天舞寶輪

七十樓說「血鑽」，魔術師也有看，便插上一腳．

她說有架紅van，魔術師看時倒沒留意，現在想起來紅van的那場戲是Danny叫Solomon扮採訪團的camerman，可以方便行動，誰知Solomon卻不肯說謊．Danny火起來便說：”If you want to get your damn son back...”　當時魔術師心想，這套片的粗話真多呀，究竟遲d明珠930可唔可以播呢套咁有意義既片出街呢？魔術師咁諗，係因為廣管局以下的反智行為：

【明報專訊】廣管局向無綫電視發出勸喻，指其重播的《秋天的童話》電影含有粗話，不應在有大量兒童或年輕觀眾的時段播出。無綫外事部助理總監曾醒明承認在未有刪剪下，將對白「 冚 X剷」及「 fxxk you」播出街，當發現問題後已主動向廣管局呈報，並作內部檢討，會接受廣管局勸喻。
《秋天的童話》導演張婉婷認為，過往多家電視台不只一次重播該電影，不理解為何今天才被指內容含有「粗話」，反映廣管局及社會愈趨保守，尤其家長太過保護兒童，「令兒童變成溫室小花」，但現實社會一樣有粗人和「爛鬼」，「難道要小朋友以後不看電視，見到粗人就掩着眼睛和耳朶？」

魔術師有個港婦同事都係呢種小花．無錯，佢就係自己怕貓便叫魔術師把我張寫字檯的貓兒相反轉；魔術師講左一句「咁就仆街啦」就話haraSsement；魔術師自言自語「咁鬼麻Q煩」就話「唔好再俾我聽到呢d咁既野」（語氣平常，唔係教訓魔術師，因為她的職級較低）的港婦同事．魔術師有理由相信，佢個仔都係一棵溫室中的小草吧！

1. 魔術師返工的地方，也不是甚麼上等人才會去的地方．魔術師在想，如果給港婦小花在街上聽到那些草根老粗在說粗話，她會不會叫那些老粗「唔好再俾我聽到呢d咁既野」呢？抑或佢會不會乾脆唔落街呢？

2. 佢個仔D同學又有無人講粗口呢？如果第日讀書做野俾人用粗口鬧，又使唔使跳樓呢？

3. 西片咁多fuck呀，damn呀，screw呀之類不雅用語，咁係唔係唔會睇西片呢？抑或係睇按mute掣睇字幕呢？

4. 講開西片，龍哥有齣舊片叫「越空狂龍」（Demolition Man），有場戲龍哥去到未來的美國，原來果時美國已經變左人間淨土，唔止講粗口要接告票，性交也被神交取締，以絕性病，人類繁殖由試管代替．看來以上投訴無綫的那位家長和港婦同事都應該幾受呢種完美世界觀．

5. 魔術師以為港婦同事係上等人，有次咪同佢講下柴可夫斯基的「1812序曲」的歷史背景，點知原來小花係唔識咁出名的古典音樂既！魔術師再同佢講下詩詞，又係唔曉喎！大姐，粗俗又嫌粗俗，文藝又嫌文藝，咁即係點唧？

6. 最近無綫播《聖鬥士星矢冥王十二宮篇》，魔術師都有睇．忽然發覺處女座黃金聖鬥士沙加的最強絕技－天舞寶輪－會係呢班小花小草的最終解脫．當你要求社會去遷就自己，而現實又是那麼不如意的時候，不如便用「天舞寶輪」去把自己的五感奪去，以後便可以自閉起來，在自己的世界裡過活了吧．

2007/01/29 23:18:07