爽歪歪富國島（七）之小貓食海鮮（Day 6）

話咁快就去到二號酒店「富國島海洋灣度假村（Ocean Bay Phu Quoc Resort and Spa）」check out 的日子。食完早餐，靚姐姐情況有好轉，伯母又話想「浸吓水」，魔術師「知情識趣」，馬上便「貼心地」返房執嘢先，留返啲時間俾靚姐姐同伯母「親子時間」。

魔術師執完嘢，便出去行吓兜個圈，不用搭電動車，都幾好行，酒店範圍都幾大：

hea 一輪之後，魔術師就同靚姐姐、伯母 check out，留意到酒店係用小米（01810.HK）mon。國貨果然深受一帶一路發展中國家喜愛，唔怪之得小米去年股價表現亮麗：

酒店招呼甚為殷勤，就算我們是在 check out，冰凍飲料都不絕奉上，實在值得稱讚。

靚姐姐 call 咗車，搭一陣車就去到只係住一晚的「渣渣地」三號酒店「JM卡薩維拉度假村JM CASAVILLA RETREAT PHU QUOC）」。酒店雖然只係四星，但都別具特色，好似去咗錦綉花園的獨立屋咁 - 一間屋仔有齊客飯廳（唔記得影相）、露台、廚房、主人套房、客房（無偷影）、客次（無偷影），主人房係雙人大床俾魔術師，客房就兩張單人床俾靚姐姐同伯母：

安頓好，坐一陣，就準備出去行吓。由於間酒店位置前不巴村後不著店，都係唯有經酒店 call 車。同司機講想去咸寧（Hàm Ninh）漁村食海鮮，但司機話好幾年前漁村就被颱風破壞了，沒甚麼看願。甚麼？難道我們找到的妄想資料都是 so exciting 的 old news?

既然如此，要吃晚飯又太早，就叫司機帶我們到處逛逛。第一個景點就係瀑布公園，但由於季節關係無乜雨量，去到只係有公園，不見瀑布：

行行吓見到有架嬰兒車，附近又無人，有點兒陰森恐怖：

既然無乜嘢睇，就讓司機帶我們去下一個景點：魚露工廠。呢次就真係好介紹，魔術師同伯母都掃返幾枝禮盒裝，送禮自用都好：

掃完貨，司機都帶我們到咸寧漁村行吓，果然無食肆又無嘢買，只有幾間小店在營業，有啲似去咗大澳咁：

行咗一輪開始肚餓，司機就帶我哋去食游水海鮮，靚姐姐揀咁蟹同蜆，魔術師就點咗條魚，另外炒咗個菜同叫咗碟排骨：

食到後來，仲有貓仔同狗仔來討吃。靚姐姐用大件排骨餵狗，魔術師就驚俾太大舊魚貓仔，佢一口食唔哂會俾隻狗搶食，於是細細塊魚俾貓仔食，等佢食完就嚟眼望望：

最後有一團陸客旅行團來到，嘰哩呱啦；但其時魔術師已準備埋單走人了。

至於食咗幾多錢，因為係現金找數，真係唔係好記得了。

＊＊＊

伸延閱讀：

爽歪歪富國島（六）之大出血（Day 5）