前有線、現在的 HOY TV 最近有幾個新節目，其中一個就係賣情懷懷的《歲月如歌》，聽個名就估到係舊廣東歌新唱，不過有線唔係大台，無電視城無「一廠」，照計做唔到《流行經典50年》嘔種格式..,但睇返點解會有現場觀眾，仲有 dancers 嘅呢？原來是節目在戲曲中心上演，睇 credits 仲有正苦資助：
呢個節目有幾多集真係唔知...好似無乜宣傳，點搵咁多觀眾嚟？
1. 胃腩
第一位出場的歌手（魔術師就用唔到「歌星」呢兩個字來形容佢）是胃腩，有線在 Youtube 的 description 是
以細膩女聲重新詮釋張國榮與張學友經典之作，展現廣東歌跨時代魅力。重溫黃金年代粵語金曲嘅感動瞬間，感受衛蘭穿透人心嘅音樂渲染力！
但胃腩一開口第一句個 key 就怪怪哋（唔係走音嘅）...唱落去個編曲正常返啲，但魔術師聽來聽去都只係卡拉OK feel，說好的「穿透人心嘅音樂渲染力」真係唔識欣賞。
胃腩跟住仲唱咗首「自己的歌」，旋律同歌詞都毫無感染力，再吹捧都只是「廖化作先鋒」：
2. 紅＋毫
呢位梳個 MK 柒頭出場嘅有青都係「歌手」，把聲唔出，無氣無力死吓死吓十足 Mark 哥中槍後的樣子，魔術師真係不知道他是誰...
3. 陳潔零
個節目都叫做有前輩級歌星（？）壓陣，但明顯陳潔零在當年樂壇都唔係一線，依家老咗，只能說句「廉頗老矣 尚能飯否」？呢隻話哂都係半首自己歌（點解三位「歌手」都係唱張國榮嘅歌？），都已經無以前咁好聽（其實以前佢都唔算唱得特別好：
最恐怖係壓軸唱《十分十二吋》，重新編曲之後削哂啲氣勢來就返佢個年紀，實在令人尷尬，魔術師只想講句「唔得就唔好夾硬嚟」：
難得陳老師唔知衰，仲話點解林子祥當年無放她的歌進去《十分十二吋》，就係陳老師你最叻咪就係《星夜星塵》、《今晚夜》、《白金升降機》，對比「徐小鳳、林志美、張國榮、梅艷芳、羅文、甄妮、許冠傑、盧冠廷、關正傑」，明顯陳老師就係去唔到人哋的高度喇！
無比較無傷害，睇返當年林子祥《十分十二吋》唱 Live 係幾咁勁（成日話依家的歌手唔掂，聲色藝可能得個「色」係好啲，其他無樣掂...起碼搵個新一袋夠膽唱 live 唔咪嘴己經唔容易）
又，魔術師偏愛跟陳老師一字之差的 HiFi 天后陳潔麗，又聽吓佢早期仍在廣州時同許樂拍檔翻唱的《只怕不再遇上》，就咁兌琴伴奏就可以，使乜咁多樂器編曲編到咁複雜？
＊＊＊
完全版如下：
＊＊＊
伸延閱讀：
林子祥差唔多八十歲仲唱到十分十二吋，好嘢！
回覆刪除真係好佩服林子祥當年係紅館度周圍走周圍唱。歌迷只係好斯文握手。
好難想像換轉係而家比較「熱情」的歌迷會有甚麼反應和行動了。
//真係好佩服林子祥當年係紅館度周圍走周圍唱。歌迷只係好斯文握手。
刪除依家班鏡妖C9粉絲團會去扯爛衫。我城呢個社會，對成年人就開放，對小朋友就保守。
林子祥既唱功同唱腔獨特性，我想應該是後無來者了，且看且珍惜吧
刪除森
//林子祥既唱功
刪除林子祥好似好少 sell 唱功（定係當年唔興？），反而唱胆獨特就係真嘅。
//好難想像換轉係而家比較「熱情」的歌迷會有甚麼反應和行動了
