隻雞有幾肥?

友人A君最近因吃了HSBC（指匯豐銀行，不是匯豐控股，下同）IT的肥雞餐而離職，魔術師掐指一算，粗略估計A君拿走的賠償連公積金約有１１０萬.呢筆錢當然唔夠佢食過世，況且佢仲有層樓要供，take a break之後都依然要搵野做；雖然佢無乜進修過，人又唔係好smart，思緒亦混亂，但係勝在把口得，風花雪月吃喝玩樂點都吹得下，加上又有管理大陸員工的經驗，只要唔係要佢做technical或者勁用腦analyse既野，佢都應該能夠勝任，所以魔術師對佢既將來並不擔心．


至於點解會有成百萬咁多？其實肥雞餐俾盡都只係１年人工，但係公積金就好和味，魔術師估計呢１１０萬中有差唔多六成係公積金來的，尤其是係舊員工（舊人），他們的公積金是defined benefit (DB Plan)．而全世界的DB Plan都係用公式計算，只差factor唔同：

公積金＝月薪　＊　年資　＊　factor A

例：月薪4萬，年資20年，factor A = 2　（以上資料純屬假設），則公積金為160萬.

而factor A (＞1)　係隨著年資以diminishing increment的方式增加，直至某個年資max後便不再增加了．亦即是說，factor A max後，每做多一年，公積金便會多了一個月月薪，當員工做到第n年時，HSBC的退休金儲備的回報率最少都要有1/(n-1)；如n=21，則回報率要有5%．而根據2005年年報 (notes 4k p.65)，退休金儲備的回報率由4-8%不等．也就是說，即使無視factor A和薪金的轉變，8%的回報率只能夠支持年資14年以上的舊員工的退休金增長率(1/(n-1)<=0.08 => n>= 14)

可以想像，一但舊員工升職加薪，其公積金的增幅將會是　薪金升幅＊年資＊factor A，會對退休金儲備的投資成績增加壓力．再假設該舊員工做到退休年齡，則公積金的方程式便會有factor B　去取代原有的factor A，而factor B是比factor A大很多的．亦即是說愈多老鬼退休，退休金儲備的財務壓力便愈大．

先看看HSBC 2005年的年報Notes 4k(第65-67頁)，以Group的角度看，其中 DB Obligation的Benefit Paid佔$860(HK$m, 下同),比2004年度的572增加了50%,員工數目2005年是50800(p.1)，比2004年的45000（2004　report p.1)升13%,再計算舊人流失率（第65頁）,走了50800*0.49-45000*0.54=592人，即平均每人得150萬港元．

所以說,HSBC呢之削減人手,除了是「你不值得公司出呢份糧俾你,公司寧願貼多最多一年人工俾你,都好過你係度賴死」之外，仲有就係，而家早d叫你走，公司都可以慳返好多公積金架！

2007/01/25 17:14:03