以將冷氣吹勻全屋都講埋（左下、右下）：
切雞C在露台牆身用上圓點磚，掛咗洋婦畫像（前事頭婆（？））；窗框以黑色金屬格仔設計「打造」、配以縮細了的黑白菱形花紋地磚，果然好有上世紀六、七十年代龍獅正苦辦公室、健康院的風格（左上、右上）。切雞C又將廚戶入口改位，由飯廳直入，爐頭對正「開放式門口」。切雞C話空間闊落咗，業主煮食時唔怕墥到手肘，但廚房裡面一樣係咁狹窄（又話間屋成千呎？左中、右中、左下）。飯廳以方形枱、卡位設計，配合返橫樑「框」出一個食飯地方（即係橫樑壓頂食飯，不過洋腸應該唔介意）；飯枱對面加塊鏡增加空間感（同時睇住自己嘅食相），當然又少不了洋婦畫像（前事頭婆（？），右下）：
所謂「白色簡約風」的次所就唔使講，「古典」風的水喉手柄、黑色馬桶蓋十分有舊時代公次風；圓點地磚濕咗水發霉就有排清潔（左上）。「小朋友」房（左中）和客房（右中）都無乜好適，但睇個格局似係三個「小朋友」一齊訓一間房，客房反而丟空？主人房亦無乜特色，只係將電視收在衣櫃內，唔睇時可以收埋（左下、右下）：
＊＊＊
精華版如下：
完全版如下：
沒有留言:
張貼留言