回覆刪除黃子華係棟篤笑講過，俾觀眾打頭
WILL
算斯文了。
刪除尋晚聽左，再睇左魔兄既評價，有幾點想分享:
回覆刪除衛蘭呢場Show個狀態明顯麻麻，佢早前係聲生不息唱得好太多
不過有機會係後期修音問題，聽講大陸好多Show同Viu一堆節目，仲有個Music Panda，都係後期大量幫左歌手執靚D音準的，味精味好重
(有聽過有內地製作人分享過，唯一唔駛執既係周深，因為人地Live唱得幾乎係完美)
而HOY呢個Show明顯係「原汁原味」，暴露哂大家唱Live既功力不足問題
洪嘉豪平時講野已經成口懶音，應答問題又睇得出佢情商都唔高，唱得差已經係意料中事，只能講佢真係好典型既新一代後生仔
搵Miss Chan Chan 做殿堂級歌手代表明顯級數唔夠啦，最起碼要搵甄妮 / 葉麗儀 / 張德蘭 (徐小鳳已幾乎退隱唔係真係捨她其誰)
BTW, 一班後生仔係度尬吹廣東歌有幾經典，不斷Loop「廣東歌真係好正」，真心無眼睇
森
//明顯陳潔零在當年樂壇都唔係一線
刪除//最起碼要搵甄妮 / 葉麗儀 / 張德蘭 (徐小鳳已幾乎退隱唔係真係捨她其誰)
多得「港味」在內地的「剩餘價值」，現在老歌手在內地大有市場，葉倩文、林憶蓮、陳慧嫻等級數都在內地搵真銀，葉麗儀靠一首《上海灘》都分得一杯羹，炒起晒個價Hoy呢啲台仔唔係咁易請得起... 張德蘭就似乎豹隱多時，甄妮就留在台灣鄉間月旦世事為樂，亦不是咁易請得郁。
//一班後生仔係度尬吹廣東歌有幾經典，不斷Loop「廣東歌真係好正」
我無睇，佢地係吹以往廣東歌？
我經常話評論藝術作品，一定要由「非該作品創作年代長大者」評價才能撇開「時代的自我」因素；如果00後對80-90廣東歌特別鍾情，不但高於更早的70年代甚至亦高於自己成長的00-10年代，這的確代表80-90廣東歌的藝術感染力勝人一籌。
睇埋以下，真的不是個例，起碼我在佢地年齡時，別說60年代，對70年代啲歌都無佢地對80-90年代：
https://youtu.be/EHPU8URSv0E?si=HS52o1ThyErSeboc
//衛蘭呢場Show個狀態明顯麻麻，佢早前係聲生不息唱得好太多
刪除無睇過《聲生不息》，但如果加重味精的話就無乜意思了。
//多得「港味」在內地的「剩餘價值」
正如在《熱辣滾燙》，李國麟仲可以在內地 sell 鳩摩智 的角色，我係完全不理解的。
//成口懶音
咁都可以做歌手，證明「出道」門檻實在太低，可能同做保險無乜分別。
//最起碼要搵甄妮 / 葉麗儀 / 張德蘭 (徐小鳳已幾乎退隱唔係真係捨她其誰)
呢啲係大牌了，唔能夠算係「起碼」呢
//不斷Loop「廣東歌真係好正」
//佢地係吹以往廣東歌？
又係 link 去本地文化傳承嗰一套路。
//起碼我在佢地年齡時，別說60年代，對70年代啲歌都無佢地對80-90年代：
段 video 之之摩摩 quote 過了。70 年代仲有大量本地歌星唱英文歌，溫拿、許冠傑等都有，「廣東歌」未算興起，「我哋」（拉埋摩摩落水）細個時無乜印象都不足為奇。
