爽歪歪富國島（五）之睇動物、食蟹、夜市（Day 4）

都話咗呢間二號酒店「富國島海洋灣度假村（Ocean Bay Phu Quoc Resort and Spa）」唔係咁「長者友善」，食早餐要行一大段樓梯上二樓：

雖則酒店臨近海灘，海景實係幾無敵（竟然唔記得在餐廳影相）。

食完早餐便 call 車去富國珍珠野生動物園（Vinpearl Safari Phu Quoc），全程同司機又係用 Google Translate 溝通：

一入到園區門口便見到有大量卡通人物在 say hello：

要環遊園區，除咗行路之外，仲可以坐車。帶住伯母當然係先坐車遊一圈：

架車會停喺園區內唔同嘅地方讓遊人下車遊覽，有大象有老虎有蛇有馬騮...睇完又去返「巴士站」等下一班車，途中亦有英語講解：

遊完一圈，見伯母都有啲攰，便安頓好她在園區大門前坐陣，魔術師就同靚姐姐散步，行去長頸鹿餐廳跟長頸鹿近距離接觸：

靚姐姐仲同羊BB玩咗一陣，才盡興而歸，pick up 返伯母：

（徇眾要求）

可惜無時間睇 animal show，因為趕住去 Crab House 食蟹...要留意的是，本來經酒店買動物園門票已包含來回車費，但因為我哋中途去咗食蟹遊夜市，車費就要加錢喇！不過車錢全部都係事前傾好，省卻臨時講數的尷尬：

呢餐蟹真係由頭盤到主菜都咁新鮮好味，而且有熟手侍應幫忙拆蟹，客人唔使搞到一手都係，真係正到爆！頭盤、蟹、加飲品三人份埋單計數 4,059,720 VND，碌卡連手續費都「只係」1,263.03 我城貨幣，又唔係特別貴。

Crab House 樓下係禮品店，魔術師就買咗啲朱古力當手信俾班 19 同事，另外就買返幾塊自用：

陽東夜市就在附近，於是又逛咗一陣「女人街」，有熟食有平衫有玩具：

魔術師就買咗隻兔仔俾靚姐姐玩：

＊＊＊

伸延閱讀：

爽歪歪富國島（四）之夜遊富國大世界 Grand World Phu Quoc（Day 3）