偷聽男人心

這天魔術師沒有帶ｉｐｏｄ，結果便在巴士上層「被迫偷聽」了一名男子和他女朋友的電話對話，節錄如下，括號內乃魔術師猜想從電話另一邊傳來的聲音．


＊＊＊
男：「．．．優點？優點唔係自己講架，正所謂老鼠跌落天秤，自吹自擂有乜野意思呢？」

（女：「講係咁邁，不過你唔覺做而家份工哂左你咩？」）

男：「哦，事業呢樣野都要睇機緣既，而且而家都算ok啦．其實我既要求好簡單，有個溫暖既家庭已經夠啦．」

（女：「咁易滿足？之但係你要先搵個老婆返黎喎！唔知我應徵得唔得呢？」）

男：「你梗夠條件啦！其實我有你已經夠啦！」

（女：「係咩？咁我有乜野好？」）

男：「你呀？你d優點就多囉！」

（女：「例如呢？」）

男：「你（細細聲）．．．．．．囉！」

（女：「好衰架你！」）

男（淫笑）：「哈哈，呢d野你知我知咪算囉！」

（女：「唔算呀，你要正經d講你鍾意我乜野！」）

男（拖延時間）：「你ｄ好處多到求其講一樣出黎都羨慕死人喎！」

（女：「咁即係咩野唧？我睇你見到你班friend d　女果陣，似係你羨慕佢地多d喎！」）

男（終於想到）：「求其講一樣啦．．．拿，淨係講你話會陪我供樓呢樣，你睇下係我羨慕佢地定ｄ佢地羨慕呀！」

（女：「乜我有咁講過咩？」）

男：「你記唔記得呀？果次你話你唔想我自己一個供樓供得咁辛苦，可能既話一定會幫我．」

（女：「下？我都無話過by what means．．．」）

男：「by what means都好，it is the same meaning, the result is the same!」

＊＊＊
說著說著，巴士到站，該男子亦下車而去．

魔術師坐在位上，不知是否冷氣太勁，忽然間感到一陣寒意．

2007/01/22 10:52:17