\\但如果加重味精的話就無乜意思了。
刪除其實我聽歌/唱K一般都極少揀Live版，因為基本上所有歌手既Live都比CD版質素相差有點遠 (送禮勤例外)，現在時代進步，有D 現場可以唔駛透過後製就做到修音效果，我又覺得唔係太誇張都可以接受，畢竟人都係唔想隻耳朵受罪嘛！
\\佢地係吹以往廣東歌？
\\又係 link 去本地文化傳承嗰一套路
就如當年班廢青不斷咁Loop「我真係好X鐘意香港」「香港世一」一樣，我係反感佢地完全冇認真諗過，香港經濟/文化/娛樂當年能有相當影響力既原因係咩，彈丸之地既發展從來都係靠外來因素而並非單靠自身努力，但個個(不單後生，亦有一班老野)都講到香港以前犀非利到單拖可以挑戰全世界咁款，只係俾「某種力量」束縛住，佢地既潛台詞呼之欲出
唔講經濟(已經深度同大陸綁定)，講文化娛樂產業，19年後一段短時間內好多製作(TVB除外)都有意強調本土化(其實咪又係抄日韓)，結果Viu等一眾本地製作都成Pat屎咁，最後都係要食老本靠黃子華等苟延殘喘
\\如果00後對80-90廣東歌特別鍾情，不但高於更早的70年代甚至亦高於自己成長的00-10年代，這的確代表80-90廣東歌的藝術感染力勝人一籌。
我覺得有幾個因素，第一是當年廣東歌的製作深度綁定日本(亞洲音樂翹楚)，第二是填詞人的人才井噴，第三是一個全亞洲通病(唔知係咪環球)，就係流行曲近10幾20年既發展幾乎停滯。70/80/90年代既歌係各有辨識度，但2000年代既歌同2010/20年代既分別真係非常少，我地呢D中佬(70/80後)鍾意聽舊歌唔係純粹係懷舊，而係而家D歌既曲風我唔覺得有咩咁特別，但唱歌好聽既人又少左咁多(個個都要做全能唱作歌手邊有時間打磨歌喉)，咁我聽番舊人唱好聽既舊歌好正常啦！
森
//第三是一個全亞洲通病(唔知係咪環球)，就係流行曲近10幾20年既發展幾乎停滯
刪除係，的確係環球通病。從玄學角度看，節錄部分Qwen回答：
一、七運（1984–2003）的玄空本質
卦象：兌卦（☱）
五行：屬金
方位：正西
象徵：少女、口舌、歡悅、溝通、藝術、表演、流行、聲音、鏡像（如媒體、影視）
《易經·兌卦》：「兌，亨，利貞。」意為「喜悅而亨通」，但需守正，否則流於浮華。
二、兌金之氣如何塑造七運的創意文化？
1. 「兌為口、為聲、為悅」——聲音與視覺的黃金時代
金主聲，對應音樂產業的巔峰：
西方：Michael Jackson《Thriller》、Madonna、Nirvana、Hip-hop 黃金期。
華語：張國榮、梅艷芳、鄧麗君、周杰倫崛起；四大天王、卡拉OK文化席卷亞洲。
兌為「少女」與「審美」，推動偶像文化、時尚、青春題材成為主流。
2. 「兌為毀折，亦為鏡」——反思與真實感並存
兌卦一面是歡愉，一面帶「毀折」之象（金有肅殺性），故七運作品常兼具：
浪漫與悲劇（如《泰坦尼克號》《霸王別姬》）
理想與反叛（如《回到未來》《猜火車》《阿甘正傳》）
個人英雄敘事（《終結者》《黑客帝國》）
這種「情感張力」使作品更具跨時代共鳴力。
....
