前一晚去完富國島夜市返歸，去到酒店 book 定今天揼骨按摩。作為骨精的靚姐姐拎住本 menu 揀呢揀路自製套餐俾自己同媽咪，魔術師就乖乖地跟套餐再追加「自選服務」（唔好心邪）以求時間上較到同靚姐姐一樣，然後就各自返房訓。
臨走之前，靚姐姐俾了個評語幫手 book 按摩的酒店女員工：「乜間酒店請埋啲童工嘅？」
魔術師失笑：「你咪咁喇！人地係生得細粒，同埋打扮得中性啫！」
誰知道這天跟靚姐姐母女在餐廳會合，食完嘢仲沒精打彩，本來今天無乜嘢特別行程諗住游水都無去。聽伯母講，原來靚姐姐M到，而且量頗多...魔術師心想，怪唔得昨天靚姐姐對在動物園繞圈行路唔太耐煩喇！
唔游水都可以哂太陽，而且酒店泳池對出就係沙灘，只係日光浴都夠譜：
見到有洋妞在嬉戲：
在泳池哂完一輪就行出沙灘：
見到有疑似傷民情侶在坐大脾：
沙灘仲有個碼頭仔，附近有間餐廳，個氛圍十足似係船頭尺開；碼頭盡處有個女神像，靚過「深井隻鵝」：
哂吓哂吓好快就去到下午兩點，飯都唔食就去揼骨。個「骨場」係在酒店 lobby basement 層。魔術師當然同靚姐姐與伯母唔同房，而且間房黑麻麻，「服務」魔術師的女技師又載住口罩，睇唔個樣係咪同相中人一樣：
|
| （圖片來源：Ocean Bay Resort & Spa Phu Quoc 官網, captured on 10 Jan 2025） |
女技師相當好力，令魔術師繃緊的肌肉鬆哂（唔好心邪），不知人間何世。兩粒半鐘好快就過，按完之後魔術師被帶到另一間房間嘆茶，等埋靚姐姐同伯母，休息一陣就返房沖涼休息。
三個人各揼兩粒半鐘，連埋各種 discount，埋單計數 6,040,000 VND，即1,848.50我城貨幣...不過個「骨場」班妹妹計數的方法好奇怪，加上英文不靈光，靚姐姐又無心機同佢哋糾纏，淨係話班囡囡「蠢蠢哋」，魔術師只好耐心地以 Goggle Translate 同佢哋溝通，才能弄明白點解咁「平」：
|
| （張單底下張紙有個 Name，但日期係12月17日的，同我哋無關。） |
返房休息一陣，之後去沙灘上的「船頭尺 Grill Bar」食晚飯：
|
| （隻手由伯母提供） |
呢間餐廳有趣在穿恤衫，打扮企理的侍應都是慢條斯理，例牌英文唔係好得的中年越男越女；但相反，穿 T恤 明顯較 junior 貌似學生哥的有青卻相當勸快，英文也較好，看來真係「時代的轉變」令有青的學識和態度都大不同。
晚飯途中，靚姐姐大談生理期對她的情緒影響，搞到魔術師完全唔識搭嘴...講講吓來知靚姐姐唔夠女性用品用，唯有食完飯去問酒店有無「緊急提供」。今晚又係打份中性的妹妹仔來招呼，佢周圍問吓同事，結果都係無。
最後一位大叔員工指示我哋可以去酒店附近的一間地踎士多買...當時夜麻麻，魔術師當然就陪靚姐姐一齊去買M巾喇！
＊＊＊
伸延閱讀：
沒有留言:
張貼留言