結語：七運是「最後的原創黃金時代」？
從玄空角度看，七運（兌金）是工業時代與數位時代的交接點，兼具手工藝精神（金之精緻）與大眾傳播力（兌之擴散）。而八運（艮土）進入「數位過載」，創作反被技術與資本綁架。
因此，你觀察到的「七運吊打八運」現象，本質是：
「兌金之真悅」對抗「艮土之虛止」
未來九運（離火）若想產出新經典，需融合七運的金氣（深度）與離火的創新（科技），否則仍將陷入懷舊循環。
=====
不過香港又跑輸大市是事實，台灣國語歌在90年代的「滾石時代」是人才井噴期，到00年代雖然人才較少，但一個周董就贏晒90年代所有人... 小弟90年代已經放棄廣東歌只聼國語歌，但到呢十年仍然有新國語歌可以令我收入串流歌單。
//Viu等一眾本地製作都成Pat屎咁，最後都係要食老本靠黃子華等苟延殘喘
Viu都越做越縮。
不過子華神在廣東受歡迎的程度夠食起碼再五至十年了，搞到我又想用數據不日寫返篇《子華神在廣東究竟有幾受歡迎》，哈哈😂
//香港經濟/文化/娛樂當年能有相當影響力既原因係咩，彈丸之地既發展從來都係靠外來因素而並非單靠自身努力，但個個(不單後生，亦有一班老野)都講到香港以前犀非利到單拖可以挑戰全世界咁款，只係俾「某種力量」束縛住，佢地既潛台詞呼之欲出
之前《槍火》留言都講過，台灣對外語片有進口限額、需要大量進口港片為香港提供廣大市場；馬來西亞七八十年代禁辦華語電視臺，又令當地瘋狂流行睇TVB電視劇錄影帶... 香港又是當年接觸西方先進文化的前沿，再加人地的准入限制反而對香港造就大市場，是造成香港娛樂文化產業蓬勃的重要原因。現在人地市場開放了、見識廣闊了，反而到你固步自封，自然逆水行舟不進則退。
至於「某種力量」...個個市場都有某種力量架啦，有無諗過荷里活片華人男主幾乎無同白人女主談情的劇情、更遑論搞埋嘢戲份？無内地市場時電影出口星馬都要改結局、《上海灘賭聖》當年因爲鞏俐大陸演員身份被禁，所以台灣版所有鞏俐戲份要用台灣歌星方季惟再拍過，咁你香港班電影人咪一樣照做？而家塞個陸女做女一就諸多挑剔，又唔見《天若有情》用個無人見過的吳倩蓮有人投訴？再講，八九十年代大陸仍然窮到燶，都無大陸市場，你地拍鬼片（隨時因宗教原因在大馬都諸多限制）都好收得喎，點解現在連本地市場都唔得呢？
其實而家條氣唔順，咪又係香港足球第一篇魔兄所言「這種拒共意識一路傳承至現在」啫，再加埋以前拍乜嘢「陸喱」都睇、可以如《讓子彈飛》「站著把錢賺了」，到現在要對人地市場諸多遷就，就更情何以堪了。
//其實我聽歌/唱K一般都極少揀Live版
刪除唱K好難跟 live，唔會有歌星啲「即興發揮」也。
//有D 現場可以唔駛透過後製就做到修音效果，我又覺得唔係太誇張都可以接受，畢竟人都係唔想隻耳朵受罪嘛！
主要係聽你咪嘴不如聽CD，使乜俾錢入場？唔係真現場演出等於欺場也。
//個個(不單後生，亦有一班老野)都講到香港以前犀非利到單拖可以挑戰全世界咁款，只係俾「某種力量」束縛住，佢地既潛台詞呼之欲出
真係睇得《足球小將》同埋《聖鬥士聖矢》太多了。
//Viu等一眾本地製作都成Pat屎咁
//Viu都越做越縮。
難得仲有一班 die hard fans 死撐，寶力唔夠就講誠意呢。
//第二是填詞人的人才井噴，第三是一個全亞洲通病(唔知係咪環球)，就係流行曲近10幾20年既發展幾乎停滯。
//而係而家D歌既曲風我唔覺得有咩咁特別，但唱歌好聽既人又少左咁多(個個都要做全能唱作歌手邊有時間打磨歌喉)
可以 refer 第二篇 的伸延閱讀 XD
//玄學角度
服咗摩摩，咁都俾你 refer 落兌卦（西毒歐陽峰就夠哂「肅殺性」）。
//現在人地市場開放了、見識廣闊了，反而到你固步自封，自然逆水行舟不進則退。
其實唔止「中國好，香港唔好」，以我城成日以「超級中間人」自居，放在現在「以科技去中間化」的大環境，我城靠食交易費用（張五常的概念）生存真係聽乞米。
//華人男主幾乎無同白人女主談情的劇情
所以發哥的《安鄉與國王》、梁家輝《情人》露股都可以「傳頌一時」。
//「某種力量」
//
又諗起已全家逃去楓葉國、曾向我嘆話「無得再拍《無間道》」的前同事S
近期田啟文成日嘸度話「Netflix 唔拍巷劇，嫌你麻煩」，副嘴臉真係難頂到...
//又唔見《天若有情》用個無人見過的吳倩蓮有人投訴？
哈哈，正是本月影評。